完整藏文原文 · 德格版页 当前仅加载第 52 函德格 333b 版页；藏文 NFD、目录标记与异常页序保留在来源切片中，重复版页行以稳定序号区分。
རབ་ཏུ་བདེ་བ་ནི་ཇི་ལྟར་དགེ་སློང་དག་བསམ་གཏན་གསུམ་པ་ལ་ཞུགས་པ་བཞིན་ནོ། །དེའི་ཁོ་ར་ཁོར་ཡུག་ཏུ་ཀླུང་ཆེན་པོ་སུམ་སྟོང་ཡོད་དེ། དེའི་ཆུ་ཤིན་ཏུ་བཟང་ལ་ཡོན་ཏན་བརྒྱད་དང་ལྡན་ནོ། །གལ་ཏེ་སེམས་ཅན་གང་དེའི་ནང་དུ་ཁྲུས་བྱས་ན་དགའ་བ་དང་བདེ་བ་ཐོབ་
D119.052.0333b01.01པ་ནི་ཇི་ལྟར་དགེ་སློང་དག་བསམ་གཏན་གཉིས་པ་ལ་ཞུགས་པ་དང་འདྲའོ། །ཀླུང་དེ་ལ་མེ་ཏོག་ཨུད་པ་ལ་དང་པད་མ་དང་ཀུ་མུ་ད་དང་། པུན་ད་རཱི་ཀ་དང་། མེ་ཏོག་བསུང་ལྡན་དང་། བསུང་ཆེན་དང་། མེ་ཏོག་བསུང་དམ་པ་དང་། རྟག་པ་དང་། སེམས་ཅན་ཐམས་ཅད་
D119.052.0333b02.01ཀྱིས་དབང་མི་བགྱིད་པ་ཞེས་བགྱི་བའི་མེ་ཏོག་རྣམ་པ་མང་པོ་རྣམ་པ་སྣ་ཚོགས་མཆིས་སོ། །ཀླུང་དེའི་འགྲམ་ན་ཡང་མེ་ཏོག་རྣམ་པ་མང་པོ་མཆིས་པ་ནི་འདི་ལྟ་སྟེ། མེ་ཏོག་ཨ་ཏི་མུག་ཏ་ཀ་དང་། མེ་ཏོག་ཙམ་པ་ཀ་དང་། མེ་ཏོག་པ་ཏ་ལ་དང་། མེ་ཏོག་པ་ཤི་ལ་དང་། མེ་ཏོག་
D119.052.0333b03.01མ་རི་ཀ་དང་། མེ་ཏོག་མ་རི་ཀ་ཆེན་པོ་དང་། མེ་ཏོག་སི་མ་རི་ཀ་དང་། མེ་ཏོག་སུ་མ་ན་དང་། མེ་ཏོག་ཡུ་དེ་ཀ་དང་། མེ་ཏོག་དན་དུ་རི་ཀ་དང་། མེ་ཏོག་རྟག་པ་དང་། སེམས་ཅན་ཐམས་ཅད་དབང་མི་བགྱིད་པ་ཞེས་བགྱི་བའི་མེ་ཏོག་ལ་སོགས་པའོ། །ཀླུང་དེའི་གཏིང་
D119.052.0333b04.01ནི་གསེར་གྱི་བྱེ་མས་བདལ་ཏེ། གསེར་དང་། དངུལ་དང་། བཻ་དཱུརྱ་དང་། ཤེལ་ཁ་དོག་རྣམ་པ་སྣ་ཚོགས་ཀྱི་ཐང་མ་སྐས་བཞིན་མཆིས་ཏེ། བྱ་མང་པོ་རྣམ་པ་སྣ་ཚོགས་དེའི་སྟེང་ན་འདུ་ཞིང་། གཞན་ཡང་སྟག་དང་། སྤྱང་ཀི་དང་། སེང་གེ་ལ་སོགས་པ་བྱ་
D119.052.0333b05.01དང་གཅན་གཟན་མ་རུངས་པ་ཚད་མེད་པ་སྙེད་མཆིས་ཏེ། གཅིག་ལ་གཅིག་བུ་བཞིན་དུ་བལྟའོ། །སངས་རྒྱས་ཀྱི་ཞིང་དེ་ན་རྩ་བ་ཉམས་པ་དང་དམ་པའི་ཆོས་ལ་སྐུར་པ་དང་། ལོག་སྲེད་ཅན་དང་། མཚམས་མེད་པ་ལྔ་ལ་སོགས་པའི་ཁ་ན་མ་ཐོ་བ་བགྱིད་
D119.052.0333b06.01པ་མ་མཆིས་སོ། །ཞིང་དེ་ན་གྲང་དྲོ་རན་ཏེ་བཀྲེས་པ་དང་སྐོམ་པའི་སྡུག་བསྔལ་གྱིས་གདུངས་པ་ཡང་མ་མཆིས་སོ། །འདོད་ཆགས་དང་། ཞེ་སྡང་དང་། བག་མེད་པ་དང་། ཕྲག་དོག་ཀྱང་མ་མཆིས་སོ། །ཉི་ཟླ་དང་ཉིན་མཚན་དང་དུས་མ་མཆིས་ཏེ།
D119.052.0333b07.01