完整藏文原文 · 德格版页 当前仅加载第 52 函德格 304b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ལ་བཀུར་སྟི་བྱེད། །སེམས་ཅན་གཅིག་གི་སྲོག་མི་གཅོད། །གཞན་གྱི་ནོར་ལ་རྐུ་སེམས་མེད། །དེ་དག་བདེ་བར་ཉལ་བར་འགྱུར། །དབང་པོ་རྣམས་ནི་ཤིན་ཏུ་ཐུལ། །དགེ་བའི་བཤེས་གཉེན་ལ་སྟེན་ཅིང་། །རྣམ་བཞི་བདུད་ཀྱང་རབ་བཅོམ་ན། །དེ་དག་བདེ་བར་ཉལ་བར་འགྱུར། །བཀྲ་ཤིས་
D119.052.0304b01.01བཀྲ་ཤིས་མ་ཡིན་དང་། །བདེ་དང་སྡུག་བསྔལ་མི་མཐོང་ཞིང་། །སོ་སོའི་སྐྱེ་བོ་མང་པོའི་ཕྱིར། །འཁོར་བའི་འཁོར་བར་འཁོར་བ་ལ། །གང་ཞིག་མི་སྐྱོ་བ་དེ་ནི། །ཤིན་ཏུ་བདེ་བར་ཉལ་བར་འགྱུར། །བདེ་བར་ཉལ་བ་སུ་ཞེ་ན། །སངས་རྒྱས་བཅོམ་ལྡན་འདས་ཡིན་ཏེ། །སྟོང་པའི་ཏིང་འཛིན་རབ་
D119.052.0304b02.01རྟོགས་ནས། །ལུས་དང་སེམས་ནི་མི་གཡོའོ། །སུ་ཞིག་བདེ་བར་ཉལ་ཞེ་ན། །བྱམས་དང་སྙིང་རྗེར་ལྡན་པ་ཡི། །བདག་མེད་པ་ལ་རབ་བརྩོན་ཞིང་། །ཀུན་ལ་བུ་བཞིན་ལྟ་བའོ། །སེམས་ཅན་མ་རིག་ལྡོངས་པ་རྣམས། །ཉོན་མོངས་འབྲས་བུ་མི་མཐོང་སྟེ། །རྟག་ཏུ་སྡིག་པའི་ལས་བྱེད་པས། །
D119.052.0304b03.01དེ་ནི་བདེ་བར་ཉལ་མི་འགྱུར། །གལ་ཏེ་བདག་གི་ལུས་ཀྱིས་སམ། །ཕ་རོལ་གཞན་གྱི་ལུས་ངག་གིས། །མི་དགེ་བཅུ་ཡི་ལས་བྱས་ན། །དེ་ནི་བདེ་བར་ཉལ་མི་འགྱུར། །གང་ཞིག་བདེ་བ་འདོད་པའི་ཕྱིར། །ཕ་བསད་ཉེས་པ་མེད་ཅེས་བྱ། །སྡིག་པའི་བཤེས་གཉེན་ལ་ཕྱོགས་ན། །དེ་ནི་བདེ་
D119.052.0304b04.01བར་ཉལ་མི་འགྱུར། །ཟས་ཀྱི་ཚོད་ནི་མ་ཟིན་ནས། །གྲང་མོ་འཐུངས་པའི་ཚད་འདས་ན། །ནད་ཀྱི་སྡུག་བསྔལ་སྐྱེ་འགྱུར་ཏེ། །དེ་ནི་བདེ་བར་ཉལ་མི་འགྱུར། །གལ་ཏེ་རྒྱལ་པོ་ལ་འཁུས་སམ། །གཞན་གྱི་བུད་མེད་ལ་ཉལ་ལམ། །དགོན་པའི་འབྲོག་ཏུ་འགྲོ་བ་དག །དེ་ནི་བདེ་བར་ཉལ་
D119.052.0304b05.01མི་འགྱུར། །ཚུལ་ཁྲིམས་བསྲུངས་པའི་མྱུ་གུ་མ་ཐོབ་དང་། །རྒྱལ་འཚབ་རྒྱལ་པོའི་ཐབས་ནི་མ་ཐོབ་དང་། །རྐུ་བ་པོ་དག་ནོར་རྫས་མ་ཐོབ་པ། །འདི་ནི་རྟག་ཏུ་བདེ་བར་ཉལ་མི་འགྱུར། །སྨན་པ་འཚོ་བྱེད་བདག་ནི་ནད་ཀྱིས་གཟིར་ཏེ། རྒྱལ་པོ་ཆོས་བཞིན་དུ་སྲིད་འཚོ་བ་ལ་བདག་
D119.052.0304b06.01འཁུས་ཏེ་བསད་པས་སྨན་པ་མཁས་པ་ཐམས་ཅད་ཀྱིས་སྨན་དཔྱད་དང་སྔགས་ལ་སོགས་པ་བྱས་ཀྱང་། བདག་གི་ནད་འཚོ་བར་མ་གྱུར་ཏོ། །དེ་ཅིའི་ཕྱིར་ཞེ་ན། བདག་གི་ཡབ་རྒྱལ་པོ་ཆོས་བཞིན་དུ་སྲིད་འཚོ་བ་ལས་ཉེས་པའི་སྐྱོན་མེད་པར་བདག་གིས་བདག་འཁུས་ཏེ་ཕ་བསད་
D119.052.0304b07.01