完整藏文原文 · 德格版页 当前仅加载第 52 函德格 101b 版页；藏文 NFD、目录标记与异常页序保留在来源切片中，重复版页行以稳定序号区分。
གསུངས་པར་འཛིན་ཏེ། སྡུག་བསྔལ་བ་དང་། སྟོང་པ་དང་། བདག་མེད་པའི་བར་དུ་རྒྱས་པར་རིག་པར་བྱ་སྟེ། དེ་བས་ན་བཀྲི་བའི་དོན་གྱི་མདོ་སྡེ་ལ་གནས་པར་མི་བྱའོ། །དེ་ལ་གང་ཞིག་འདི་སྐད་དུ་དེ་བཞིན་གཤེགས་པ་ནི་སེམས་ཅན་ཐམས་ཅད་ལ་ཐུགས་བརྩེ་བའི་ཕྱིར་
D119.052.0101b01.01དུས་དང་ཚོད་ལ་ཤིན་ཏུ་མཁས་སོ། །དུས་ལ་མཁས་པས་ཡང་བ་དག་ཀྱང་ལྕི་བར་གསུངས། ལྕི་བའང་ཡང་བར་གསུངས་ཏེ། དེ་བཞིན་གཤེགས་པས་མཁྱེན་ཅིང་རྟོགས་པས་ཉེ་གནས་གང་ལ་སྦྱིན་བདག་དད་པས་དགོས་པའི་ཡོ་བྱད་ཅི་འདོད་པ་སྦྱོར་ཞིང་སྦྱིན་པའི་
D119.052.0101b02.01གང་ཟག་དེ་ལ་ནི་བཅོམ་ལྡན་འདས་ཀྱིས་བྲན་ཕོ་དང་། བྲན་མོ་དང་། གསེར་དང་། དངུལ་དང་། རིན་པོ་ཆེ་ལ་སྤྱོད་ཅིང་ཚོང་སྤོགས་བྱེད་པ་ལ་སོགས་པ་མ་བརྟགས་པའི་དངོས་པོ་ཐམས་ཅད་འཆང་ཞིང་སྤྱོད་དུ་མ་གནང་ངོ་། །ཉེ་གནས་གང་ལ་འཚོ་བའི་ཡོ་བྱད་སྦྱིན་
D119.052.0101b03.01པའི་ཡོན་བདག་མེད་ལ་མུ་གེ་བྱུང་སྟེ། བསོད་སྙོམས་མི་རྙེད་པའི་དུས་ན་ཡང་དག་པའི་ཆོས་རྣམ་པར་གཞག་ཅིང་བསྲུང་བའི་ཕྱིར། ངའི་ཉེ་གནས་དག་བྲན་ཕོ་དང་། བྲན་མོ་དང་། གསེར་དང་། དངུལ་དང་། བཞོན་པའི་ཐེག་པ་དང་། ཁང་ཁྱིམ་དང་། ནས་འབྲས་
D119.052.0101b04.01དང་། ཚོང་སྤོགས་ལ་སོགས་པ་འཆང་ཞིང་སྤྱོད་དུ་གནང་སྟེ། དེ་ལྟར་འཆང་ཞིང་སྤྱོད་དུ་གནང་མོད་ཀྱི་སྦྱིན་བདག་དད་པ་ཆེན་པོ་དང་ལྡན་པ་མེད་དུ་མི་རུང་ངོ་། །དེ་ལྟར་ན་ཆོས་རྣམ་པ་བཞི་པོ་འདི་ལ་གནས་པར་བྱའོ། །གཞན་ཡང་འདུལ་བ་དང་། ཆོས་མངོན་པ་དང་། མདོ་
D119.052.0101b05.01སྡེ་ལས་རྣམ་པ་བཞི་པོ་འདི་དང་མི་འགལ་ན་གནས་པར་བྱའོ། །དེ་ལ་གང་ཞིག་དུས་དང་དུས་མ་ཡིན་པའམ། ཆོས་སྲུང་བའམ། ཆོས་མི་སྲུང་བ་དང་། སྦྱོར་བ་ཡང་མེད་དེ། དེ་བཞིན་གཤེགས་པས་མ་བརྟགས་པའི་དངོས་པོ་འདི་དག་དགེ་སློང་ཐམས་ཅད་
D119.052.0101b06.01སྤྱོད་དུ་གནང་ངོ་། །ཞེས་དེ་སྐད་སྨྲ་ན་ཚིག་དེ་ལ་ནི་གནས་པར་མི་བྱའོ། །འདུལ་བའམ། ཆོས་མངོན་པའམ། མདོ་སྡེ་དག་ལས་འདི་སྐད་དུ་འདི་དང་འཐུན་པར་གསུངས་ན་སྡེ་སྣོད་གསུམ་པོ་ལ་ཡང་གནས་པར་མི་བྱའོ། །ངས་སྐྱེ་བོ་ཤའི་མིག་ཅན་ལ་གནས་པ་བཞི་
D119.052.0101b07.01