完整藏文原文 · 德格版页 当前仅加载第 52 函德格 229a 版页；藏文 NFD、目录标记与异常页序保留在来源切片中，重复版页行以稳定序号区分。
དཔེར་ན་ཤིང་རྟ་ལ་འཕང་ལོ་གཉིས་ཡོད་ན་སྤྱད་དུ་རུང་བ་དང་། བྱ་ལ་འདབ་མ་གཉིས་ཡོད་ན་འཕུར་ནུས་པ་དང་འདྲ་བར་དཀའ་ཐུབ་སྤྱོད་པ་ཡང་དེ་དང་འདྲ་སྟེ། ཤིན་ཏུ་ཚུལ་ཁྲིམས་སྡོམ་པར་ནི་ངས་ཀྱང་མཐོང་ན། ཤིན་ཏུ་ཟབ་མོའི་ཡེ་ཤེས་ཡོད་དམ་
D119.052.0229a01.01མེད་པ་བརྟག་དགོས་སོ། །ཅི་སྟེ་ཤིན་ཏུ་ཟབ་མོའི་ཡེ་ཤེས་ཡོད་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱི་ཁུར་ལྕི་བ་ཕྲག་པ་ལ་ཁྱེར་ནུས་སོ། །དྲང་སྲོང་དཔེར་ན་ཉ་མོ་ལྟ་བུ་མངལ་ན་ཕྲུ་གུ་ནི་རབ་ཏུ་མང་མོད་ཀྱི། ཕྲུ་གུར་འགྱུར་བ་ནི་ཉུང་ངོ་། །དཔེར་ན་ཤིང་ཨ་མྲ་
D119.052.0229a02.01ཡང་མེ་ཏོག་ནི་ཤིན་ཏུ་མང་ཡང་འབྲས་བུར་འགྱུར་བ་ནི་ཉུང་ངོ་། །སེམས་ཅན་བྱང་ཆུབ་ཏུ་སེམས་བསྐྱེད་པ་ཡང་ཚད་མེད་མོད་ཀྱི། ཐ་མར་འབྲས་བུར་འགྱུར་བ་ནི་ཤིན་ཏུ་ཉུང་ངོ་། །དྲང་སྲོང་ཆེན་པོ་བདག་ཅག་འགྲོགས་ཏེ་སྐྱེས་བུ་དེ་གང་ན་བར་རྟོག་ཏུ་འདོང་ངོ་། །དྲང་སྲོང་
D119.052.0229a03.01དཔེར་ན་གསེར་ཡང་དག་པར་ཡང་རྣམ་པ་གསུམ་གྱི་སྒོ་ནས་བརྟགས་ན་ཡང་དག་པ་ཡིན་ནམ་མ་ཡིན་པ་རྟོགས་སོ། །འདི་ལྟ་སྟེ། བསྲེག་པ་དང་། བརྡུང་བ་དང་། བདར་བའི་སྒོ་ནས་བརྟག་པའོ། །དཀའ་ཐུབ་སྤྱོད་པ་ཡང་དེ་དང་འདྲའོ་ཞེས་སྨྲས་ནས། དེའི་ཚེ་བརྒྱ་
D119.052.0229a04.01བྱིན་ལྷའི་དབང་པོ་བདག་གི་ལུས་སྲིན་པོའི་ལུས་ཤིན་ཏུ་འཇིགས་སུ་རུང་བ་ཞིག་ཏུ་སྤྲུལ་ནས་གངས་ཀྱི་རི་ལ་བབས་ཏེ། ཧ་ཅང་ཡང་མི་རིང་བ་ན་འདུག་ནས། དེའི་ཚེ་སྲིན་པོ་དེ་ཡང་མི་འཇིགས་པའི་སེམས་དང་། ཤིན་ཏུ་སྤོབས་པའི་སྐད་གསང་བས་འདས་པའི་
D119.052.0229a05.01སངས་རྒྱས་རྣམས་ཀྱིས་གསུངས་པ་ཚིགས་སུ་བཅད་པ་ཕྱེད་པོ་འདི་སྨྲས་སོ། །ཀྱེ་མའོ་འདུ་བྱེད་རྟག་པ་མེད། །སྐྱེ་ཞིང་འགོག་པའི་ཆོས་ཅན་ཡིན། །ཚིགས་སུ་བཅད་པ་ཕྱེད་པ་འདི་སྨྲས་ནས། དེའི་དྲུང་དུ་འདུག་སྟེ། ཤིན་ཏུ་འཇིགས་སུ་རུང་བའི་གཟུགས་མངོན་
D119.052.0229a06.01པར་བསྟན་ནས། མིག་བགྲད་དེ་ཕྱོགས་བཞི་ཀུན་ཏུ་བལྟས་སོ། །དེའི་ཚེ་དཀའ་ཐུབ་སྤྱོད་པ་དེས་ཚིགས་སུ་བཅད་པ་ཕྱེད་པོ་འདི་ཐོས་ནས་རབ་ཏུ་དགའ་བའི་སེམས་སྐྱེས་པ་ནི་དཔེར་ན་ཚོང་པ་ཤིན་ཏུ་ཉམ་ང་བའི་གཡང་སར་མཚན་མོ་སོང་སོང་བ་ལས་གྲོགས་སྟོར་ནས་
D119.052.0229a07.01