完整藏文原文 · 德格版页 当前仅加载第 52 函德格 236a 版页；藏文 NFD、目录标记与异常页序保留在来源切片中，重复版页行以稳定序号区分。
བགྱིའོ། །ཆོས་ལ་དམིགས་པ་ནི་ཕ་མ་དང་། ཆུང་མ་དང་། བུ་དང་། གཉེན་བཤེས་སུ་མི་ལྟ་ཞིང་ཆོས་ཐམས་ཅད་ལ་རྟེན་ཅིང་འབྲེལ་ཏེ་འབྱུང་བར་བལྟ་བ་ནི་ཆོས་ལ་དམིགས་པ་ཞེས་བགྱིའོ། །མི་དམིགས་པ་ནི་ཆོས་ལ་མཚན་མར་མི་གནས། སེམས་ཅན་ལ་མཚན་
D119.052.0236a01.01མར་མི་གནས་པ་ནི་མི་དམིགས་པ་ཞེས་བགྱི་སྟེ། སྙིང་རྗེ་དང་། དགའ་བ་དང་། བཏང་སྙོམས་ཀྱང་དེ་དང་འདྲའོ། །དེ་བས་ན་གསུམ་དུ་བས་ཀྱི་བཞིར་ནི་མ་མཆིས་སོ། །བཅོམ་ལྡན་འདས་གང་ཟག་ལ་རྣམ་པ་གཉིས་ཏེ། མཐོང་བས་སྤྱོད་པ་དང་། དགའ་བས་སྤྱོད་པའོ། །མཐོང་བས་
D119.052.0236a02.01སྤྱོད་པ་ནི་བྱམས་པ་དང་། སྙིང་རྗེའི་ཤས་ཆེར་བསྒོམ་མོ། །དགའ་བས་སྤྱོད་པ་ནི་དགའ་བ་དང་བཏང་སྙོམས་ཀྱི་ཤས་ཆེར་བསྒོམ་སྟེ། དེ་བས་ན་གསུམ་དུ་བས་ཀྱི་བཞིར་ནི་མ་མཆིས་སོ། །བཅོམ་ལྡན་འདས་ཚད་མེད་པ་ཞེས་བགྱི་བ་ནི་མཐའ་ཡས་ལ། མཐའ་དཔག་ཏུ་མ་མཆིས་པའི་སླད་དུ་
D119.052.0236a03.01ཚད་མ་མཆིས་པ་ཞེས་བགྱི་སྟེ། ཚད་མ་མཆིས་ན་གཅིག་ཏུ་བས་ཀྱི་བཞིར་ནི་མ་མཆིས་སོ། །ཅི་སྟེ་བཞིར་མཆིས་ན་ཚད་མ་མཆིས་པ་ཞེས་བགྱིར་མི་རུང་སྟེ། དེ་བས་ན་གཅིག་ཏུ་བས་ཀྱི་བཞིར་ནི་མ་མཆིས་སོ། །བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། རིགས་ཀྱི་བུ་སངས་
D119.052.0236a04.01རྒྱས་བཅོམ་ལྡན་འདས་ནི་སོ་སོའི་སྐྱེ་བོ་མང་པོའི་ཕྱིར་ཆོས་གསུངས་པ་ཡང་ཤིན་ཏུ་དགོངས་ཏེ་གསུངས་པ་ཡིན་པས་རིག་ཅིང་ཤེས་པར་དཀའོ། །སེམས་ཅན་ཁ་ཅིག་ལ་ནི་རྟེན་ཅིང་འབྲེལ་ཏེ་འབྱུང་བ་གཅིག་ཏུ་གསུངས་ཏེ། རྟེན་ཅིང་འབྲེལ་ཏེ་འབྱུང་བ་གཅིག་གང་ཞེ་ན། འདི་ལྟ་སྟེ་
D119.052.0236a05.01འདུས་བྱས་ཀྱི་ཆོས་ཐམས་ཅད་དོ། །རིགས་ཀྱི་བུ་ཁ་ཅིག་ཏུ་ནི་རྣམ་པ་གཉིས་སུ་གསུངས་ཏེ། རྒྱུ་དང་འབྲས་བུའོ། །ཁ་ཅིག་ཏུ་ནི་རྣམ་པ་གསུམ་དུ་གསུངས་ཏེ། ཉོན་མོངས་པ་དང་། ལས་དང་། སྡུག་བསྔལ་ལོ། །ཁ་ཅིག་ཏུ་ནི་རྣམ་པ་བཞིར་གསུངས་ཏེ། མ་རིག་པ་དང་།
D119.052.0236a06.01འདུ་བྱེད་དང་། སྐྱེ་བ་དང་། རྒ་ཤིའོ། །ཁ་ཅིག་ཏུ་ནི་རྣམ་པ་ལྔར་གསུངས་ཏེ། ཚོར་བ་དང་། སྲེད་པ་དང་། ལེན་པ་དང་། སྲིད་པ་དང་། སྐྱེ་བའོ། །ཁ་ཅིག་ཏུ་ནི་རྣམ་པ་དྲུག་ཏུ་གསུངས་ཏེ། དུས་གསུམ་གྱི་རྒྱུ་དང་འབྲས་བུའོ། །སྐབས་ཁ་ཅིག་ཏུ་ནི་རྣམ་པ་བདུན་དུ་གསུངས་ཏེ། རྣམ་
D119.052.0236a07.01