完整藏文原文 · 德格版页 当前仅加载第 52 函德格 54b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱིར་ཞེ་ན། མདོ་སྡེ་འདི་ནི་སངས་རྒྱས་བཅོམ་ལྡན་འདས་ཚད་མེད་དཔག་ཏུ་མེད་པས་བསྒྲུབས་པའི་ཡོན་ཏན་དུ་གྱུར་པ་ངས་བརྗོད་པ་ཡིན་ནོ། །བྱང་ཆུབ་སེམས་དཔའ་འོད་སྲུང་གིས་གསོལ་པ། བཅོམ་ལྡན་འདས་མདོ་སྡེ་འདིའི་མཚན་ཅི་ཞེས་བགྱི། བྱང་ཆུབ་སེམས་དཔའ་
D119.052.0054b01.01སེམས་དཔའ་ཆེན་པོས་ཇི་ལྟར་ཡོངས་སུ་གཟུང་བར་བགྱི། བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། མདོ་སྡེ་འདིའི་མིང་ནི་ཡོངས་སུ་མྱ་ངན་ལས་འདས་པ་ཆེན་པོ་ཐོག་མར་ཡང་དགེ །བར་དུ་ཡང་དགེ །ཐ་མར་ཡང་དགེ །དོན་བཟང་བ། ཚིག་བཟང་པོ།
D119.052.0054b02.01མ་འདྲེས་པ། རྣམ་པར་དཀར་བ། ཚངས་པར་སྤྱོད་པ་འབའ་ཞིག་རྡོ་རྗེ་ལྟ་བུའི་རིན་པོ་ཆེའི་མཛོད་མ་ཉམས་པ་ཞེས་བྱ་སྟེ། ཁྱོད་ཤིན་ཏུ་ལེགས་པར་ཉོན་ཅིག་དང་། ངས་ཁྱོད་ལ་བསྟན་པར་བྱའོ། །རིགས་ཀྱི་བུ་དེ་ལ་ཆེན་པོ་ཞེས་བྱ་བ་ནི་རྟག་ཅེས་བྱ་བའི་དོན་ཏེ།
D119.052.0054b03.01དཔེར་ན་ཆུ་ཀླུང་ཆེན་པོ་བརྒྱད་ནི་ཐམས་ཅད་རྒྱ་མཚོར་འབབ་པ་བཞིན་དུ་མདོ་སྡེ་འདི་ཡང་ཀུན་ནས་ཉོན་མོངས་པ་ཐམས་ཅད་དང་། བདུད་ཀྱི་རིས་རྣམས་བཏུལ་ནས་མཐར་ཡོངས་སུ་མྱ་ངན་ལས་འདས་པ་ཆེན་པོ་ལུས་དང་སྲོག་གཏོང་བར་འགྱུར་བས་ཡོངས་སུ་མྱ་ངན་ལས་
D119.052.0054b04.01འདས་པ་ཆེན་པོ་ཞེས་བྱའོ། །རིགས་ཀྱི་བུ་དཔེར་ན་སྨན་པ་མཁས་པའི་སྨན་དཔྱད་བཟང་པོ་ལ་སྨན་གྱི་དཔྱད་ཐམས་ཅད་འདུས་པ་བཞིན་དུ་རིགས་ཀྱི་བུ་དེ་བཞིན་གཤེགས་པས་གསུངས་པའི་ཆོས་ཤིན་ཏུ་ཟབ་མོ་རྣམ་པ་ཐམས་ཅད་ཡོངས་སུ་མྱ་ངན་ལས་འདས་པ་ཆེན་པོར་འདུས་
D119.052.0054b05.01པས་ཡོངས་སུ་མྱ་ངན་ལས་འདས་པ་ཆེན་པོ་ཞེས་བྱའོ། །རིགས་ཀྱི་བུ་འདི་ལྟ་སྟེ་དཔེར་ན་ཞིང་པ་དག་ནི་དབྱར་ཞིང་ལ་ས་བོན་བཏབ་ནས་རྟག་ཏུ་རེ་བའི་སེམས་ཡོད་དེ། འབྲས་བུ་ལག་ཏུ་ཐོབ་ནས་རེ་བ་ཐམས་ཅད་ཞིའོ། །རིགས་ཀྱི་བུ་སེམས་ཅན་ཐམས་ཅད་ཀྱང་དེ་དང་
D119.052.0054b06.01འདྲ་སྟེ། མདོ་སྡེ་གཞན་ལ་སྒོམ་པ་ནི་རྟག་ཏུ་ཆོས་ཀྱི་རོ་འདི་ལ་རེའོ། །ཅི་སྟེ་ཡོངས་སུ་མྱ་ངན་ལས་འདས་པ་ཆེན་པོ་འདི་ཐོས་ནས་མདོ་སྡེ་གཞན་གྱི་ཆོས་ཀྱི་རོ་ལ་རེ་བ་ཐམས་ཅད་ཞི་བ་ནི་ཡོངས་སུ་མྱ་ངན་ལས་འདས་པ་ཆེན་པོ་འདིས་སེམས་ཅན་ཐམས་ཅད་སྲིད་པ་ལས་སྒྲོལ་བའི་
D119.052.0054b07.01