完整藏文原文 · 德格版页 当前仅加载第 52 函德格 262b 版页；藏文 NFD、目录标记与异常页序保留在来源切片中，重复版页行以稳定序号区分。
དུ་མཐོང་བ་ཡང་ཡོད་དོ། །དེ་ལ་མཐོང་བ་གང་ཞེ་ན། སེམས་ཅན་དག་ལོག་པར་འགྲོ་བའི་ཆོས་དེ་དག་བྱས་ན་གདོན་མི་ཟ་བར་སེམས་ཅན་དམྱལ་བར་ལྟུང་བར་མཐོང་སྟེ། དེ་ནི་མཐོང་བ་ཞེས་བྱའོ། །དེ་ལ་ཤེས་པ་གང་ཞེ་ན། སེམས་ཅན་དེ་དག་སེམས་
D119.052.0262b01.01ཅན་དམྱལ་བ་དེ་ལས་ཐར་ནས་མིར་སྐྱེས་ཏེ། སྦྱིན་པའི་ཕ་རོལ་ཏུ་ཕྱིན་པ་སྤྱོད་པ་ནས་ཕ་རོལ་ཏུ་ཕྱིན་པ་གཞན་གྱི་བར་དུ་རྫོགས་པར་སྤྱོད་ན་དེ་དག་གདོན་མི་ཟ་བར་ཡང་དག་པའི་རྣམ་པར་གྲོལ་བ་ཐོབ་པར་ཤེས་ཏེ། དེ་ནི་ཤེས་པ་ཞེས་བྱའོ། །རིགས་ཀྱི་བུ་གཞན་
D119.052.0262b02.01ཡང་བྱང་ཆུབ་སེམས་དཔའ་སེམས་དཔའ་ཆེན་པོས་མཐོང་བ་དང་ཤེས་པ་ཡོད་དོ། །དེ་ལ་མཐོང་བ་གང་ཞེ་ན། རྟག་པ་དང་མི་རྟག་པ་དང་། སྡུག་བསྔལ་བ་དང་། བདེ་བ་དང་། ཡོངས་སུ་དག་པ་དང་། ཡོངས་སུ་མ་དག་པ་དང་། བདག་དང་བདག་མེད་
D119.052.0262b03.01པ་མཐོང་བ་ནི་མཐོང་བ་ཞེས་བྱའོ། །དེ་ལ་ཤེས་པ་གང་ཞེ་ན། དེ་བཞིན་གཤེགས་པ་རྣམས་ནི་མཐར་མྱ་ངན་ལས་འདས་པར་གཤེགས་པ་མ་ཡིན་པར་ཤེས་པ་དང་། དེ་བཞིན་གཤེགས་པ་རྣམས་ཀྱི་སྐུ་ནི་རྡོ་རྗེ་སྟེ། མི་འཇིག་པ་ཉོན་མོངས་པ་ལས་གྲུབ་པ་མ་ཡིན་
D119.052.0262b04.01པ། བཙོག་པ་དང་། མནམ་པ་དང་། རུལ་བ་དང་། མྱགས་པའི་སྐུ་མ་ཡིན་པར་ཤེས་སོ། །གཞན་ཡང་སེམས་ཅན་ཐམས་ཅད་ལ་སངས་རྒྱས་ཀྱི་རང་བཞིན་ཡོད་པར་ཤེས་པ་སྟེ། དེ་ནི་ཤེས་པ་ཞེས་བྱའོ། །རིགས་ཀྱི་བུ་གཞན་ཡང་བྱང་ཆུབ་སེམས་དཔའ་
D119.052.0262b05.01སེམས་དཔའ་ཆེན་པོས་ཤེས་པ་དང་མཐོང་བ་ཡོད་དོ། །དེ་ལ་ཤེས་པ་ནི་སེམས་ཅན་གང་དག་དད་པའི་སེམས་དང་ལྡན་པ་ཤེས་སོ། །སེམས་ཅན་གང་དག་ནི་ཐེག་པ་ཆེན་པོ་ཚོལ་བར་བྱེད། གང་ཟག་གང་ནི་འཁོར་བའི་རྗེས་སུ་འབྲང་བར་བྱེད། གང་ཟག་གང་
D119.052.0262b06.01ནི་འཁོར་བ་ལས་ཟློག་པར་བྱེད། གང་ཟག་གང་ནི་ཡང་དག་པ་ལ་གནས་པར་བྱེད། སེམས་ཅན་གང་དག་ནི་ཕ་རོལ་ཏུ་ཕྱིན་པ་ཡང་རབ་ཏུ་ཤེས་སོ། །འཁོར་བ་ནི་བྱིས་པ་མ་རབས་སོ། །འཁོར་བ་ལས་ཟློག་པ་ནི་རྒྱུན་དུ་ཞུགས་པ་ནས། རང་སངས་རྒྱས་
D119.052.0262b07.01