完整藏文原文 · 德格版页 当前仅加载第 52 函德格 33a 版页；藏文 NFD、目录标记与异常页序保留在来源切片中，重复版页行以稳定序号区分。
བ་བཞིན་ནོ། །དེ་བཞིན་གཤེགས་པས་ཀྱང་བདག་ལ་ཆོས་ཀྱི་སྨན་བཏང་ནས་ཉོན་མོངས་པའི་ཆང་སླར་སྐྱུགས་མོད་ཀྱི། ལེགས་པར་མ་སངས་པར་ཅིའི་སླད་དུ་དེ་བཞིན་གཤེགས་པས་ཡོངས་སུ་སྤངས་ཏེ་མྱ་ངན་ལས་འདའ་བར་གཤེགས།
D119.052.0033a01.01བཅོམ་ལྡན་འདས་དཔེར་ན་གང་ཟག་གཅིག་ཤིང་ཆུ་ཤིང་ལ་སྲ་ཞིང་སྙིང་པོ་ཡོད་དོ་ཞེས་སྟོན་ན། དེ་ནི་གནས་མ་ལགས་སོ། །བཅོམ་ལྡན་འདས་སོ་སོའི་སྐྱེ་བོ་དག་ཀྱང་དེ་དང་འདྲ་སྟེ། བདག་དང་། གང་ཟག་དང་། སེམས་ཅན་དང་། འཚོ་བ་དང་། ཤེད་
D119.052.0033a02.01ཅན་དང་། ཤེད་བདག་དང་། ཤེས་པ་དང་། མཐོང་བ་དང་། བྱ་བ་དང་། བྱེད་པ་པོ་ལ་ཡང་དག་པ་བདེན་པའོ་ཞེས་སྟོན་ན། དེ་ཡང་གནས་མ་ལགས་སོ། །བདག་ཅག་ཀྱང་དེ་ལྟར་བདག་མ་མཆིས་པ་ལ་ནན་ཏན་བགྱིད་དོ། །བཅོམ་ལྡན་འདས་
D119.052.0033a03.01དཔེར་ན་སྦྲང་མ་ནི་ཅིར་ཡང་མི་དགོས་ཏེ། ལུས་ཀྱང་དེ་དང་འདྲ་བར་བདག་མ་མཆིས། བདག་པོ་མ་མཆིས་སོ། །བཅོམ་ལྡན་འདས་མེ་ཏོག་འདབ་མ་བདུན་པ་ལ་དྲི་བསུང་མ་མཆིས་པ་དང་འདྲ་བར་ལུས་འདི་ལ་ཡང་བདག་མ་མཆིས། བདག་པོ་མ་
D119.052.0033a04.01མཆིས་ཏེ། བདག་ཅག་ཀྱང་དེ་ལྟ་བུའི་སེམས་ཀྱིས་བདག་མ་མཆིས་པའི་འདུ་ཤེས་ལ་ནན་ཏན་བགྱིད་དོ། །བཅོམ་ལྡན་འདས་ཀྱིས་གསུངས་པ་ལྟར་ཆོས་ཐམས་ཅད་ལ་བདག་དང་བདག་གི་བ་མ་མཆིས་ཏེ། དགེ་སློང་དག་དེ་ལྟ་བུའི་ཚུལ་དུ་ནན་ཏན་
D119.052.0033a05.01གྱིས་ཤིག །དེ་ལྟ་བུར་ནན་ཏན་བྱས་ན་ང་རྒྱལ་ཡོངས་སུ་སྤོང་བར་འགྱུར་རོ་ཞེས་གསུངས་པ་ལྟར་བདག་ཅག་གིས་ང་རྒྱལ་སྤངས་ནས་མྱ་ངན་ལས་འདའ་བར་གཤེགས་སུ་གསོལ་ལོ། །བཅོམ་ལྡན་འདས་དཔེར་ན་ནམ་མཁའ་ལ་འཕུར་བའི་བྱའི་རྗེས་ནི་མངོན་དུ་
D119.052.0033a06.01སྣང་བའི་གནས་མ་མཆིས་སོ། །གང་བདག་མ་མཆིས་པ་ལ་ནན་ཏན་བགྱིད་པ་ནི་ལྟ་བ་རྣམས་མཆིས་ཞེས་བགྱི་བའི་གནས་མ་མཆིས་སོ། །དེ་ནས་བཅོམ་ལྡན་འདས་ཀྱིས་དགེ་སློང་རྣམས་ལ་བཀའ་སྩལ་པ། ལེགས་སོ་ཤིན་ཏུ་ལེགས་སོ། །ཁྱེད་རྣམས་
D119.052.0033a07.01