完整藏文原文 · 德格版页 当前仅加载第 52 函德格 35a 版页；藏文 NFD、目录标记与异常页序保留在来源切片中，重复版页行以稳定序号区分。
བར་དུ་བཞུགས་ཤིང་། བདག་ཅག་གི་ཕྱིན་ཅི་ལོག་བཞི་ཡོངས་སུ་སྤོང་བར་འགྱུར་བ་མི་སྟོན་པར་བདག་ཅག་སྤངས་ཏེ། ཡོངས་སུ་མྱ་ངན་ལས་འདའ་བར་གཤེགས། དེ་བཞིན་གཤེགས་པས་བདག་ཅག་ལ་ཐུགས་བརྩེ་བའི་
D119.052.0035a01.01སླད་དུ་བདག་ཅག་གི་སྟོན་པར་གྱུར་ན། བདག་ཅག་ཀྱང་རྩེ་གཅིག་པའི་སེམས་ཀྱིས་སྤྱི་བོས་ལེན་ཅིང་ནན་ཏན་བགྱིད་དོ། །གལ་ཏེ་དེ་བཞིན་གཤེགས་པ་མྱ་ངན་ལས་འདའ་ན། བདག་ཅག་ཀྱང་དེ་ལྟར་གདུག་པ་ཅན་གྱི་ལུས་དང་ལྷན་ཅིག་ཏུ་གནས་
D119.052.0035a02.01ཏེ་ཚངས་པར་སྤྱད་པ་སྤྱོད། བདག་ཅག་ཀྱང་བཅོམ་ལྡན་འདས་ཀྱི་ཞབས་འབྲིང་དུ་མྱ་ངན་ལས་འདའོ། །དེའི་ཚེ་བཅོམ་ལྡན་འདས་ཀྱིས་དགེ་སློང་རྣམས་ལ་ཡང་འདི་སྐད་ཅེས་བཀའ་སྩལ་ཏོ། །ཁྱེད་དེ་སྐད་མ་ཟེར་ཅིག །ངས་ནི་བླ་ན་མེད་པའི་ཡང་དག་
D119.052.0035a03.01པའི་ཆོས་ཐམས་ཅད་ཀྱང་འོད་སྲུང་ཆེན་པོ་ལ་གཏད་དོ། །འོད་སྲུང་ཆེན་པོ་ནི་ཁྱེད་ཀྱི་གནས་དང་རྟེན་དུ་འགྱུར་ཏེ། ཇི་ལྟར་དེ་བཞིན་གཤེགས་པ་སེམས་ཅན་ཐམས་ཅད་ཀྱི་གནས་དང་རྟེན་དུ་གྱུར་པ་བཞིན། འོད་སྲུང་ཆེན་པོ་འདི་ཡང་ཁྱེད་ལ་སོགས་པ་
D119.052.0035a04.01ཐམས་ཅད་ཀྱི་གནས་དང་རྟེན་དུ་འགྱུར་རོ། །དཔེར་ན་རྒྱལ་པོ་ཆེན་པོ་དབང་དང་ལྡན་པ་ཡང་བསང་དུ་འགྲོ་བ་ན་ཡུལ་གྱི་སྲིད་ཐམས་ཅད་ཀྱང་བློན་པོ་ཆེན་པོ་ལ་གཏད་དོ། །དེ་བཞིན་གཤེགས་པ་ཡང་དེ་དང་འདྲ་བར་དམ་པའི་ཆོས་ཐམས་ཅད་ཀྱང་འོད་སྲུང་ཆེན་པོ་
D119.052.0035a05.01ལ་གཏད་དོ། །ཁྱེད་རྣམས་མི་རྟག་པ་དང་། སྡུག་བསྔལ་བའི་འདུ་ཤེས་ལ་ནན་ཏན་བྱེད་པ་ཡང་ཡང་དག་པ་མ་ཡིན་ནོ། །དཔེར་ན་དབྱར་གྱི་དུས་སུ་རྫིང་ཆེན་པོའི་ནང་ན་གཟིངས་ཀྱི་སྟེང་ན་རྩེ་བ་ལས། རིན་པོ་ཆེ་བཻ་དཱུརྱ་ཆུར་ལྷུང་ན་དེའི་ཚེ་མི་མཁས་པ་ཐམས་ཅད་
D119.052.0035a06.01ཆུའི་ནང་དུ་ཞུགས་ནས། གྱོ་མོ་དང་། རྡོ་བ་དང་། རྩྭ་དང་། ཤིང་དང་། གསེག་མ་དག་སོ་སོ་ནས་ཕྱུང་སྟེ། རིན་པོ་ཆེ་བཻ་དཱུརྱ་རྙེད་སྙམ་ནས་དགའ་བཞིན་དུ་ཕྱིར་བྱུང་ན། གདོད་ཡང་དག་པ་མ་ཡིན་པར་ཤེས་སོ། །དེའི་ཚེ་རིན་པོ་ཆེ་ཆུའི་ནང་ན་ཡོད་
D119.052.0035a07.01