完整藏文原文 · 德格版页 当前仅加载第 52 函德格 193a 版页；藏文 NFD、目录标记与异常页序保留在来源切片中，重复版页行以稳定序号区分。
སྲུང་འདི་ལྟ་སྟེ། རླུང་གི་བསྐལ་པ་བྱུང་བ་ན་ཐམས་ཅད་གཏོར་ཏེ་མེད་པར་བྱེད་ན་བསམ་གཏན་བཞི་པ་ནི་མ་གཏོགས་སོ། །རིགས་ཀྱི་བུ་འཆི་བའི་རླུང་ཡང་དེ་དང་འདྲ་སྟེ། ཐམས་ཅད་མེད་པར་བྱེད་མོད་ཀྱི་བྱང་ཆུབ་སེམས་དཔའ་ཐེག་པ་ཆེན་པོ་ཡོངས་
D119.052.0193a01.01སུ་མྱ་ངན་ལས་འདས་པའི་མདོ་སྡེ་ལ་གནས་པ་ནི་མ་གཏོགས་སོ། །བྱང་ཆུབ་སེམས་དཔའ་འོད་སྲུང་གིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །ཅིའི་སླད་དུ་བསམ་གཏན་བཞི་པ་དེ་རླུང་གིས་ཀྱང་མི་ཤིགས། ཆུས་ཀྱང་མི་འཁྲུས། མེས་ཀྱང་མི་ཚིག །
D119.052.0193a02.01བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། རིགས་ཀྱི་བུ་བསམ་གཏན་བཞི་པ་ནི་ཕྱི་ནང་གི་སྐྱོན་ཐམས་ཅད་མེད་པའི་ཕྱིར་རོ། །རིགས་ཀྱི་བུ་བསམ་གཏན་དང་པོ་པ་ལ་ནང་ན་རྟོག་པའི་སྐྱོན་ཡོད་པས་ཕྱི་རོལ་གྱི་མེས་འཚིག་གོ། །བསམ་གཏན་གཉིས་པ་ནི་ནང་ན་
D119.052.0193a03.01དགའ་བའི་སྐྱོན་ཡོད་པས་ཕྱི་རོལ་གྱི་ཆུས་བཀྲུས་སོ། །བསམ་གཏན་གསུམ་པ་ནི་ནང་ན་དབུགས་རྒྱུ་བས་རླུང་གི་བསྐལ་པས་འཇིག་པར་འགྱུར་རོ། །རིགས་ཀྱི་བུ་བསམ་གཏན་བཞི་པ་ནི་ཕྱི་ནང་གཉིས་ཀའི་སྐྱོན་ཐམས་ཅད་བྲལ་བས་བསྐལ་པས་མི་ཚུགས་པ་
D119.052.0193a04.01ཡིན་ནོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོ་ཡང་དེ་དང་འདྲ་སྟེ། ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་ལ་བདེ་བར་གནས་ན་ཕྱི་ནང་གི་སྐྱོན་ཐམས་ཅད་དང་བྲལ་བས་འཆི་བའི་རྒྱལ་པོས་ཀྱང་མི་ཚུགས་པ་ཡིན་ནོ། །རིགས་
D119.052.0193a05.01ཀྱི་བུ་གཞན་ཡང་འདི་ལྟ་སྟེ། ནམ་མཁའ་ལྡིང་གི་རྒྱལ་པོ་ནི་ཀླུ་དང་། ཉ་དང་། གསེར་དངུལ་དང་། རིན་པོ་ཆེ་ལ་སོགས་པ་ཟོས་ཀྱང་ཞུ་བར་ནུས་ན། རྡོ་རྗེ་འབའ་ཞིག་ནི་ཞུ་བར་མི་ནུས་སོ། །རིགས་ཀྱི་བུ་འཆི་བའི་ནམ་མཁའ་ལྡིང་གི་རྒྱལ་པོ་ཡང་དེ་དང་འདྲ་སྟེ།
D119.052.0193a06.01སེམས་ཅན་ཐམས་ཅད་ཟོས་ཀྱང་ཞུ་བར་ནུས་ན། ཐེག་པ་ཆེན་པོ་ཡོངས་སུ་མྱ་ངན་ལས་འདས་པ་ཆེན་པོའི་མདོ་སྡེ་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་ཞུ་བར་མི་ནུས་སོ། །འོད་སྲུང་གཞན་ཡང་འདི་ལྟ་སྟེ། ཆུ་འགྲམ་ན་ཤིང་དང་རྩྭ་སྐྱེས་པ་
D119.052.0193a07.01