完整藏文原文 · 德格版页 当前仅加载第 52 函德格 122a 版页；藏文 NFD、目录标记与异常页序保留在来源切片中，重复版页行以稳定序号区分。
ཐེག་པ་ཆེན་པོའི་མདོ་སྡེ་ལ་ཡང་དག་པར་བསླབ་པར་བྱའོ། །འོད་སྲུང་གིས་ཡང་གསོལ་པ་སངས་རྒྱས་ཀྱི་རང་བཞིན་ནི་བསམ་གྱིས་མི་ཁྱབ་སྟེ་དེ་བཞིན་དུ་མཚན་སུམ་ཅུ་རྩ་གཉིས་དང་དཔེ་བྱད་བཟང་པོ་བརྒྱད་ཅུ་ཡང་བསམ་གྱིས་མི་ཁྱབ་བོ། །དེ་ནས་བཅོམ་ལྡན་འདས་
D119.052.0122a01.01ཀྱིས་བྱང་ཆུབ་སེམས་དཔའ་འོད་སྲུང་ལ་ལེགས་སོ་ཤིན་ཏུ་ལེགས་སོ་ཞེས་བཀའ་སྩལ་ཏོ། །རིགས་ཀྱི་བུ་ཁྱོད་ནི་ཤིན་ཏུ་ཟབ་པའི་ཤེས་རབ་དང་ལྡན་པས་ངས་ཀྱང་ཁྱོད་ཀྱི་དེ་བཞིན་གཤེགས་པའི་སྙིང་པོ་ལ་འཇུག་པ་ལེགས་པར་བསྟན་པར་བྱའོ། །གལ་ཏེ་བདག་ཅེས་བྱ་བ་ཐེར་
D119.052.0122a02.01ཟུག་ཏུ་རྟག་པའི་ཆོས་ཡིན་ན་ནི་སྡུག་བསྔལ་དང་བྲལ་བར་མི་འགྱུར་རོ། །གལ་ཏེ་བདག་ཅེས་བྱ་བ་མེད་ན་ནི་ཚངས་པར་སྤྱོད་པ་དག་ཕན་པའི་དོན་མེད་པར་འགྱུར་རོ། །གལ་ཏེ་ཆོས་ཐམས་ཅད་བདག་མེད་པར་སྨྲ་ན་དེ་ནི་ཆད་པར་ལྟ་བ་ཡིན་ནོ། །ཅི་སྟེ་བདག་ཅེས་བྱ་བ་ཐེར་ཟུག་ཏུ་སྨྲ་ན་དེ་ནི་རྟག་
D119.052.0122a03.01པར་ལྟ་བ་ཡིན་ནོ་གང་འདུ་བྱེད་ཐམས་ཅད་མི་རྟག་པར་ལྟ་ན་དེ་ཡང་ཆད་པར་ལྟ་བར་འགྱུར་རོ། །འདུ་བྱེད་རྟག་པར་ལྟ་ན་དེ་ལ་ཡང་རྟག་པར་ལྟ་བར་འགྱུར་རོ། །གང་སྡུག་བསྔལ་བར་སྨྲ་ན་ཆད་པར་ལྟ་བ་ཡིན་ནོ། །གལ་ཏེ་བདེ་བར་སྨྲ་ན་ཡང་རྟག་པར་ལྟ་བ་ཡིན་ནོ་གང་ཆོས་ཐམས་ཅད་རྟག་གོ་
D119.052.0122a04.01བར་ནན་ཏན་བྱེད་ན་ཆད་པར་ལྟ་བར་ལྟུང་ངོ་། །ཆོས་ཐམས་ཅད་ཆད་པར་ནན་ཏན་བྱེད་ན་རྟག་པར་ལྟ་བར་ལྟུང་ངོ་། །དཔེར་ན་སྲིན་བུ་ཁུང་བུར་འགྲོ་བ་དག་རྐང་པ་སྔ་མ་བོར་ནས་རྐང་པ་ཕྱི་མ་འདོར་རོ། །རྟག་པ་དང་ཆད་པ་ལ་ནན་ཏན་བྱེད་པ་ཡང་དེ་དང་འདྲ་སྟེ་ཆད་པ་དང་རྟག་པའི་རྐྱེན་ལ་ལྟོས་སོ། །
D119.052.0122a05.01དོན་དེ་ལྟ་བས་ན་སྡུག་བསྔལ་བའི་ཆོས་གཞན་ལ་ནན་ཏན་བྱེད་པ་ནི་མི་དགེ་བའོ། །བདེ་བའི་ཆོས་གཞན་ལ་ནན་ཏན་བྱེད་པ་ནི་དགེ་བ་ཞེས་བྱའོ། །བདག་མེད་པའི་ཆོས་གཞན་ལ་ནན་ཏན་བྱེད་པ་ནི་ཀུན་ནས་ཉོན་མོངས་པའི་ཕྱོགས་ཡིན་ནོ། །རྟག་པའི་ཆོས་གཞན་ལ་ནན་ཏན་བྱེད་པ་ནི་དེ་བཞིན་
D119.052.0122a06.01གཤེགས་པའི་གསང་བའི་སྙིང་པོ་ཞེས་བྱ་སྟེ། མྱ་ངན་ལས་འདས་པ་ནི་གནས་དང་རྟེན་མེད་པའོ། །མི་རྟག་པའི་ཆོས་གཞན་ལ་ནན་ཏན་བྱེད་པ་ནི་རྫས་དང་ཟང་ཟིང་ཡོད་པའོ། རྟག་པའི་ཆོས་གཞན་ལ་ནན་ཏན་བྱེད་པ་ནི་སངས་རྒྱས་དང་ཆོས་དང་དགེ་འདུན་དང་ཡང་དག་པར་རྣམ་
D119.052.0122a07.01