完整藏文原文 · 德格版页 当前仅加载第 52 函德格 143b 版页；藏文 NFD、目录标记与异常页序保留在来源切片中，重复版页行以稳定序号区分。
མེད་པ་ལྔ་བྱས་ཀྱང་བྱང་ཆུབ་ཀྱི་རྒྱུ་ཕྱིར་སྐྱེ་ཡང་སྲིད་ཀྱི། ལོག་སྲེད་ཅན་ནི་དེ་ལྟར་མ་ཡིན་ཏེ། མདོ་སྡེ་དམ་པ་འདི་ཐོས་སམ། མཉན་ཀྱང་བྱང་ཆུབ་ཀྱི་རྒྱུ་སྐྱེ་མི་སྲིད་དོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་ཤིང་ཀ་ཏ་ལ་དང་ཙིན་དོ་ཀ་ལྟ་བུ་བཅད་ན་ས་བོན་ཚིག་པ་
D119.052.0143b01.01དང་འདྲ་སྟེ་ཕྱིར་མི་སྐྱེའོ། །ལོག་སྲེད་ཅན་དག་དེ་དང་འདྲ་སྟེ། མྱ་ངན་ལས་འདས་པ་ཆེན་པོའི་མདོ་སྡེ་ཐོས་ཀྱང་བྱང་ཆུབ་ཀྱི་རྒྱུ་མི་སྐྱེ་བ་ནི་ས་བོན་ཚིག་པ་དང་འདྲའོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་ཆར་ཆེན་པོ་བབ་ན་ནམ་མཁའ་སྟོང་པ་ལ་མི་ཆགས་སོ། །
D119.052.0143b02.01མྱ་ངན་ལས་འདས་པ་ཆེན་པོའི་མདོ་སྡེ་ཡང་དེ་དང་འདྲ་སྟེ། ཆོས་ཀྱི་ཆར་ཀུན་ཏུ་ཕབ་ཀྱང་ལོག་སྲེད་ཅན་ལ་མི་ཆགས་སོ། །ལོག་སྲེད་ཅན་གྱི་ལུས་ལ་རྡོ་རྗེ་གཏམས་པ་ལྟར་ཀུན་ཏུ་ཁྱབ་པས་ཅིས་ཀྱང་མི་ཚུགས་སོ། །བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་
D119.052.0143b03.01ལ་གསོལ་པ། བཅོམ་ལྡན་འདས་ཀྱིས་ཚིགས་སུ་བཅད་པ་ལས་ཀྱང་བཀའ་སྩལ་པ། དགེ་བ་མ་མཐོང་དགེ་མི་བྱེད། །སྡིག་པ་མཐོང་བས་སྡིག་པ་བྱེད། །དེ་ལ་འཇིགས་ཤིང་བྱོལ་བ་ནི། །ཇི་ལྟར་ལམ་ངན་གཡང་ས་བཞིན། །ཞེས་བཅོམ་ལྡན་འདས་ཀྱིས་དེ་
D119.052.0143b04.01སྐད་ཅེས་གསུངས་པའི་དོན་ཇི་ལྟ་བུ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་མ་མཐོང་ཞེས་བྱ་བ་ནི་སངས་རྒྱས་ཀྱི་རང་བཞིན་མ་མཐོང་བའོ། །དགེ་བ་ཞེས་བྱ་བ་ནི་བླ་ན་མེད་པ་ཡང་དག་པར་རྫོགས་པའི་བྱང་ཆུབ་བོ། །མི་བྱེད་ཅེས་བྱ་བ་ནི་དགེ་བའི་
D119.052.0143b05.01བཤེས་གཉེན་ལ་བསྙེན་བཀུར་མི་བྱེད་པའོ། །མཐོང་ཞེས་བྱ་བ་ནི་རྒྱུ་དང་འབྲས་བུ་མེད་པར་མཐོང་བའོ། །སྡིག་པ་ཞེས་བྱ་བ་ནི་ཤིན་ཏུ་རྒྱས་པ་ཐེག་པ་ཆེན་པོའི་མདོ་སྡེ་ལ་སྐུར་པའོ། །བྱེད་ཅེས་བྱ་བ་ནི་ལོག་སྲེད་ཅན་ཤིན་ཏུ་རྒྱས་པ་མེད་པར་སྨྲ་སྟེ། དེ་བས་ན་ལོག་སྲེད་
D119.052.0143b06.01ཅན་དག་ནི་ཡོངས་སུ་དག་པ་དགེ་བའི་ཆོས་ལ་འཇུག་ཅིང་འབད་པའི་སེམས་མེད་དོ། །ཆོས་གང་ལ་དགེ་བ་ཞེས་བྱ་ཞེ་ན། དེ་ནི་མྱ་ངན་ལས་འདས་པའོ། །མྱ་ངན་ལས་འདས་པ་ལ་འཇུག་ཅིང་འབད་པ་ནི་འཕགས་པའི་སྤྱོད་པ་ལ་ནན་ཏན་བྱེད་པའོ། །ལོག་སྲེད་ཅན་དག་
D119.052.0143b07.01