完整藏文原文 · 德格版页 当前仅加载第 52 函德格 288b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་བསྐྱེད་ནས་ཀྱང་འཁོར་བའི་སྐྱོན་མང་པོ་མཐོང་བས་སེམས་དེ་ལས་ཕྱིར་ལྡོག་སྟེ། ལ་ལ་ནི་ཉན་ཐོས་སུ་འགྱུར། ལ་ལ་ནི་རང་སངས་རྒྱས་སུ་འགྱུར་རོ། །གལ་ཏེ་བྱང་ཆུབ་སེམས་དཔའ་མདོ་སྡེ་འདི་ཐོས་ན་བྱང་ཆུབ་ཀྱི་སེམས་ལས་ཕྱིར་མི་ལྡོག་གོ། །ཉན་ཐོས་དང་རང་སངས་རྒྱས་སུ་
D119.052.0288b01.01འགྱུར་མི་སྲིད་དོ། །དེ་ལྟར་བྱང་ཆུབ་སེམས་དཔའ་དེས་མི་གཡོ་བའི་ས་དང་པོ་མ་ཐོབ་ཀྱང་། སེམས་ཤིན་ཏུ་བརྟན་པར་འགྱུར་ཏེ། ཕྱིར་མི་ལྡོག་པས་ན་བསམ་གྱིས་མི་ཁྱབ་པ་ཞེས་བྱའོ། །རིགས་ཀྱི་བུ་གལ་ཏེ་མི་ཞིག་འདི་སྐད་དུ་བདག་ནི་རྒྱ་མཚོ་ཆེན་པོ་འདི་ལ་རྐྱལ་ཏེ་རྒལ་
D119.052.0288b02.01ནུས་སོ་ཞེས་སྨྲ་ན། ཚིག་དེ་བསམ་གྱིས་མི་ཁྱབ་པ་ཡིན་ནམ། བཅོམ་ལྡན་འདས་དེ་སྐད་ཅེས་སྨྲ་བའི་ཚིག་དེ་ནི་བསམ་གྱིས་ཁྱབ་པ་ཡང་ལགས་ལ། བསམ་གྱིས་མི་ཁྱབ་པ་ཡང་ལགས་སོ། །དེ་ཅིའི་སླད་དུ་ཞེ་ན། གལ་ཏེ་མི་ཞིག་གིས་རྐྱལ་ཏེ་ཕ་རོལ་ཏུ་ཕྱིན་ན་དེ་ནི་
D119.052.0288b03.01བསམ་གྱིས་མི་ཁྱབ་བོ། །གལ་ཏེ་ལྷ་མ་ཡིན་ཞིག་རྐྱལ་ཏེ་ཕ་རོལ་ཏུ་ཕྱིན་ན་བསམ་གྱིས་ཁྱབ་པ་ལགས་སོ། །རིགས་ཀྱི་བུ་སྐབས་འདིར་ནི་མི་འབའ་ཞིག་ལ་བྱའི། ལྷ་མ་ཡིན་ནི་མ་ཡིན་ནོ། །བཅོམ་ལྡན་འདས་མིའི་ནང་ན་ཡང་བསམ་གྱིས་མི་ཁྱབ་པ་དང་། བསམ་གྱིས་
D119.052.0288b04.01ཁྱབ་པ་མཆིས་སོ། །བཅོམ་ལྡན་འདས་མི་ལ་ཡང་རྣམ་པ་གཉིས་ཏེ། འཕགས་པ་དང་། བྱིས་པ་མ་རབས་སོ། །བྱིས་པ་མ་རབས་ལ་བགྱི་ན་ནི་བསམ་གྱིས་མི་ཁྱབ་པ་ལགས་སོ། །འཕགས་པ་ལ་བགྱི་ན་བསམ་གྱིས་ཁྱབ་བོ། །རིགས་ཀྱི་བུ་སྐབས་འདིར་ནི་ངས་བུས་པ་མ་
D119.052.0288b05.01རབས་ལ་བྱའི་འཕགས་པ་ལ་ནི་མ་ཡིན་ནོ། །བཅོམ་ལྡན་འདས་ཅི་སྟེ་བུས་པ་མ་རབས་ལ་བགྱི་ན་བསམ་གྱིས་མི་ཁྱབ་པ་ལགས་སོ། །རིགས་ཀྱི་བུ་བུས་པ་མ་རབས་ཀྱིས་ནི་ཡང་དག་པར་ན་རྒྱ་མཚོ་ཆེན་པོ་ལ་རྐྱལ་ཏེ་ཕ་རོལ་ཏུ་མི་ཕྱིན་ནོ། །བྱང་ཆུབ་སེམས་དཔའ་སེམས་
D119.052.0288b06.01དཔའ་ཆེན་པོས་ནི་ཡང་དག་པར་འཁོར་བའི་རྒྱ་མཚོའི་ཕ་རོལ་ཏུ་ཕྱིན་ཏེ། དེ་བས་ན་བསམ་གྱིས་མི་ཁྱབ་པ་ཞེས་བྱའོ། །རིགས་ཀྱི་བུ་ཅི་སྟེ་ལ་ལ་ཞིག་གིས་པད་མོའི་རྩ་བའི་ཉག་མས་རི་རབ་ལྷུན་པོ་བཏེག་སྟེ་ནམ་མཁའ་ལས་སྤྱངས་ན། དེ་བསམ་གྱིས་མི་ཁྱབ་པ་ཡིན་ནམ།
D119.052.0288b07.01