完整藏文原文 · 德格版页 当前仅加载第 52 函德格 301a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་ནད་གསོ་བའི་སྨན་པ་མཁས་པ་མེད་ཅེས་བྱ་བ་མི་རུང་སྟེ། ད་ལྟར་སྟོན་པ་ཆེན་པོ་ཀཱ་ཏྱཱའི་བུ་ནོག་ཅན་ཞེས་བྱ་བ་ཐམས་ཅད་མཁྱེན་པ། ཐམས་ཅད་གཟིགས་པ། ས་ཆེན་པོ་དང་འདྲ་བ། གསེར་དང་ས་ལ་བྱེ་བྲག་མི་འབྱེད་པ། རྩིབ་ལོགས་གཡས་པ་ནས་ཙན་དན་གྱི་
D119.052.0301a01.01འདའ་གུ་སྐུད་པ་དང་། རྩིབ་ལོགས་གཡོན་པ་ན་རྡོ་དབྱུག་དང་མཚོན་ཆ་ཐོགས་ཏེ་འཚོག་ཀྱང་དེ་གཉིས་ཀ་ལ་ཁྱད་པར་མེད་པ། བྱམས་པ་དང་སྡང་བ་ལ་སེམས་མཉམ་པ། སྟོན་པ་ཡང་དག་པ་འཇིག་རྟེན་གྱི་སྨན་པ་མཁས་པར་གྱུར་པ། གལ་ཏེ་འགྲོའམ། འདུག་གམ། སྡོད་དམ། ཉལ་
D119.052.0301a02.01ཡང་རྟག་ཏུ་ཏིང་ངེ་འཛིན་ལ་སེམས་མཉམ་པར་འཇོག་སྟེ། མ་འཁྲུགས་པའི་སྟོན་པ་ཆེན་པོ་དེ་ད་ལྟ་ཉེ་གནས་མང་པོ་ལ་འདི་སྐད་ཅེས་ཆོས་སྟོན་ཏོ། །གལ་ཏེ་བདག་གིས་བྱས་སམ། གཞན་བྱེད་དུ་བཅུག་གམ། གལ་ཏེ་བདག་གིས་བསད་དམ། གཞན་གསོད་དུ་བཅུག་གམ། གལ་ཏེ་བདག་
D119.052.0301a03.01གིས་བསྲེགས་སམ། གཞན་སྲེག་དུ་བཅུག་གམ། གལ་ཏེ་བདག་གིས་གཙེས་སམ། གཞན་འཚེར་བཅུག་གམ། གལ་ཏེ་བདག་གིས་བརྐུས་སམ། གཞན་རྐུར་བཅུག་གམ། གལ་ཏེ་བདག་གིས་མི་ཚངས་པར་སྤྱད་དམ། གཞན་མི་ཚངས་པར་སྤྱོད་དུ་བཅུག་གམ། གལ་ཏེ་བདག་གིས་
D119.052.0301a04.01{བརྫུན་,རྫུན་}དུ་སྨྲས་སམ། གཞན་{བརྫུན་,རྫུན་}ཟེར་དུ་བཅུག་གམ། གལ་ཏེ་བདག་གིས་ཆང་འཐུངས་སམ། གཞན་ཆང་འཐུང་དུ་བཅུག་གམ། གལ་ཏེ་བདག་གིས་གྲོང་ཁྱེར་གཅིག་གམ། གྲོང་རྡལ་གཅིག་གམ། ཡུལ་གཅིག་གི་མི་བསད་དམ། གལ་ཏེ་རལ་གྲིའི་འཁོར་ལོས་སེམས་ཅན་ཐམས་ཅད་
D119.052.0301a05.01བསད་དམ། གལ་ཏེ་ཀླུང་གང་གཱའི་ལྷོ་ཕྱོགས་ཀྱི་སེམས་ཅན་ཐམས་ཅད་ལ་སྦྱིན་པ་བྱིན་པ་དང་། ཀླུང་གང་གཱའི་བྱང་ཕྱོགས་ཀྱི་སེམས་ཅན་ཐམས་ཅད་བསད་ཀྱང་དེ་གཉིས་ལ་སྡིག་པ་དང་བསོད་ནམས་སུ་འགྱུར་བ་མེད་དེ། སྦྱིན་པ་དང་། ཚུལ་ཁྲིམས་དང་། ཏིང་ངེ་འཛིན་མེད་དོ་ཞེས་སྟོན་པ་དེ་ད་
D119.052.0301a06.01ལྟར་རྒྱལ་པོའི་ཁབ་ན་བཞུགས་ཀྱིས། རྒྱལ་པོ་ཆེན་པོ་མྱུར་དུ་སྟོན་པ་ཆེན་པོ་དེའི་གན་དུ་བཞུད་ཅིག །གལ་ཏེ་དེ་དང་ཕྲད་ན་སྡིག་པ་ཡོངས་སུ་བྱང་བར་འགྱུར་རོ། །རྒྱལ་པོས་སྨྲས་པ། གལ་ཏེ་ཡང་དག་པར་དེ་ལྟར་བདག་གི་སྡིག་པ་འབྱང་བར་འགྱུར་ན་ལྟ་དེ་ལ་སྐྱབས་སུ་འགྲོ་བར་བྱའོ།། །།
D119.052.0301a07.01