完整藏文原文 · 德格版页 当前仅加载第 52 函德格 72b 版页；藏文 NFD、目录标记与异常页序保留在来源切片中，重复版页行以稳定序号区分。
བ་ནི་གསོར་མི་རུང་བའོ། །ལོག་སྲེད་ཅན་ལ་མ་གཏོགས་པ་ཐམས་ཅད་གསོས་པས་ན། མྱ་ངན་ལས་འདའ་བ་ལ་སྐྱོན་མེད་དོ། །གསོལ་པ། བཅོམ་ལྡན་འདས་མྱ་ངན་ལས་འདའ་བ་ཞེས་བགྱི་བ་གང་ལགས། རིགས་ཀྱི་བུ་མྱ་ངན་ལས་འདའ་བ་ཞེས་བྱ་བ་ནི་རྣམ་
D119.052.0072b01.01པར་གྲོལ་བའོ། །འོད་སྲུང་གིས་ཡང་གསོལ་པ། རྣམ་པར་གྲོལ་བ་ཞེས་བགྱི་བ་གཟུགས་ལགས་སམ། འོན་ཏེ་གཟུགས་མ་ལགས། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ལ་ལ་ནི་གཟུགས་ཀྱང་ཡིན། ལ་ལ་ནི་གཟུགས་མ་ཡིན་ནོ། །
D119.052.0072b02.01གཟུགས་མ་ཡིན་པ་ནི་ཉན་ཐོས་དང་རང་སངས་རྒྱས་ཀྱིས་རྣམ་པར་གྲོལ་བའོ། །གཟུགས་ཞེས་བྱ་བ་ནི་སངས་རྒྱས་བཅོམ་ལྡན་འདས་ཀྱི་རྣམ་པར་གྲོལ་བའོ། །རིགས་ཀྱི་བུ་དེ་ལྟ་བས་ན་རྣམ་པར་གྲོལ་བ་ནི་གཟུགས་ཀྱང་ཡིན་ལ་གཟུགས་ཀྱང་མ་ཡིན་ནོ། །དེ་
D119.052.0072b03.01བཞིན་གཤེགས་པས་ཉན་ཐོས་ཀྱི་ཉེ་གནས་ལ་ནི་གཟུགས་མ་ཡིན་ནོ། །ཞེས་གསུངས་སོ། །གསོལ་པ། བཅོམ་ལྡན་འདས་ཉན་ཐོས་དང་རང་སངས་རྒྱས་ལ་གལ་ཏེ་གཟུགས་མ་མཆིས་ན་ཅི་ལ་གནས། རིགས་ཀྱི་བུ་དཔེར་ན་འདུ་ཤེས་མེད་འདུ་
D119.052.0072b04.01ཤེས་མེད་མིན་གྱི་ལྷ་དང་འདྲ་སྟེ་གཟུགས་ཀྱང་ཡིན་ལ་གཟུགས་ཀྱང་མ་ཡིན་པས་ངས་གཟུགས་མ་ཡིན་ཞེས་གསུངས་སོ། །གལ་ཏེ་ཁ་ཅིག་གིས་འདི་སྐད་དུ་འདུ་ཤེས་མེད་འདུ་ཤེས་མེད་མིན་གྱི་ལྷ་དག་གལ་ཏེ་གཟུགས་མ་ཡིན་ན་ཅི་ལ་གནས་ཏེ་འགྲོ་
D119.052.0072b05.01བ་དང་། སོང་བ་དང་འོང་བར་འགྱུར་ཞེས་རྒོལ་ན། དེ་ལ་དོན་དེ་དག་ནི་སངས་རྒྱས་བཅོམ་ལྡན་འདས་ཀྱི་སྤྱོད་ཡུལ་ཡིན་པས། ཉན་ཐོས་དང་རང་སངས་རྒྱས་ཀྱིས་ཤེས་པ་མ་ཡིན་ཏེ། རྣམ་པར་གྲོལ་བ་ཡང་དེ་དང་འདྲ་སྟེ་གཟུགས་ཀྱང་ཡིན་ལ་གཟུགས་
D119.052.0072b06.01ཀྱང་མ་ཡིན་པས་གཟུགས་མ་ཡིན་ནོ་ཞེས་གསུངས་སོ། །འདུ་ཤེས་ཀྱང་ཡིན་ལ་འདུ་ཤེས་ཀྱང་མ་ཡིན་པས་འདུ་ཤེས་མ་ཡིན་ཞེས་གསུངས་ཏེ། དོན་དེ་དག་ནི་སངས་རྒྱས་རྣམས་ཀྱི་སྤྱོད་ཡུལ་ཡིན་གྱི། ཉན་ཐོས་དང་རང་སངས་རྒྱས་རྣམས་ཀྱིས་ཤེས་པ་མ་ཡིན་ནོ།། །།
D119.052.0072b07.01