完整藏文原文 · 德格版页 当前仅加载第 52 函德格 111b 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཤེས་པར་བྱའོ། །དེ་ལ་གང་བདུད་ཀྱིས་བསྟན་པའི་རྗེས་སུ་འཇུག་པ་ནི་བདུད་ཀྱི་རིས་སུ་གཏོགས་པ་ཡིན་ནོ། །སངས་རྒྱས་ཀྱིས་བསྟན་པའི་རྗེས་སུ་འཇུག་པ་ནི་བྱང་ཆུབ་སེམས་དཔའ་ཞེས་བྱའོ། །དེ་ལ་གང་འདི་སྐད་དུ་རྟག་ཏུ་རྐང་པ་ཡ་གཅིག་གིས་
D119.052.0111b01.01འགྲེང་བ་དང་། ཁ་རོག་སྟེ་ཅང་མི་སྨྲ་བ་དང་། ཆུར་མཆོངས་པ་དང་། མེར་མཆོངས་པ་དང་། བྲག་ལ་མཆོངས་པ་དང་། ཡ་ང་བ་ལ་མི་འཛེམ་པ་དང་། དུག་འཐུང་བ་དང་། ཁ་ཟས་མི་ཟ་བ་དང་། ཐལ་ཁུང་ན་ཉལ་བ་དང་། བདག་གི་རྐང་ལག་འཆིང་བ་དང་།
D119.052.0111b02.01སེམས་ཅན་གསོད་པ་དང་། རིག་སྔགས་ཅན་དང་། གདོལ་བུ་དང་། དབང་པོ་མེད་པ་དང་། མཚན་གཉིས་པ་དང་། མཚན་མ་ངེས་པ་དང་། དབང་པོ་མ་ཚང་བ་ལ་སོགས་པ་ཐམས་ཅད་དེ་བཞིན་གཤེགས་པས་རབ་ཏུ་བྱུང་བར་གནང་ངོ་ཞེས་སྨྲ་ན་དེ་
D119.052.0111b03.01ནི་བདུད་ཀྱིས་བསྟན་པ་ཡིན་ནོ། །སྔོན་བཅོམ་ལྡན་འདས་ཀྱིས་ཟར་གནང་བ་ནི་བའི་འོ་མ་ལས་བསྒྱུར་བ་རྣམ་པ་ལྔ་དང་། འབྲུ་མར་དང་། སྦྲང་རྩི་ལ་སོགས་པ་དང་། གོས་ཀེའུ་ཤ་ཡ་དང་། ལྷམ་ཡུ་རྡུམ་ལ་སོགས་པ་གྱོན་དུ་གནང་བ་ལས་དེ་མ་ཡིན་པ་གཞན་ཡང་
D119.052.0111b04.01འདི་སྐད་དུ་མ་ཧ་ལིང་ཀ་ཡང་གྱོན་དུ་གནང་ངོ་ཞེའམ། ས་བོན་ཐམས་ཅད་སོགས་སུ་གནང་ཞེའམ། རྩྭ་དང་ཤིང་ལ་སོགས་པ་ཐམས་ཅད་ལ་སྲོག་ཡོད་པར་སངས་རྒྱས་ཀྱིས་གསུངས་ནས་མྱ་ངན་ལས་འདས་སོ། །ཞེས་མདོ་སྡེ་དང་འདུལ་བ་ལ་དེ་སྐད་འབྱུང་ན་དེ་
D119.052.0111b05.01ནི་བདུད་ཀྱིས་བསྟན་པ་ཡིན་པར་ཤེས་པར་བྱའོ། །སངས་རྒྱས་ཀྱིས་ནི་རྟག་ཏུ་རྐང་པ་ཡ་གཅིག་གིས་འགྲེང་བར་ཡང་མ་གནང་སྟེ། ཆོས་ཀྱི་ཕྱིར་འགྲོ་བ་དང་། སྡོད་པ་དང་། འདུག་པ་དང་། ཉལ་དུ་གནང་ངོ་། །དེ་མ་ཡིན་པ་དུག་ཟ་བ་དང་། ཁ་ཟས་མི་ཟ་བ་དང་།
D119.052.0111b06.01ཚ་བ་རྣམ་པ་ལྔས་ལུས་སྲེག་པ་དང་། རྐང་ལག་འཆིང་བ་དང་། སེམས་ཅན་གསོད་པ་དང་། རིག་སྔགས་སྤྱོད་པ་དང་། འགྲོན་བུ་དང་། བ་ལང་གི་མཆེ་བ་ལས་ལྷམ་བྱེད་པ་དང་། ས་བོན་སོགས་པ་དང་། རྩི་ཤིང་ལ་སྲོག་ཡོད་པ་དང་། མ་ཧ་ལིང་ཀ་གྱོན་དུ་མི་
D119.052.0111b07.01