完整藏文原文 · 德格版页 当前仅加载第 52 函德格 110b 版页；藏文 NFD、目录标记与异常页序保留在来源切片中，重复版页行以稳定序号区分。
མཁས་པར་འགྱུར་རོ། །དེ་འདི་སྐད་དུ་བདག་ལ་སངས་རྒྱས་ཀྱི་རང་བཞིན་ཡོད་དེ། དེ་བཞིན་གཤེགས་པའི་སྙིང་པོ་ཞེས་བྱ་བའི་མདོ་ལས་ཀྱང་བདག་ནི་གདོན་མི་ཟ་བར་མངོན་པར་འཚང་རྒྱ་སྟེ། ཚད་མེད་པའི་ཀུན་ནས་ཉོན་མོངས་པའང་ཟད་པར་འགྱུར་རོ། །
D119.052.0110b01.01ཞེས་སྨྲ་ལ་ཚད་མེད་པའི་དགེ་བསྙེན་རྣམས་ལ་ཡང་འདི་སྐད་དུ་ཁྱེད་ལ་ཡང་སངས་རྒྱས་ཀྱི་རང་བཞིན་ཡོད་དེ། བདག་ཅག་དེ་བཞིན་གཤེགས་པའི་བྱང་ཆུབ་ཀྱི་ས་ལ་གནས་ན་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་འཚང་རྒྱ་སྟེ། ཚད་མེད་པའི་
D119.052.0110b02.01ཀུན་ནས་ཉོན་མོངས་པའང་ཞི་བར་འགྱུར་རོ། །ཞེས་དེ་སྐད་དུ་སྨྲས་ཀྱང་གང་ཟག་དེ་ནི་བླ་མ་མིའི་ཆོས་སྨྲ་བ་མ་ཡིན་ཏེ། བྱང་ཆུབ་སེམས་དཔའ་ཞེས་བྱའོ། །དེ་ལ་ཉེས་བྱས་ཀྱི་ཁ་ན་མ་ཐོ་བས་ཀྱང་སུམ་ཅུ་རྩ་གསུམ་གནམ་གྱི་ཉི་མ་དང་། ཟླ་བ་དང་ལོར་བགྲང་བའི་ལོ་
D119.052.0110b03.01སྟོང་ཕྲག་བརྒྱད་བརྒྱའི་བར་དུ་སེམས་ཅན་དམྱལ་བར་ལྟུང་སྟེ། སྡུག་བསྔལ་མྱོང་བར་འགྱུར་ན་ཆེད་དུ་ཉེས་པ་སྦོམ་པོའི་སྡིག་པ་བྱེད་པ་ལྟ་ཅི་སྨོས། ཐེག་པ་ཆེན་པོ་ལས་དགེ་སློང་གང་ཞིག་ཉེས་པ་སྦོམ་པོ་བྱུང་ན་བསྙེན་པར་མི་བྱའོ་ཞེས་གསུངས་སོ། །དེ་ལ་ཐེག་པ་ཆེན་
D119.052.0110b04.01པོའི་མདོ་ལས་ཉེས་པ་སྦོམ་པོར་འགྱུར་བ་གང་ཞེ་ན། གལ་ཏེ་ཁྱིམ་བདག་གཅིག་གིས་སངས་རྒྱས་ཀྱི་རྟེན་གཙུག་ལག་ཁང་བརྩིགས་ནས་མེ་ཏོག་གི་ཕྲེང་བ་སངས་རྒྱས་ལ་ཕུལ་ཏེ། དགེ་སློང་གཅིག་གིས་མེ་ཏོག་གི་ཕྲེང་བ་བརྒྱུས་པའི་སྲད་བུ་མ་ཞུས་པར་བླངས་ན་
D119.052.0110b05.01ཉེས་པ་སྦོམ་པོའོ། །ཤེས་ཀྱང་རུང་མི་ཤེས་ཀྱང་རུང་སྦོམ་པོའོ། །གལ་ཏེ་འདོད་པའི་སེམས་ཀྱིས་སངས་རྒྱས་ཀྱི་མཆོད་རྟེན་བཤིག་ན་ཡང་ཉེས་པ་སྦོམ་པོ་སྟེ། གང་ཟག་དེ་ལ་ནི་བརྟེན་པར་མི་བྱའོ། །གལ་ཏེ་རྒྱལ་པོའམ་བློན་པོ་ཞིག་གིས་མཆོད་རྟེན་ཞིག་པ་མཐོང་ནས་
D119.052.0110b06.01སྐུ་གདུང་མཆོད་པའི་ཕྱིར་རམ། ཞིག་པ་གསོ་བའི་ཕྱིར་བཅོས་ཏེ། མཆོད་རྟེན་གྱི་ནང་ནས་རིན་པོ་ཆེ་རྙེད་ནས་དགེ་སློང་ལ་བཞག་པ་ལས་དགེ་སློང་གི་དབང་བྱས་ཏེ། བདག་གིར་སྤྱད་ན་དགེ་སློང་དེ་ནི་སྨེ་བའོ། །རྩོད་ཅིང་འཐབ་པའི་ཕྱིར་གཞིར་འགྱུར་བ་སྟེ། དགེ་བསྙེན་
D119.052.0110b07.01