完整藏文原文 · 德格版页 当前仅加载第 52 函德格 294b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་ནི་བསྡམས། ཁ་ཅིག་ཏུ་ནི་སྐབས་ཕྱེ་སྟེ་ལྕི་བ་དང་ཡང་བ་གསུངས་སོ། །རིགས་ཀྱི་བུ་དཔེར་ན་སྨན་པ་མཁས་པས་ནད་པ་ལ་འོ་མ་གཏོང་བ་དང་། ནད་པ་ལ་བཀག་པ་བཞིན་ཏེ། མཁྲིས་པའི་ནད་ལ་ནི་འོ་མ་གཏོང་། བད་ཀན་གྱི་ནད་ལ་ནི་འོ་མ་བཀག་གོ། །དེ་བཞིན་དུ་དེ་བཞིན་
D119.052.0294b01.01གཤེགས་པ་ཡང་སེམས་ཅན་རྣམས་ཀྱི་ཉོན་མོངས་པའི་རྩ་བ་ལ་གཟིགས་ཏེ། ཕྱེ་བ་ཡང་ཡོད། བཀག་པ་ཡང་ཡོད་དོ། །ཚེ་དང་ལྡན་པ་རྣམས་བདག་གིས་འདི་བཞིན་དུ་བཅོམ་ལྡན་འདས་ལས་དོན་འདི་ཐོས་ཏེ། བདག་འབའ་ཞིག་དོན་ཤེས་ཀྱི་ཁྱེད་མི་ཤེས་སོ། །བདག་འབའ་ཞིག་
D119.052.0294b02.01འདུལ་བ་ཤེས་ཀྱི་ཁྱེད་མི་ཤེས་སོ། །བདག་མདོ་སྡེ་རྣམས་ཤེས་ཀྱི་ཁྱེད་མི་ཤེས་སོ་ཞེས་ཟེར་ལ། སངས་རྒྱས་བཅོམ་ལྡན་འདས་དེ་ཡང་ཡོངས་སུ་མྱ་ངན་ལས་འདས་ན་དེའི་ཆོས་འཇིག་རྟེན་ན་རིང་པོ་མི་གནས་པར་རིག་པར་བྱའོ། །གཞན་ཡང་རིགས་ཀྱི་བུ་དེ་བཞིན་གཤེགས་
D119.052.0294b03.01པ་ཐོག་མ་བྱུང་ནས་བླ་ན་མེད་པ་དགྲ་བཅོམ་པ་ཡང་དག་པར་རྫོགས་པའི་བྱང་ཆུབ་ཐོབ་མ་ཐག་ཏུ་ཉེ་གནས་རྣམས་ཀྱིས་བདག་རྒྱུན་དུ་ཞུགས་པ་ཐོབ་བོ་ཞེས་བྱ་བ་ནས་དགྲ་བཅོམ་པའི་བར་དུ་ཐོབ་ཞེས་ཀྱང་མི་ཟེར་ལ། སངས་རྒྱས་བཅོམ་ལྡན་འདས་རྣམས་ཀྱིས་སེམས་ཅན་
D119.052.0294b04.01གྱི་ཕྱིར་བཀག་པ་དང་། སྐབས་ཕྱེ་བ་གནང་ངོ་ཞེས་ཀྱང་མི་ཟེར་ལ། ཚེ་དང་ལྡན་པ་བདག་གིས་བཅོམ་ལྡན་འདས་ལས་དོན་འདི་དང་ཆོས་འདི་དང་འདུལ་བ་འདི་བཞིན་དུ་ཐོས་ཀྱིས། ཚེ་དང་ལྡན་པ་དག་དེ་བཞིན་གཤེགས་པའི་མདོ་སྡེ་བཅུ་གཉིས་ལྟར་གྱིས་ཤིག །དོན་འདི་
D119.052.0294b05.01གལ་ཏེ་ཡིན་ན་བདག་གིས་གཟུང་བར་བྱ། གལ་ཏེ་མ་ཡིན་ན་བདག་གིས་སྤང་བར་བྱའོ་ཞེས་ཟེར་ན། སངས་རྒྱས་བཅོམ་ལྡན་འདས་དེ་ཡོངས་སུ་མྱ་ངན་ལས་འདས་ཀྱང་ཆོས་ནི་འཇིག་རྟེན་ན་ཡུན་རིང་པོར་གནས་པར་འགྱུར་བར་རིག་པར་བྱའོ། །རིགས་ཀྱི་བུ་ངའི་ཆོས་ཡོངས་
D119.052.0294b06.01སུ་ནུབ་པའི་ཚེ། ཉན་ཐོས་ཀྱི་ཉེ་གནས་དག་རེས་འགའ་ནི་རྣམ་པར་ཤེས་པ་ཡོད་པར་འཆད། རེས་འགའ་ནི་རྣམ་པར་ཤེས་པ་སྟོང་པར་འཆད། རེས་འགའ་ནི་ལྔ་ཕུང་བར་མ་ཡོད་པར་འཆད། རེས་འགའ་ནི་ལྔ་ཕུང་བར་མ་མེད་པར་འཆད། རེས་འགའ་ནི་དུས་གསུམ་
D119.052.0294b07.01