完整藏文原文 · 德格版页 当前仅加载第 52 函德格 263b 版页；藏文 NFD、目录标记与异常页序保留在来源切片中，重复版页行以稳定序号区分。
སྡིག་པ་མི་དགེ་བའི་ལས་ཅི་ཡོད་པ་མཐོལ་ཞིང་བཤགས་ལ། བཤགས་པའི་འོག་ཏུ་ཕྱིས་མི་བྱེད་པ་དང་། འཛེམ་པ་དང་ངོ་ཚ་བ་དང་ལྡན་པའི་ཕྱིར་དཀོན་མཆོག་གསུམ་ལ་མཆོད་པ་བྱེད་པའི་ཕྱིར། བདག་གིས་བདག་ལ་གནོང་བཀུར་བའི་ཕྱིར། གང་ཟག་དེ་ནི་
D119.052.0263b01.01དགེ་བའི་ལས་དེའི་རྒྱུ་དེའི་རྐྱེན་གྱིས་སེམས་ཅན་དམྱལ་བར་མི་ལྟུང་སྟེ། ཚེ་འདི་ལ་མྱོང་བ་ནི་འདི་ལྟ་སྟེ། ཀླད་པ་ན་བ་དང་། མིག་ན་བ་དང་། ལྟོ་ན་བ་དང་། རྒྱབ་ན་བ་དང་། མི་སྙན་པ་དང་། འཆི་བར་འགྱུར་བ་དང་། གཤེ་བ་དང་སྤྱོ་བ་དང་། བརྒྱད་པ་དང་།
D119.052.0263b02.01བསྐྱེད་པ་དང་། གཞུ་བ་དང་རྡེག་པ་དང་། བཟུང་བ་དང་། བཀྲེས་པ་དང་། སྐོམ་པས་སྡུག་བསྔལ་ཏེ། དེ་དག་ལ་སོགས་པ་ཚེ་འདི་ལ་ཡང་མྱོང་བར་ཤེས་པ་ནི་ཤེས་པ་ཞེས་བྱའོ། །དེ་ལ་མཐོང་བ་ནི་བྱང་ཆུབ་སེམས་དཔའ་སེམས་དཔའ་ཆེན་པོས་གང་ཟག་ཁ་ཅིག་
D119.052.0263b03.01ལུས་ལ་ནན་ཏན་མི་བྱེད། ཚུལ་ཁྲིམས་དང་སེམས་དང་། ཤེས་རབ་ལ་ནན་ཏན་མི་བྱེད་ཀྱང་སྡིག་པའི་ལས་ཆུང་ངུ་བྱེད་ན་དེའི་ལས་ནི་ཚེ་འདི་ལ་འཕྲལ་དུ་མྱོང་བར་མཐོང་ངོ་། །གང་ཟག་དེས་སྡིག་པ་ཆུང་ངུ་བྱས་ལ་འཆགས་ཤིང་མཐོལ་བར་ཡང་མི་བྱེད།
D119.052.0263b04.01བདག་གིས་བདག་ལ་གནོང་བསྐུར་བར་ཡང་མི་བྱེད། འཛེམ་པ་དང་ངོ་ཚ་བར་ཡང་མི་བྱེད། འཇིགས་པའམ་སྐྲག་པར་ཡང་མི་བྱེད་ན་དེ་ལས་འཕེལ་ཞིང་སྐྱེ་བར་འགྱུར་ཏེ། སེམས་ཅན་དམྱལ་བ་མྱོང་བར་མཐོང་སྟེ། དེ་ནི་མཐོང་བ་ཞེས་བྱའོ། །གཞན་ཡང་
D119.052.0263b05.01ཤེས་ལ་མི་མཐོང་བ་ཡང་ཡོད་དོ། །དེ་ལ་ཤེས་པ་ནི་སེམས་ཅན་ཐམས་ཅད་ལ་སངས་རྒྱས་ཀྱི་རང་བཞིན་ཡོད་པར་ནི་ཤེས་ལ། ཉོན་མོངས་པས་ཟིལ་གྱིས་ནོན་ཏེ་བསྒྲིབས་ནས་མི་མཐོང་བས་ན། དེ་ནི་ཤེས་ལ་མི་མཐོང་བ་ཞེས་བྱའོ། །གཞན་ཡང་
D119.052.0263b06.01ཤེས་ལ་ཅུང་ཟད་མཐོང་བ་ཡོད་དོ། །ས་བཅུ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་དག་ནི་སེམས་ཅན་ཐམས་ཅད་ལ་སངས་རྒྱས་ཀྱི་རང་བཞིན་ཡོད་པར་ཤེས་ཀྱང་གསལ་བར་མི་མཐོང་བ་ནི་ཟླ་བ་ཉིན་མོ་མི་གསལ་བ་དང་འདྲའོ། །གཞན་ཡང་
D119.052.0263b07.01