完整藏文原文 · 德格版页 当前仅加载第 52 函德格 224a 版页；藏文 NFD、目录标记与异常页序保留在来源切片中，重复版页行以稳定序号区分。
པས་ཆོས་བསྟན་པ་ཡང་དེ་དང་འདྲ་སྟེ། ཀུན་ནས་ཉོན་མོངས་པའི་དགྲ་ཐམས་ཅད་ཞི་བར་བྱེད་དོ། །གཞན་ཡང་རིགས་ཀྱི་བུ་དཔེར་ན་འཁོར་ལོས་སྒྱུར་བའི་རྒྱལ་པོའི་འཁོར་ལོ་རིན་པོ་ཆེས་ནི་འོག་ནས་སྟེང་དུ་ཡིད་བཞིན་དུ་འགྱུར་རོ། །དེ་བཞིན་གཤེགས་པས་ཆོས་
D119.052.0224a01.01བསྟན་པ་ཡང་དེ་དང་འདྲ་སྟེ། ངན་སོང་གི་སེམས་ཅན་ཐམས་ཅད་མཐོ་རིས་ཀྱི་ལྷར་སྐྱེ་བ་ནས་སངས་རྒྱས་ཀྱི་བྱང་ཆུབ་ལ་ཐུག་གི་བར་དུ་ཕྱིན་པར་བྱེད་དོ། །རིགས་ཀྱི་བུ་དེ་བས་ན་ཁྱོད་ཀྱི་དེ་བཞིན་གཤེགས་པ་ལ་ཆོས་ཀྱི་འཁོར་ལོ་གདོད་བསྐོར་རོ་ཞེས་མ་ཟེར་ཅིག །དེ་ནས་འཇམ་
D119.052.0224a02.01དཔལ་གཞོན་ནུར་གྱུར་པས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་འདས་དོན་འདི་དག་བདག་གིས་མ་འཚལ་བའི་སླད་དུ་ཞུ་བ་ནི་མ་ལགས་ཀྱི་སེམས་ཅན་ཐམས་ཅད་ལ་ཕན་པ་དང་། བདེ་བའི་སླད་དུ་ཞུས་པ་ལགས་སོ། །བཅོམ་ལྡན་འདས་བདག་ནི་ཡུན་
D119.052.0224a03.01རིང་པོ་ནས་ཆོས་ཀྱི་འཁོར་ལོ་བསྐོར་བ་ནི་སངས་རྒྱས་བཅོམ་ལྡན་འདས་ཀྱི་སྤྱོད་ཡུལ་ལགས་ཀྱི། ཉན་ཐོས་དང་རང་སངས་རྒྱས་ཀྱི་སྤྱོད་ཡུལ་མ་ལགས་པར་འཚལ་ཏོ། །དེ་ནས་བཅོམ་ལྡན་འདས་ཀྱིས་བྱང་ཆུབ་སེམས་དཔའ་འོད་སྲུང་ལ་བཀའ་སྩལ་པ། རིགས་ཀྱི་བུ་དེ་ལྟར་ན་
D119.052.0224a04.01བྱང་ཆུབ་སེམས་དཔའ་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་ལ་གནས་པ་ནི། འཕགས་པའི་སྤྱད་པ་སྤྱོད་པ་ཞེས་བྱའོ། །བྱང་ཆུབ་སེམས་དཔའ་འོད་སྲུང་གིས་ཡང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །གཞན་ཡང་ཅིའི་སླད་དུ་འཕགས་པའི་
D119.052.0224a05.01སྤྱོད་པ་ཞེས་བགྱི། བཀའ་སྩལ་པ། རིགས་ཀྱི་བུ་འཕགས་པ་ཞེས་བྱ་བ་ནི་སངས་རྒྱས་བཅོམ་ལྡན་འདས་ཏེ། དེ་བས་ན་འཕགས་པའི་སྤྱོད་པ་ཞེས་བྱའོ། །གསོལ་པ། བཅོམ་ལྡན་འདས་གལ་ཏེ་སངས་རྒྱས་བཅོམ་ལྡན་འདས་ཀྱི་སྤྱོད་པ་ལགས་ན་ཉན་ཐོས་དང་རང་སངས་
D119.052.0224a06.01རྒྱས་དང་བྱང་ཆུབ་སེམས་དཔའི་སྤྱོད་པ་མ་ལགས་སོ། །བཀའ་སྩལ་པ། རིགས་ཀྱི་བུ་སངས་རྒྱས་བཅོམ་ལྡན་འདས་ཀྱང་ཡོངས་སུ་མྱ་ངན་ལས་འདས་པ་ཆེན་པོ་འདི་ལ་བརྟེན་ཏེ། འདི་ལྟར་རྣམ་པར་ཕྱེ་ཞིང་བསྟན་པས་འཕགས་པའི་སྤྱོད་པ་ཞེས་བྱའོ། །ཉན་ཐོས་དང་
D119.052.0224a07.01