完整藏文原文 · 德格版页 当前仅加载第 52 函德格 46b 版页；藏文 NFD、目录标记与异常页序保留在来源切片中，重复版页行以稳定序号区分。
ཙམ་ཐོབ་མོད་ཀྱི། སྦྱོར་བའི་ཐབས་མེད་པས་རྣམ་པར་གྲོལ་ཞིང་སྟོན་མི་ནུས་སོ། །དོན་དེ་ལྟ་བས་ན་རྟག་པའི་ཚུལ་ཁྲིམས་སམ། རྟག་པའི་ཏིང་ངེ་འཛིན་ནམ། རྟག་པའི་ཤེས་རབ་བམ། རྣམ་པར་གྲོལ་བའི་བར་དུ་ཐོབ་པར་མི་ནུས་པ་ནི་རྐུན་པོ་དེ་དག་ཐབས་མི་
D119.052.0046b01.01ཤེས་ཏེ། མར་གྱི་སྙིང་པོ་མི་ཐོབ་པ་དང་མཚུངས་སོ། །རྐུན་པོ་དེ་དག་མར་གྱི་སྙིང་པོ་འདོད་པའི་ཕྱིར་ཆུ་བསྣན་པ་ལྟར་སྐྱེ་བོ་མ་རབས་ཀྱང་དེ་དང་འདྲ་སྟེ། རྣམ་པར་ཐར་པ་འདོད་པའི་ཕྱིར་བདག་དང་། སེམས་ཅན་དང་། སྲོག་དང་། སྐྱེས་བུ་དང་། ཚངས་པ་
D119.052.0046b02.01དང་། དབང་སྒྱུར་གྱི་ལྷ་དང་། རྡུལ་ཕྲ་མོ་དང་། འཇིག་རྟེན་གྱི་རང་བཞིན་དང་། ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། རྣམ་པར་གྲོལ་བ་དང་། འདུ་ཤེས་མེད་པ་དང་། འདུ་ཤེས་མེད་མིན་གྱི་བར་དུ་མྱ་ངན་ལས་འདས་པའོ། །ཞེས་
D119.052.0046b03.01སྨྲས་ཏེ། དེ་ནི་ཡང་དག་པར་རྣམ་པར་གྲོལ་བའམ། མྱ་ངན་ལས་འདའ་བ་མི་ཐོབ་པ་ནི་ཇི་ལྟར་རྐུན་པོ་དེ་དག་མར་གྱི་སྙིང་པོ་མི་ཐོབ་པ་བཞིན་ནོ། །སྐྱེ་བོ་མ་རབས་དག་ཚངས་པར་སྤྱོད་པ་ཅུང་ཟད་ཙམ་དང་། ཕ་མ་ལ་སྲི་ཞུ་བྱས་པ་ཙམ་གྱི་རྒྱུ་དང་རྐྱེན་གྱིས་
D119.052.0046b04.01མཐོ་རིས་ཀྱི་ལྷར་སྐྱེ་སྟེ། བདེ་བའི་ལོངས་སྤྱོད་ཅུང་ཟད་མྱོང་བ་ནི་ཇི་ལྟར་རྐུན་པོ་དེ་དག་འོ་མ་ལ་ཆུས་བསྣན་པ་བཞིན་ནོ། །སྐྱེ་བོ་མ་རབས་དག་ནི་ཚངས་པར་སྤྱོད་པ་ཅུང་ཟད་ཙམ་དང་། ཕ་མ་ལ་སྲི་ཞུ་བྱས་པ་ཙམ་གྱི་རྒྱུས་མཐོ་རིས་ཀྱི་ལྷར་སྐྱེས་པར་མི་ཤེས་སོ། །
D119.052.0046b05.01གཞན་ཡང་ཚུལ་ཁྲིམས་དང་། ཏིང་ངེ་འཛིན་དང་། ཤེས་རབ་དང་། དཀོན་མཆོག་གསུམ་ལ་སྐྱབས་སུ་འགྲོ་བར་མི་ཤེས་སོ། །དེ་ལྟར་མི་ཤེས་པས་རྟག་པ་དང་། བདེ་བ་དང་། བདག་དང་། ཡོངས་སུ་དག་པ་སྨྲ་མོད་ཀྱི་དེ་ཡང་མི་ཤེས་སོ། །དེ་བས་ན་དེ་
D119.052.0046b06.01བཞིན་གཤེགས་པ་འཇིག་རྟེན་དུ་གཤེགས་ནས་རྟག་པ་དང་། བདེ་བ་དང་། བདག་དང་། ཡོངས་སུ་དག་པ་བསྟན་ཅིང་བཤད་དོ། །ཇི་ལྟར་འཁོར་ལོས་སྒྱུར་བའི་རྒྱལ་པོ་འཇིག་རྟེན་དུ་བྱུང་ན། དེའི་བསོད་ནམས་ཀྱི་ཤུགས་ཀྱིས་རྐུན་པོ་མ་རུངས་པ་དག་སོ་སོར་
D119.052.0046b07.01