完整藏文原文 · 德格版页 当前仅加载第 52 函德格 90a 版页；藏文 NFD、目录标记与异常页序保留在来源切片中，重复版页行以稳定序号区分。
ཅག་གི་ཟས་འདི་ལས་འདའ་བ་མེད་ཅེས་ཟེར་རོ། །དེ་ནི་སེམས་ཅན་བསོད་ནམས་ཆུང་བའི་ལས་ཀྱི་རྣམ་པར་སྨིན་པ་ཡིན་ཏེ། བསོད་ནམས་ཅན་སྐལ་བ་དང་ལྡན་པ་དག་ནི། ཁྲེ་དང་ཡུག་པོའི་ས་བོན་རྣམས་ཀྱང་མི་ཐོས་ཏེ། ཟས་སུ་འབྲས་དང་བུ་
D119.052.0090a01.01རམ་དང་། ཤ་ཁ་ར་དང་། མར་གྱི་སྙིང་པོ་འབའ་ཞིག་ཟའོ། །མྱ་ངན་ལས་འདས་པའི་མདོ་སྡེ་དམ་པ་འདི་ཡང་དེ་དང་འདྲ་སྟེ། དབང་པོ་རྟུལ་པོ་བསོད་ནམས་ཆུང་ཞིང་སྐལ་བ་མེད་པ་དག་ཐོས་པར་མི་འདོད་དོ། །ཇི་ལྟར་བསོད་ནམས་ཆུང་བ་དག་འབྲས་དང་། ཤ་ཁ་ར་
D119.052.0090a02.01ལ་སོགས་པ་མི་འདོད་པ་ལྟར། ཐེག་པ་ཆུང་ངུ་གཉིས་ཀྱང་དེ་དང་འདྲ་སྟེ། མྱ་ངན་ལས་འདའ་བ་ཆེན་པོའི་མདོ་སྡེ་དམ་པ་འདི་མི་འདོད་དོ། །དེ་ལ་སོ་སོའི་སྐྱེ་བོ་གང་མདོ་སྡེ་འདི་ཐོས་པར་མོས་ཤིང་ཐོས་ཀྱང་རབ་ཏུ་དགའ་སྟེ། སྐུར་པ་མི་བྱེད་པ་ནི་སེམས་ཅན་བསོད་
D119.052.0090a03.01ནམས་ཅན་འབྲས་ལ་སོགས་པ་ཟ་བ་དང་མཚུངས་སོ། །རིགས་ཀྱི་བུ་དཔེར་ན་རྒྱལ་པོ་ཞིག་རིའི་གསེབ་ཤིན་ཏུ་ཉམ་ང་བའི་གནས་ན་འདུག་ན། བུ་རམ་གྱི་ཤིང་དང་། འབྲས་དང་། ཤ་ཁ་ར་ཞིག་ཡོད་ཀྱང་དཀོན་པས་ན་ཟད་ཀྱིས་དོགས་ཏེ། ཟ་བའི་ཐུགས་ནི་མི་ཐུབ་ཀྱི་སོགས་
D119.052.0090a04.01སོ། །ཁྲེ་དང་ཡུག་པོའི་ས་བོན་འབའ་ཞིག་ཟའོ། །རྒྱལ་པོ་གཞན་ཞིག་གིས་ཐོས་ནས། དེ་སྙིང་བརྩེ་བའི་ཕྱིར་འབྲས་དང་ཤ་ཁ་ར་ལ་སོགས་པ་ཤིང་རྟས་བསྐྱས་ཏེ་བྱིན་ན། རྒྱལ་པོ་དེས་ཀུན་ལ་བགོས་ཏེ་བྱིན་ནས་གདོད་ཟའོ། །ཟོས་ནས་ཐམས་ཅད་དགའ་སྟེ། འདི་སྐད་
D119.052.0090a05.01དུ་རྒྱལ་པོ་དེའི་ཕྱིར་བདག་ཅག་ཀྱང་སྔོན་མ་མྱོང་བའི་ཟས་ཟོས་པར་གྱུར་ཏོ་ཞེས་ཟེར་རོ། །རིགས་ཀྱི་བུ་སྐྱེས་བུ་གང་ཟག་བཞི་པོ་ཡང་དེ་དང་འདྲ་སྟེ། བླ་ན་མེད་པའི་ཆོས་ཆེན་པོའི་དེད་དཔོན་ནོ། །གང་ཟག་རྣམ་པ་དེ་བཞི་ལས་གང་ཟག་གཅིག་གིས་ཕྱོགས་གཞན་
D119.052.0090a06.01ཞིག་ན། བྱང་ཆུབ་སེམས་དཔའ་ཚད་མེད་པ་རྣམས་ཐེག་པ་ཆེན་པོའི་མདོ་སྡེ་འདི་སློབ་བམ། གླེགས་བམ་དུ་འདྲི་འམ། གཞན་དག་གླེགས་བམ་དུ་འདྲིར་གཞུག་གམ། རྙེད་པ་དང་། བཀུར་སྟི་དང་། གྲགས་པའི་ཕྱིར་རམ། ཆོས་མངོན་པའི་ཕྱིར་རམ། རྟེན་དང་གནས་
D119.052.0090a07.01