完整藏文原文 · 德格版页 当前仅加载第 52 函德格 274b 版页；藏文 NFD、目录标记与异常页序保留在来源切片中，重复版页行以稳定序号区分。
ནས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་ཀྱིས་གསུངས་པ་ལྟར་འཇིག་རྟེན་པ་ཐམས་ཅད་ཀྱིས་མི་ཤེས་མི་མཐོང་མི་རྟོགས་པ་དག་བྱང་ཆུབ་སེམས་དཔས་ཐམས་ཅད་ཤེས་ཤིང་མཐོང་ལ་རྟོགས་སོ་ཞེས་བགྱི་བ། ཅི་སྟེ་བྱང་ཆུབ་སེམས་
D119.052.0274b01.01དཔའ་ཡང་འཇིག་རྟེན་པ་ལགས་ན་ནི། འཇིག་རྟེན་པས་ནི་མི་ཤེས་མི་མཐོང་མི་རྟོགས་པ་དག །བྱང་ཆུབ་སེམས་དཔས་ཤེས་སོ་མཐོང་ངོ་རྟོགས་སོ་ཞེས་བགྱི་བ་ཡང་མི་རུང་། ཅི་སྟེ་འཇིག་རྟེན་པ་མ་ལགས་ན་ཐ་དད་པ་ཡང་ཅི་ཞིག་མཆིས། བཅོམ་ལྡན་འདས་ཀྱིས་བཀའ་
D119.052.0274b02.01སྩལ་པ། རིགས་ཀྱི་བུ་བྱང་ཆུབ་སེམས་དཔའ་ཞེས་བྱ་བ་ནི་འཇིག་རྟེན་པ་ཡང་ཡིན་ལ། འཇིག་རྟེན་པ་ཡང་མ་ཡིན་ནོ། །གང་མི་ཤེས་མི་མཐོང་མི་རྟོགས་པ་ནི་འཇིག་རྟེན་པ་ཞེས་བྱའོ། །ཤེས་ཤིང་མཐོང་ལ་རྟོགས་པ་ནི་འཇིག་རྟེན་པ་ཞེས་མི་བྱའོ། །ཁྱོད་ཀྱིས་ཐ་དད་པ་ཅི་ཡོད་
D119.052.0274b03.01ཅེས་དྲིས་པ་ཡང་ངས་བཤད་པར་བྱའོ། །རིགས་ཀྱི་བུ་ཇི་སྟེ་སྐྱེས་པའམ་བུད་མེད་གང་ཡང་རུང་བ། ཡོངས་སུ་མྱ་ངན་ལས་འདས་པའི་མདོ་སྡེ་ཐོས་མ་ཐག་ཏུ་དད་པ་སྐྱེས་ནས་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་སེམས་བསྐྱེད་པ་ནི་འཇིག་རྟེན་པའི་བྱང་ཆུབ་
D119.052.0274b04.01སེམས་དཔའ་ཞེས་བྱ་སྟེ། འཇིག་རྟེན་པ་ཐམས་ཅད་ཀྱིས་མི་ཤེས་མི་མཐོང་མི་རྟོགས་པ་ལྟར། བྱང་ཆུབ་སེམས་དཔའ་ཡང་འཇིག་རྟེན་པ་དང་འཐུན་པར་མི་ཤེས་མི་མཐོང་མི་རྟོགས་སོ། །བྱང་ཆུབ་སེམས་དཔའ་ཡོངས་སུ་མྱ་ངན་ལས་འདས་པའི་མདོ་སྡེ་ཐོས་ནས།
D119.052.0274b05.01འཇིག་རྟེན་པས་མི་ཤེས་མི་མཐོང་མི་རྟོགས་པ་དག་བྱང་ཆུབ་སེམས་དཔས་ཤེས་ཤིང་མཐོང་ལ་རྟོགས་སོ། །དེ་ལྟར་དངོས་པོ་དེ་དག་ཤེས་ནས། བདག་འདི་སྙམ་དུ་སེམས་སོ། །བདག་གི་ཇི་ལྟར་ཐབས་གང་གིས་ནན་ཏན་གང་བྱས་པས་ཤེས་པ་དང་མཐོང་བ་དང་རྟོགས་པར་འགྱུར་
D119.052.0274b06.01སྙམ་སེམས་སོ། །ཡང་འདི་སྙམ་དུ་དེ་ནི་ཤིན་ཏུ་དད་པའི་སེམས་ཀྱིས་ཚུལ་ཁྲིམས་ཡོངས་སུ་དག་པར་བསྲུངས་པ་ལས་ཐོབ་པར་འགྱུར་སྙམ་སེམས་སོ། །རིགས་ཀྱི་བུ་དེའི་ཚེ་ན་བྱང་ཆུབ་སེམས་དཔའ་དེའི་རྒྱུ་དེའི་རྐྱེན་གྱིས་མ་འོངས་པའི་དུས་སུ་གང་ནས་གང་དུ་སྐྱེ་བ་དེ་དང་
D119.052.0274b07.01