完整藏文原文 · 德格版页 当前仅加载第 52 函德格 57a 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་བུ་སེམས་ཅན་གང་ཞིག་སངས་རྒྱས་རྟག་པ། གནས་པ། མི་འཕོ་མི་འགྱུར་བར་འཛིན་ན། གནས་དེ་ཉིད་ན་སངས་རྒྱས་བཞུགས་པར་རིག་པར་བྱ་སྟེ། དེ་དག་ནི་ཚུལ་བཞིན་དུ་གཞན་འཆོས་པ་ཞེས་བྱའོ། །དེ་ལ་ཇི་ལྟར་ན་དྲིས་པ་བཞིན་དུ་ལན་
D119.052.0057a01.01འདེབས་པ་ཞེ་ན། གལ་ཏེ་གང་ཟག་གཅིག་གིས། སངས་རྒྱས་བཅོམ་ལྡན་འདས་ལ་འདི་སྐད་དུ། བདག་གིས་ནོར་དང་། ཟང་ཟིང་ཅི་ཡང་མ་བཏང་བར་སྦྱིན་བདག་ཆེན་པོའི་མིང་དུ་གྲགས་པར་འགྱུར་ཞེས་སྨྲ་ན། བཅོམ་ལྡན་འདས་ཀྱིས་དེ་ལ་འདི་སྐད་ཅེས་བཀའ་སྩལ་ཏོ། །
D119.052.0057a02.01དགེ་སྦྱོང་དང་བྲམ་ཟེ་ལ་སོགས་པ་འདོད་པ་ཉུང་ཞིང་ཆོག་ཤེས་པ། མ་བརྟགས་པའི་ཡོ་བྱད་མི་འཆང་མི་སོགས་པ་ལ་བྲན་ཕོ་དང་། བྲན་མོ་དང་། ལས་བྱེད་པའི་མི་བྱིན་པ་དང་། ཚངས་པར་སྤྱོད་པ་ལ་བུད་མེད་བྱིན་པ་དང་། ཤ་ཆང་བཅད་པ་ལ་ཤ་ཆང་བྱིན་
D119.052.0057a03.01པ་དང་། ཕྱི་དྲོ་ཕན་ཆད་མི་ཟ་བ་ལ་ཁ་ཟས་བྱིན་པ་དང་། འཇོ་བའི་མེ་ཏོག་དང་སྤོས་མི་ཐོགས་པ་ལ་མེ་ཏོག་དང་སྤོས་བྱིན་པ་དག །སྦྱིན་པའི་མིང་ནི་ཀུན་ཏུ་གྲགས་པར་ཡང་འགྱུར་ལ། ནོར་དང་ཟང་ཟིང་ནི་ཅུང་ཟད་ཙམ་ཡང་མི་ཉམས་ཏེ་འདི་དག་ནི་དྲིས་པ་བཞིན་དུ་
D119.052.0057a04.01ལན་བཏབ་པ་ཞེས་བྱའོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་ཤ་མི་འཚལ་བ་ལ་ཤ་སྩལ་བ་མི་རིགས་མོད། དེ་ཅིའི་སླད་དུ་ཞེ་ན། བདག་ནི་ཤ་མི་འཚལ་བ་དག་ལ་ཡོན་ཏན་ཆེན་པོ་
D119.052.0057a05.01བརྒྱད་དང་ལྡན་པར་མཐོང་ངོ་། །བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། ཤིན་ཏུ་ལེགས་སོ། །ཁྱོད་ཀྱིས་ངའི་དགོངས་པ་ཤེས་པ་ཤིན་ཏུ་ལེགས་སོ། །ཆོས་སྲུང་བའི་བྱང་ཆུབ་སེམས་དཔའ་དག་ནི་འདི་ལྟར་རིག་པར་བྱའོ། །རིགས་ཀྱི་བུ་དེང་
D119.052.0057a06.01ཕན་ཆད་ཉན་ཐོས་ཀྱི་ཉེ་གནས་དག་ཤ་ཟར་མི་གནང་ངོ་། །གལ་ཏེ་ཡོན་བདག་དད་པས་བྱིན་ན་ཡང་། དེ་ལ་བུའི་ཤ་ལྟ་བུར་འདུ་ཤེས་བསྐྱེད་དོ། །བྱང་ཆུབ་སེམས་དཔའ་འོད་སྲུང་གིས་གསོལ་པ་བཅོམ་ལྡན་འདས་ཅིའི་སླད་དུ། དེ་བཞིན་གཤེགས་པས་ཤ་
D119.052.0057a07.01