完整藏文原文 · 德格版页 当前仅加载第 52 函德格 41a 版页；藏文 NFD、目录标记与异常页序保留在来源切片中，重复版页行以稳定序号区分。
དྲང་སྲོང་ཆེན་པོས་བཤད་དུ་གསོལ། །ཇི་ལྟར་ཆོས་རྣམས་སྨྲ་བ་དག །ཟླ་བ་ཚེས་པ་བཞིན་དུ་སྐྱེ། །ཇི་ལྟ་བུར་ན་མཐར་ཕྱིན་པའི། །མྱ་ངན་འདའ་བ་སྟོན་པ་ལས། །ཇི་ལྟར་དཔའ་ཞིང་བརྩོན་པ་ལ། །མི་དང་ལྷ་དང་བདུད་ལམ་སྟོན། །
D119.052.0041a01.01ཇི་ལྟར་ཆོས་ཀྱི་མཚན་ཉིད་ཤེས། །ཆོས་ཀྱི་བདེ་བ་མྱོང་བ་ལགས། །ཇི་ལྟར་བྱང་ཆུབ་སེམས་དཔའ་རྣམས། །ཐམས་ཅད་ནད་དང་བྲལ་བ་ལགས། །ཇི་ལྟར་སོ་སོའི་སྐྱེ་བོའི་ཕྱིར། །དགོངས་ཏེ་གསུངས་པ་སྟོན་པ་ལགས། །མཐར་ཕྱིན་པ་ཡི་དོན་
D119.052.0041a02.01ནི་གང་། །ཇི་ལྟར་མཐར་མ་ཕྱིན་པ་ལགས། །ཐེ་ཚོམ་གཅོད་པའི་ཕྱིར་གསུངས་ན། །གཅིག་ཏུ་ངེས་པར་ཅིས་མི་གསུང་། །ཇི་ལྟར་གྱ་ནོམ་བླ་མེད་པའི། །བྱང་ཆུབ་ལ་ནི་བསྙེན་པར་འགྱུར། །བྱང་ཆུབ་སེམས་དཔའ་རྣམས་ཀྱི་ཕྱིར། །དེ་བཞིན་གཤེགས་
D119.052.0041a03.01ལ་བདག་ཞུའོ། །སྤྱོད་པ་ཤིན་ཏུ་ཟབ་མོ་ཡི། །དམ་པ་དག་ནི་བཤད་དུ་གསོལ། །རྣམ་པ་ཐམས་ཅད་ཆོས་ཀྱི་ནང་། །བདེ་བའི་རང་བཞིན་ཀུན་མཆིས་ན། །དྲང་སྲོང་ཆེན་པོ་མཆོག་གིས་སུ། །རྣམ་པར་ཕྱེ་སྟེ་བསྟན་དུ་གསོལ། །སྐྱེ་བོའི་རྟེན་དང་གནས་
D119.052.0041a04.01འགྱུར་བ། །རྐང་གཉིས་མཆོག་སྟེ་སྨན་ལྟ་བུ། །ཕུང་པོ་རྣམས་ལས་ཞུ་བརྩམས་ཀྱང་། །འཚལ་བའི་ཤེས་རབ་མ་མཆིས་སོ། །དེ་ལྟར་ཤིན་ཏུ་ཟབ་མོ་ཡི། །སངས་རྒྱས་རྣམས་ཀྱི་སྤྱོད་ཡུལ་ནི། །བྱང་ཆུབ་སེམས་དཔའ་བརྩོན་པ་ཡང་། །ཤེས་པར་
D119.052.0041a05.01ནུས་པ་མ་ལགས་སོ། །དེའི་ཚེ་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་ཤིན་ཏུ་ལེགས་སོ་ཤིན་ཏུ་ལེགས་སོ་ཞེས་བྱ་བ་བྱིན་ནས། རིགས་ཀྱི་བུ་ཁྱོད་ཀྱིས་རྣམ་པ་ཐམས་ཅད་མཁྱེན་པའི་ཡེ་ཤེས་མ་ཐོབ་མོད་ཀྱི། ཁྱོད་ཀྱིས་ཤིན་ཏུ་ཟབ་མོའི་སྙིང་པོ་ཞུ་
D119.052.0041a06.01ཞིང་གསོལ་བ་འདི་ཐམས་ཅད་མཁྱེན་པའི་ཡེ་ཤེས་ཀྱིས་འདྲི་བ་དང་ཐ་མི་དད་དོ། །རིགས་ཀྱི་བུ་སྔོན་བྱང་ཆུབ་ཀྱི་ཤིང་དྲུང་དུ་སྙིང་པོར་བྱང་ཆུབ་སྟེ་མངོན་པར་སངས་རྒྱས་པ་ན། དེའི་ཚེ་ན་ཡང་སངས་རྒྱས་ཀྱི་ཞིང་ཚད་མེད་གྲངས་མེད་པ་གང་གཱའི་ཀླུང་གི་བྱེ་མ་སྙེད་
D119.052.0041a07.01