完整藏文原文 · 德格版页 当前仅加载第 52 函德格 188b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། ན་བ་ནི་ཐམས་ཅད་ལ་ཡོད་པ་མ་ཡིན་ཏེ། སངས་རྒྱས་དང་ལྷ་རྣམས་ལ་ནི་ངེས་པར་མེད་དོ། །མི་ལ་གཅིག་ཏུ་མ་ཆད་དེ་ལ་ལ་ལ་ཡོད། ལ་ལ་ལ་མེད་དོ། །འོད་སྲུང་ཁམས་གསུམ་གྱི་ལུས་སུ་གྱུར་པ་ནི་མི་སྐྱེ་བ་མེད་དེ། རྒ་བ་ནི་གཅིག་པུ་མ་ཆད་དོ། །དེ་བས་ན་
D119.052.0188b01.01ཐམས་ཅད་ཀྱང་སྐྱེ་བ་ནི་རྩ་བར་འགྱུར་རོ། །འོད་སྲུང་འཇིག་རྟེན་གྱི་སེམས་ཅན་དག་ནི་ཕྱིན་ཅི་ལོག་གིས་བསྒྲིབས་པས་ན། སྐྱེ་བ་ལ་ནི་འདོད་ཅིང་ཆགས་ཀྱི། རྒ་བ་དང་འཆི་བ་མི་འདོད་དོ། །འོད་སྲུང་བྱང་ཆུབ་སེམས་དཔའ་ནི་དེ་ལྟ་མ་ཡིན་ཏེ། ཐོག་མ་སྐྱེ་བ་ནས་སྐྱོན་དུ་རྟོགས་
D119.052.0188b02.01སོ། །འོད་སྲུང་དཔེར་ན་མི་ཞིག་གི་ཁྱིམ་དུ་བུད་མེད་བཟང་མོ་བལྟ་ན་སྡུག་པ་ཤིན་ཏུ་མཛེས་པ་ཚུལ་དུ་ཤིས་པ་རྒྱན་བཟང་པོས་ཡོངས་སུ་བརྒྱན་པ་ཞིག་འོངས་ནས། ཁྱིམ་བདག་གིས་དེ་ལ་འདི་སྐད་ཅེས་འདྲིའོ། །བུད་མེད་ཁྱོད་མིང་ཅི་སུ་དབང་ཞེས་དྲིས་ན། བུད་མེད་དེས་ཁོ་
D119.052.0188b03.01མོ་ནི་ལྷ་ཆེན་པོ་བཀྲ་ཤིས་མ་ཡིན་ནོ་ཞེས་སྨྲའོ། །ཁྱིམ་བདག་གིས་ཡང་དྲིས་པ་ཁྱོད་མིའི་ཁྱིམ་དུ་འོངས་ན་ཅི་དང་ཅི་ནུས། བུད་མེད་དེས་སྨྲས་པ། ཁོ་མོ་ནི་གར་འོངས་པར་ཁྱིམ་བདག་དེ་ལ་གསེར་དང་། དངུལ་དང་། བཻ་དཱུརྱ་དང་། ཤེལ་དང་། མུ་ཏིག་དང་། བྱི་
D119.052.0188b04.01རུ་དང་། སྦུར་ལོང་དང་། ཨས་མ་གར་བྷ་དང་། མུ་ས་གལ་བྷ་ལ་སོགས་པའི་རིན་པོ་ཆེ་རྣམ་པ་མང་པོ་དང་། བལ་གླང་དང་། རྟ་དང་། ཤིང་རྟ་དང་། བྲན་ཕོ་དང་། བྲན་མོ་ལས་བྱེད་པའི་མི་བདོག་པར་འོང་ངོ་། །ཁྱིམ་བདག་གིས་དེ་སྐད་ཀྱི་ཚིག་ཐོས་ནས་ཤིན་ཏུ་དགའ་
D119.052.0188b05.01མགུ་རངས་ཏེ། བདག་ཅག་གི་བསོད་ནམས་སྨིན་པས་ལྷ་མོ་ཁྱོད་བདག་གི་ཁྱིམ་དུ་འོངས་ཞེས་སྨྲས་ནས། སྤོས་དང་། མེ་ཏོག་གིས་མཆོད་དེ། བསྟི་སྟང་དང་བཅས་པས་ཕྱག་བྱེད་དོ། །དེའི་སྒོ་ན་ཡང་བུད་མེད་ཤིན་ཏུ་མི་སྡུག་པ་གོས་ཧྲུལ་པོ་དྲི་མ་ཅན་གྱོན་པ། པགས་པ་
D119.052.0188b06.01རྩུབ་པ་མདོག་ངན་པ་གཅིག་ཀྱང་འོངས་ནས་ཁྱིམ་བདག་གིས་བུད་མེད་དེ་ལ་ཁྱོད་ཀྱི་མིང་ཅི་སུ་དབང་ཞེས་དྲིས་སོ། །བུད་མེད་དེས་སྨྲས་པ། ཁོ་མོའི་མིང་ནི་རྣ་ནག་མོ་ཞེས་བྱའོ། །དེས་སྨྲས་པ་ཁྱོད་ཀྱི་མིང་ཅིའི་ཕྱིར་རྣ་ནག་མོ་ཞེས་བྱ། བུད་མེད་དེས་སྨྲས་པ། ཁོ་མོ་གང་དུ་འོངས་
D119.052.0188b07.01