完整藏文原文 · 德格版页 当前仅加载第 52 函德格 174a 版页；藏文 NFD、目录标记与异常页序保留在来源切片中，重复版页行以稳定序号区分。
གྲགས་པར་གྱུར་ཏོ། །སེམས་ཅན་དེ་དག་གིས་འདི་སྐད་ཅེས་ཐོས་ནས་ཚེ་འཕོས་ཏེ། དེ་མ་ཐག་ཏུ་ལྷ་དང་མིར་སྐྱེས་སོ།། །།འཕགས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ། བམ་པོ་བཅོ་ལྔ་པ། དེའི་ཚེ་
D119.052.0174a01.01དེའི་དུས་ན་བྱོལ་སོང་གི་ཁམས་ཀྱང་སྟོངས་པར་གྱུར་ཏེ། དམ་པའི་ཆོས་ལ་སྐུར་པ་ནི་མ་གཏོགས་སོ། །པད་མོ་རེ་རེ་ལ་ཡང་སངས་རྒྱས་རེ་རེ་བཞུགས་པ་ནི་འོད་ཟེར་འཁོར་བར་འདོམ་གང་དང་ལྡན་པ། གསེར་བཙོ་མའི་མདོག་ལྟ་བུ་ལྷམ་མེར་འཚེར་བ།
D119.052.0174a02.01ཤིན་ཏུ་མཛེས་པ་མཆོག་ཏུ་བསྐྲུན་དུ་མེད་པ། སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་སྐུ་ཤིན་ཏུ་བརྒྱན་པ། སངས་རྒྱས་དེ་དག་ལ་ལ་ནི་བཞུགས། ལ་ལ་ནི་འགྲེང་། ལ་ལ་ནི་མནལ། ལ་ལ་ནི་སྡོད། ལ་ལ་
D119.052.0174a03.01ནི་འབྲུག་གི་སྒྲ་སྒྲོགས། ལ་ལ་ནི་ཆར་འབེབས། ལ་ལ་ནི་གློག་གི་འོད་འགྱེད། ལ་ལ་ནི་རླུང་གཏོང་། ལ་ལ་ནི་སྐུ་མེ་ལྕེའི་ཕུང་པོ་ལྟར་འབར། ལ་ལ་ནི་རིན་པོ་ཆེ་སྣ་བདུན་གྱི་རི་དང་། རྫིང་དང་། མཚེའུ་དང་། ཆུ་མིག་དང་། འབབ་ཆུ་དང་།
D119.052.0174a04.01ནགས་ཚལ་ཡང་མངོན་པར་སྟོན། ལ་ལ་རིན་པོ་ཆེ་སྣ་བདུན་གྱི་ཡུལ་དང་། གྲོང་དང་། གྲོང་རྡལ་དང་། གྲོང་ཁྱེར་དང་། ཁང་ཁྱིམ་ཡང་མངོན་པར་སྟོན། ལ་ལ་ནི་བ་གླང་དང་། རྟ་དང་། སེང་གེ་དང་། སྟག་དང་། སྤྱང་ཀི་དང་། རྨ་བྱ་དང་།
D119.052.0174a05.01ནམ་མཁའ་ལྡིང་ལ་སོགས་པ་ཡང་སྟོན། ལ་ལ་ནི་འཛམ་བུའི་གླིང་ན་གནས་པའི་སེམས་ཅན་གྱིས་སེམས་ཅན་དམྱལ་བ་དང་། བྱོལ་སོང་དང་། {ཡི་དགས་,ཡི་དྭགས་}འབའ་ཞིག་གིས་གང་བར་སྣང་བ་སྟོན། ལ་ལ་ནི་འདོད་པའི་ཁམས་ཀྱི་གནས་རིམ་པ་དྲུག་སྟོན།
D119.052.0174a06.01བཅོམ་ལྡན་འདས་ལ་ལ་ནི་ཕུང་པོ་དང་། ཁམས་དང་། སྐྱེ་མཆེད་ཀྱི་སྐྱོན་མང་པོ་སྟོན་ཏོ། །ལ་ལ་ནི་བདེན་པ་བཞིའི་ཆོས་སྟོན་ཏོ། །ལ་ལ་ནི་རྟེན་ཅིང་འབྲེལ་ཏེ་འབྱུང་བ་སྟོན་ཏོ། །ལ་ལ་ནི་ལས་དང་ཉོན་མོངས་པ་ཐམས་ཅད་རྒྱུ་དང་རྐྱེན་ལས་སྐྱེ་བར་སྟོན་ཏོ། །
D119.052.0174a07.01