完整藏文原文 · 德格版页 当前仅加载第 52 函德格 146a 版页；藏文 NFD、目录标记与异常页序保留在来源切片中，重复版页行以稳定序号区分。
རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་སྨན་པ་མཁས་པ་རིག་པ་རྣམ་པ་བརྒྱད་ལ་མཁས་པ་དག་ནད་ཐམས་ཅད་ཞི་བར་བྱེད་ནུས་མོད་ཀྱི། ངེས་པར་ཤི་བའི་དུས་ལ་བབ་པ་ལ་ནི་མ་ཡིན་ནོ། །མདོ་སྡེའི་ཏིང་ངེ་འཛིན་ཐམས་ཅད་ཀྱང་དེ་དང་འདྲ་སྟེ། སེམས་
D119.052.0146a01.01ཅན་ཐམས་ཅད་ཀྱི་འདོད་ཆགས་དང་། ཞེ་སྡང་དང་། གཏི་མུག་གི་ཀུན་ནས་ཉོན་མོངས་པའི་ནད་གསོ་ཞིང་ཀུན་ནས་ཉོན་མོངས་པའི་ཟུག་རྔུ་འབྱིན་ནུས་མོད་ཀྱི། ཕས་ཕམ་པ་བཞི་ཉམས་པ་དང་། མཚམས་མེད་པ་ལྔ་བྱས་པ་ལ་ནི་མ་ཡིན་ནོ། །རིགས་ཀྱི་བུ་གཞན་
D119.052.0146a02.01ཡང་འདི་ལྟ་སྟེ་སྨན་པ་མཁས་པ་རིག་པ་བརྒྱད་ལས་ཀྱང་འདས་པ་དག་སེམས་ཅན་གྱི་ནད་ཀྱི་སྡུག་བསྔལ་ཐམས་ཅད་སེལ་ནུས་མོད་ཀྱི། གདོན་མི་ཟ་བར་ཤི་བའི་དུས་ལ་བབ་པ་ལ་ནི་མ་ཡིན་ནོ། །མྱ་ངན་ལས་འདས་པ་ཆེན་པོ་ཐེག་པ་ཆེན་པོའི་མདོ་སྡེ་འདི་ཡང་དེ་དང་འདྲ་སྟེ།
D119.052.0146a03.01སེམས་ཅན་གྱི་ཉོན་མོངས་པ་ཐམས་ཅད་སྤོང་བར་བྱེད་ཅིང་། དེ་བཞིན་གཤེགས་པའི་ཡོངས་སུ་དག་པའི་རྒྱུར་འགྱུར་བ་ལ་བདེ་བར་འཇོག་པ་དང་། སེམས་མ་བསྐྱེད་པ་དག་སེམས་སྐྱེད་པར་ནི་བྱེད་མོད་ཀྱི། ངེས་པར་འཆི་བ་ལོག་སྲེད་ཅན་ལ་ནི་མ་ཡིན་ནོ། །རིགས་ཀྱི་བུ་
D119.052.0146a04.01གཞན་ཡང་འདི་ལྟ་སྟེ། སྨན་པ་མཁས་པ་ནི་མིག་ནད་ལས་ལོང་བར་གྱུར་པ་དག་ལ་ནི་ཉི་མ་དང་། ཟླ་བ་དང་། མེ་དང་། སྐར་མ་དང་། གཟུགས་རྣམ་པ་ཐམས་ཅད་མཐོང་བར་བྱེད་ནུས་ཀྱི། ཐོག་མ་ནས་དམུས་ལོང་དུ་གྱུར་པ་ལ་ནི་མ་ཡིན་ནོ། །ཐེག་པ་ཆེན་པོའི་མདོ་སྡེ་
D119.052.0146a05.01མྱ་ངན་ལས་འདས་པ་ཆེན་པོ་འདི་ཡང་དེ་དང་འདྲ་སྟེ། ཉན་ཐོས་དང་རང་སངས་རྒྱས་ཀྱི་ཐེག་པ་ཅན་ཡང་ཤེས་རབ་ཀྱི་མིག་ཐོབ་ཅིང་ཚད་མེད་མཐའ་ཡས་པའི་ཐེག་པ་ཆེན་པོའི་མདོ་སྡེ་ལ་དགོད་པ་དང་། སེམས་མ་བསྐྱེད་པ་ཕས་ཕམ་པ་བཞི་ཉམས་པ་དང་། མཚམས་
D119.052.0146a06.01མེད་པ་ལྔ་བྱས་པ་དག་ཀྱང་བྱང་ཆུབ་ཏུ་སེམས་སྐྱེད་པར་བྱེད་ནི་ནུས་ཀྱི། ཐོག་མ་ནས་དམུས་ལོང་དུ་གྱུར་པ་ལོག་སྲེད་ཅན་དག་ལ་ནི་མ་ཡིན་ནོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་སྨན་པ་ཤིན་ཏུ་མཁས་པ་རིག་པ་རྣམ་པ་བརྒྱད་དང་ལྡན་པ་ནི་སེམས་ཅན་གྱི་
D119.052.0146a07.01