完整藏文原文 · 德格版页 当前仅加载第 52 函德格 260b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་ལས། སངས་རྒྱས་ལ་སོགས་ཏེ། ཆོས་རྣམ་པ་བཞི་པོ་འདི་དག་ནི་འདུས་བྱས་ཀྱང་མ་ཡིན་ལ། འདུས་མ་བྱས་པའི་མཚན་ཉིད་ཀྱང་མ་ཡིན་ཏེ། དགེ་བའི་ཕྱིར་ན་འདུས་མ་བྱས་པ་ཉིད་མ་ཡིན་ནོ། །རྟག་པ་དང་གནས་པའི་ཕྱིར་འདུས་བྱས་པ་མ་ཡིན་ཏེ།
D119.052.0260b01.01འདི་དག་ནི་བྱང་ཆུབ་སེམས་དཔའ་འདུས་མ་བྱས་པའི་སྟོང་པ་ལ་ཡོངས་སུ་རྟོག་པ་ཞེས་བྱའོ། །དེ་ལ་ཇི་ལྟར་ན་བྱང་ཆུབ་སེམས་དཔའ་ཐོག་མ་མེད་པའི་སྟོང་པ་ཉིད་ལ་ཡོངས་སུ་རྟོག་པ་ཞེ་ན། བྱང་ཆུབ་སེམས་དཔའ་སེམས་དཔའ་ཆེན་པོས་འཁོར་བ་ལ་མཐའ་མེད་
D119.052.0260b02.01པར་མཐོང་བས་ཐམས་ཅད་ཀྱང་སྟོང་པ་ཉིད་དང་རབ་ཏུ་ཞི་བའོ། །འདི་ལྟ་སྟེ། སྟོང་པ་ཉིད་ཅེས་བྱ་བ་ནི་རྟག་པ་དང་། བདེ་བ་དང་། བདག་དང་། ཡོངས་སུ་དག་པ་སྟེ། ཐམས་ཅད་སྟོང་པ་ཉིད་ཀྱིས་ཞི་བ། འགྱུར་བ་དང་འཕོ་བ་མེད་པ། སེམས་ཅན་དང་། འཚོ་
D119.052.0260b03.01བ་དང་། དཀོན་མཆོག་གསུམ་དང་། སངས་རྒྱས་ཀྱི་རང་བཞིན་དང་། འདུས་མ་བྱས་པའི་ཆོས་ཀྱང་མེད་པ་ནི་བྱང་ཆུབ་སེམས་དཔའ་ཐོག་མ་མེད་པའི་སྟོང་པ་ཉིད་ལ་ཡོངས་སུ་རྟོག་པ་ཞེས་བྱའོ། །དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་
D119.052.0260b04.01དམིགས་སུ་མེད་པའི་སྟོང་པ་ཉིད་ལ་ཡོངས་སུ་རྟོག་པ་ཞེ་ན། དཔེར་ན་མི་ཞིག་བུ་མེད་པས་ཁྱིམ་སྟོང་ངོ་ཞེས་མཐར་བྱམས་པ་དང་སྡང་བ་མེད་པར་རྟོག་པ་དང་། གླེན་པ་གཏི་མུག་ཅན་དག་ཕྱོགས་ཙམ་སྟོང་ངོ་ཞེས་སྨྲ་བ་དང་། དབུལ་པོ་ངན་པ་དག་ཐམས་ཅད་སྟོང་
D119.052.0260b05.01པའོ་ཞེས་ཁ་ཅིག་ནི་སྟོང་པ་ཉིད་དུ་སྨྲ། ཁ་ཅིག་ནི་སྟོང་པ་མ་ཡིན་ནོ་ཞེས་སྨྲ་བ་ལྟ་བུ་མ་ཡིན་ཏེ། བྱང་ཆུབ་སེམས་དཔའ་དེ་ལྟར་ཡོངས་སུ་རྟོག་པ་ན་མི་དབུལ་པོ་དང་འདྲ་བར་ཐམས་ཅད་སྟོང་པ་ཉིད་དུ་རྟོག་སྟེ། དེ་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་
D119.052.0260b06.01པོ་དམིགས་སུ་མེད་པའི་སྟོང་པ་ཉིད་ལ་ཡོངས་སུ་རྟོག་པ་ཞེས་བྱའོ། །དེ་ལ་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་དོན་དམ་པའི་སྟོང་པ་ཉིད་ལ་རྟོག་པ་ཞེ་ན། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་དོན་དམ་པ་སྟོང་པ་ཉིད་ལ་
D119.052.0260b07.01