完整藏文原文 · 德格版页 当前仅加载第 52 函德格 175b 版页；藏文 NFD、目录标记与异常页序保留在来源切片中，重复版页行以稳定序号区分。
བསྐལ་པ་ཚད་མེད་བར་དུ་དཀའ་བ་མཛད། །ཅི་ཡི་སླད་དུ་ཐུགས་དམ་རབ་བཏང་སྟེ། །ཡོངས་སུ་མྱ་ངན་འདའ་བར་གཤེགས་པར་དགོངས། །འགྲོ་བ་ཐམས་ཅད་ཀུན་གྱིས་མི་ཤེས་པ། །དེ་བཞིན་གཤེགས་པ་གསང་བའི་སྙིང་པོའོ། །དེ་ཡི་རྐྱེན་གྱིས་འབྱུང་བར་རབ་
D119.052.0175b01.01དཀའ་སྟེ། །འཁོར་བ་ཀུན་ཏུ་འཁོར་ཞིང་ངན་སོང་ལྟུང་། །བཅོམ་ལྡན་འདས་ཀྱིས་གསུངས་པའི་དགྲ་བཅོམ་པ། །དེ་དག་ཐམས་ཅད་མྱ་ངན་འདའ་བར་འཇུག །དེ་ལྟར་སངས་རྒྱས་སྤྱོད་ཡུལ་ཟབ་མོ་ནི། །བྱིས་པ་མ་རབས་སུ་ཞིག་རྟོགས་པར་འགྱུར། །འགྲོ་བ་
D119.052.0175b02.01ཀུན་གྱི་ཉོན་མོངས་བསལ་བའི་ཕྱིར། །འགྲོ་བ་ཀུན་ལ་ཟིལ་དངར་ཆོས་ཀྱང་སྟོན། །གང་ཞིག་བདུད་རྩི་འདི་དག་མྱོང་བ་ནི། །ཕྱིར་ཡང་སྐྱེ་རྒ་ན་འཆི་ལེན་མི་སྲིད། །བཅོམ་ལྡན་འདས་ཀྱིས་ཤིན་ཏུ་གསོ་བ་ནི། །སེམས་ཅན་མང་པོ་བརྒྱ་སྟོང་ཚད་མེད་སྙེད། །ནད་
D119.052.0175b03.01ཀྱིས་ཤིན་ཏུ་གདུངས་ཏེ་གཟིར་བའི་རྣམས། །ལྷག་མ་ལུས་པ་མེད་པར་ཐམས་ཅད་བསལ། །བཅོམ་ལྡན་འདས་ནི་ཡུན་རིང་ནད་སྤངས་པས། །དེ་ཕྱིར་སངས་རྒྱས་ཐ་མ་བདུན་པོར་གྱུར། །དེང་འདིར་ཆོས་ཀྱི་ཆར་ཀུན་ཕབ་ནས་སུ། །བདག་ཅག་ཡོན་ཏན་ས་བོན་
D119.052.0175b04.01བརླན་པར་མཛོད། །དེ་ལྟར་ལྷ་མིར་བཅས་པ་འཁོར་རྣམས་ཀྱིས། །དེ་སྐད་གསོལ་ནས་ཅང་མི་སྨྲ་བར་འཁོད། །ཚིགས་སུ་བཅད་པ་འདི་དག་གསོལ་པའི་ཚེ། པད་མོ་ལ་བཞུགས་པའི་སངས་རྒྱས་ཐམས་ཅད་འཛམ་བུའི་གླིང་ནས་གཙང་མའི་རིས་ཀྱི་བར་དུ་ཐམས་ཅད་
D119.052.0175b05.01ཀྱིས་ཐོས་པར་གྱུར་ཏོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་ལེགས་སོ་ལེགས་སོ་ཞེས་བྱ་བ་བྱིན་ནས་རིགས་ཀྱི་བུ་འདི་ལྟར་ཁྱོད་ནི་ཤིན་ཏུ་ཟབ་མོའི་ཡེ་ཤེས་འདི་ལྟ་བུ་དང་ལྡན་པས་ན་བདུད་དང་མུ་སྟེགས་ཅན་ཐམས་ཅད་ཀྱིས་རྣམ་པར་འཇིག་མི་ནུས་སོ། །
D119.052.0175b06.01རིགས་ཀྱི་བུ་ཁྱོད་འདི་ལྟར་ཤིན་ཏུ་བདེ་བར་གནས་པས་ངན་པར་ལྟ་བ་ཐམས་ཅད་ཀྱི་རླུང་གིས་བསྐྱོད་པར་མི་ནུས་སོ། །རིགས་ཀྱི་བུ་ཁྱོད་ཀྱིས་འདི་ལྟར་སོ་སོ་ཡང་དག་པར་ཤེས་པའི་སྤོབས་པ་དང་ལྡན་པ་ནི་འདས་པའི་སངས་རྒྱས་བཅོམ་ལྡན་འདས་ཚད་མེད་པ་གང་གཱ་ཀླུང་གི་བྱེ་མ་སྙེད་ལ་
D119.052.0175b07.01