完整藏文原文 · 德格版页 当前仅加载第 52 函德格 32a 版页；藏文 NFD、目录标记与异常页序保留在来源切片中，重复版页行以稳定序号区分。
ང་རྒྱལ་དང་། མི་རྟག་པའི་འདུ་ཤེས་ཐམས་ཅད་ཀྱང་མ་མཆིས་པར་བགྱིད་དོ། །བཅོམ་ལྡན་འདས་གལ་ཏེ་དེ་བཞིན་གཤེགས་པ་མི་རྟག་པའི་འདུ་ཤེས་དང་བྲལ་ན། ད་ཡོངས་སུ་མྱ་ངན་ལས་འདའ་བར་གཤེགས་པར་མི་རིགས་སོ། །
D119.052.0032a01.01ཅི་སྟེ་མ་བྲལ་ན་ཅིའི་སླད་དུ་མི་རྟག་པ་ལ་ནན་ཏན་བགྱིས་ནས་ཁམས་གསུམ་གྱི་འདོད་པ་དང་། མ་རིག་པ་དང་། ང་རྒྱལ་དང་། མི་རྟག་པའི་འདུ་ཤེས་དང་བྲལ་བར་འགྱུར་རོ་ཞེས་གསུངས། བཅོམ་ལྡན་འདས་དཔེར་ན་ཞིང་པ་དག་ནི་སྟོན་གྱི་དུས་སུ་
D119.052.0032a02.01ཞིང་རྨོས་ནས་ཞིང་གི་ངོ་ཡུར་མ་ཡོངས་སུ་སེལ་ཏོ། །མི་རྟག་པའི་འདུ་ཤེས་ཀྱང་དེ་དང་འདྲ་སྟེ། འདོད་པའི་ཁམས་ཀྱི་འདོད་པ་དང་། གཟུགས་དང་གཟུགས་མ་མཆིས་པའི་འདོད་པ་དང་། མ་རིག་པ་དང་། ང་རྒྱལ་དང་། མི་རྟག་པའི་འདུ་ཤེས་ཀྱི་
D119.052.0032a03.01བར་དུ་སེལ་ཏོ། །བཅོམ་ལྡན་འདས་དཔེར་ན་ཞིང་རྨོ་བའི་ནང་ན་སྟོན་ལོག་བཏབ་པ་བཟང་ངོ་། །རྗེས་ཐམས་ཅད་ཀྱི་ནང་ན་བལ་གླང་གི་རྗེས་མཆོག་གོ། །འདུ་ཤེས་ཐམས་ཅད་ཀྱི་ནང་ན་ཡང་མི་རྟག་པ་མཆོག་གོ། །བཅོམ་ལྡན་འདས་དཔེར་ན་རྒྱལ་པོ་ཆེན་པོ་
D119.052.0032a04.01ནི་འགུམ་པའི་དུས་བགྱིད་པ་ན། སྔར་མཐའ་བཞིར་ཤོ་བཏང་ནས་བཙོན་ཐམས་ཅད་ཐར་པའི་འོག་ཏུ་ཚེའི་བྱ་བ་བགྱིད་དོ། །དེ་བཞིན་གཤེགས་པ་ཡང་དེ་དང་འདྲ་བར་སེམས་ཅན་ཐམས་ཅད་ཤེས་རབ་མེད་པའི་མ་རིག་པས་ཡོངས་སུ་ཁེབས་པ་ལས་བསྒྲལ་ཏེ་
D119.052.0032a05.01ཐར་བར་མཛད་ནས། གདོད་མྱ་ངན་ལས་འདའ་བར་གཤེགས་པའི་རིགས་ཀྱི། བདག་ཅག་མ་བསྒྲལ་བར་ཅིའི་སླད་དུ་དེ་བཞིན་གཤེགས་པས་བདག་ཅག་ཡོངས་སུ་བཏང་སྟེ། ཡོངས་སུ་མྱ་ངན་ལས་འདའ་བར་གཤེགས། བཅོམ་ལྡན་འདས་
D119.052.0032a06.01དཔེར་ན་མི་ཞིག་{ཡི་དགས་,ཡི་དྭགས་}ཀྱིས་བརླམས་ཏེ། སྔགས་མཁན་དང་ཕྲད་ན་སྔགས་ཀྱི་མཐུས་དེ་ལས་ཐར་བར་འགྱུར་རོ། །དེ་བཞིན་གཤེགས་པ་ཡང་དེ་དང་འདྲ་སྟེ། ཉན་ཐོས་རྣམས་ཀྱིས་མ་རིག་པའི་{ཡི་དགས་,ཡི་དྭགས་}བསལ་ཅིང་། ཤེས་རབ་ཀྱི་ཕ་རོལ་ཏུ་
D119.052.0032a07.01