完整藏文原文 · 德格版页 当前仅加载第 52 函德格 179a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་ཏུ་མངོན་པར་འཚང་རྒྱ་བར་འགྱུར་རོ། །འོད་སྲུང་དེ་དག་ནི་སྐྱོན་དང་བཅས་པར་སྤྱོད་པའི་གང་ཟག་ལྔ་ཞེས་བྱ་སྟེ། དེ་བཞིན་གཤེགས་པ་ནི་མ་ཡིན་ནོ། །འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ལས། འཁོར་མང་པོས་ཀུན་ནས་དྲིས་པ་ཞེས་
D119.052.0179a01.01བྱ་བའི་ལེའུ་སྟེ་ལྔའོ།། །།དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་བཀའ་སྩལ་པ། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་དག །ཡོངས་སུ་མྱ་ངན་ལས་འདས་པ་ཆེན་པོའི་མདོ་སྡེ་འདི་ལས། སྤྱོད་པ་རྣམ་པ་ལྔ་ཡིད་
D119.052.0179a02.01ལ་བྱའོ། །ལྔ་གང་ཞེ་ན། འཕགས་པའི་སྤྱོད་པ་དང་། ཚངས་པའི་སྤྱོད་པ་དང་། ལྷའི་སྤྱོད་པ་དང་། བྱིས་པའི་སྤྱོད་པ་དང་། སྐྱོན་དང་བཅས་པའི་སྤྱོད་པའོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ནི་སྤྱོད་པ་ལྔ་པོ་འདི་ལ་ཤིན་ཏུ་ནན་ཏན་བྱའོ། །གཞན་ཡང་སྤྱོད་པ་གཅིག་སྟེ།
D119.052.0179a03.01དེ་བཞིན་གཤེགས་པའི་སྤྱོད་པའོ། །དེ་ཡང་ཐེག་པ་ཆེན་པོ་ཡོངས་སུ་མྱ་ངན་ལས་འདས་པ་ཆེན་པོའི་མདོ་སྡེ་འདིའོ། །འོད་སྲུང་དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོས་འཕགས་པའི་སྤྱད་པ་སྤྱོད་པ་ཡིན་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོས་གལ་ཏེ་ཉན་ཐོས་སམ། དེ་
D119.052.0179a04.01བཞིན་གཤེགས་པ་ལས་ཡོངས་སུ་མྱ་ངན་ལས་འདས་པའི་མདོ་སྡེ་འདི་ཐོས་ནས་དད་པ་བསྐྱེད་དོ། །དད་པ་བསྐྱེད་ནས། འདི་སྙམ་དུ་བསམ་པ་ཡིད་ལ་བྱའོ། །སངས་རྒྱས་བཅོམ་ལྡན་འདས་རྣམས་ལ་བླ་ན་མེད་པའི་ལམ་ཡོད་དེ། ཡང་དག་པའི་ཆོས་ཆེན་པོ་ཡོད་པས། འཁོར་མང་པོ་རྣམས་ཡང་
D119.052.0179a05.01དག་པར་སྤྱོད་དེ། གཞན་ཡང་ཤིན་ཏུ་རྒྱས་པ་ཐེག་པ་ཆེན་པོའི་མདོ་སྡེ་ཡོད་དེ། བདག་ཀྱང་དེ་ལ་དད་པ་དང་། མོས་པར་བྱའོ། །ཐེག་པ་ཆེན་པོའི་མདོ་སྡེ་ཚོལ་བའི་ཕྱིར་ཤིན་ཏུ་ཆགས་པའི་ཆུང་མ་དང་བུ་དང་། འཁོར་རྣམས་དང་། གནས་པའི་ཁང་ཁྱིམ་དང་། གསེར་དང་དངུལ་དང་།
D119.052.0179a06.01རིན་པོ་ཆེ་དང་། རྒྱན་དམ་པ་དང་། མེ་ཏོག་དང་། སྤོས་དང་། རོལ་མོ་དང་། བྲན་ཕོ་དང་། བྲན་མོ་དང་། ལས་བྱེད་པའི་མི་དང་། ཁྱེའུ་དང་། བུ་མོ་དང་། བལ་གླང་དང་། རྟ་དང་། ཤིང་རྟ་དང་། བ་ལང་དང་། ལུག་དང་། བྱ་དང་། ཁྱི་དང་། ཕག་ལ་སོགས་པ་ཡང་ཡོངས་སུ་
D119.052.0179a07.01