完整藏文原文 · 德格版页 当前仅加载第 52 函德格 235b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་དང་མིའི་ནང་ན་མཆོག་ཏུ་བྱུང་ཕུལ་དུ་གྱུར་ཏེ། དཔེར་བྱར་མེད་དོ། །རིགས་ཀྱི་བུ་འདི་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་ལ་གནས་པ་ན། དགེ་བའི་ཆོས་བདུན་ལ་གནས་པ་ཞེས་བྱ་སྟེ། བྱང་ཆུབ་སེམས་དཔའ་ཆོས་རྣམ་
D119.052.0235b01.01པ་འདི་བདུན་དང་ལྡན་ན་ཚངས་པར་སྤྱོད་པ་ཞེས་བྱའོ། །རིགས་ཀྱི་བུ་གཞན་ཡང་ཚངས་པར་སྤྱོད་པ་ཞེས་བྱ་བ་ནི་འདི་ལྟ་སྟེ། བྱམས་པ་དང་། སྙིང་རྗེ་དང་། དགའ་བ་དང་། བཏང་སྙོམས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་འོད་སྲུང་གིས་ཡང་བཅོམ་ལྡན་འདས་ལ་འདི་སྐད་ཅེས་
D119.052.0235b02.01གསོལ་ཏོ། །བཅོམ་ལྡན་འདས་བྱམས་པ་མང་དུ་བསྒོམས་པས་ཞེ་སྡང་མ་མཆིས་པར་འགྱུར་ཏེ། སྙིང་རྗེའི་སེམས་ཀྱིས་ཀྱང་ཞེ་སྡང་གཅོད་པར་འགྱུར་བས་ན། ཅིའི་སླད་དུ་ཚད་མེད་པ་བཞི་ཞེས་སྨོས། དོན་དང་སྦྱར་ན་གསུམ་དུ་བས་སོ། །བཅོམ་ལྡན་འདས་བྱམས་པ་ལ་དམིགས་པ་རྣམ་
D119.052.0235b03.01པ་གསུམ་སྟེ། སེམས་ཅན་ལ་དམིགས་པ་དང་། ཆོས་ལ་དམིགས་པ་དང་། མི་དམིགས་པའོ། །སྙིང་རྗེ་དང་། དགའ་བ་དང་། བཏང་སྙོམས་ཀྱང་དེ་དང་འདྲ་སྟེ། དོན་དང་སྦྱར་ན་གསུམ་དུ་བས་ཏེ། བཞིར་ནི་མ་མཆིས་སོ། །སེམས་ཅན་ལ་དམིགས་པ་ནི་ཕུང་པོ་ལྔ་ལ་དམིགས་ནས་བདེ་
D119.052.0235b04.01བར་འདོད་པ་སྟེ། དེ་ནི་སེམས་ཅན་ལ་དམིགས་པ་ཞེས་བགྱིའོ། །ཆོས་ལ་དམིགས་པ་ནི་སེམས་ཅན་ལ་དམིགས་ནས་ཅི་དགོས་པ་སྦྱིན་པ་སྟེ། དེ་ནི་ཆོས་ལ་དམིགས་པ་ཞེས་བགྱིའོ། །མི་དམིགས་པ་ནི་དེ་བཞིན་གཤེགས་པ་ལ་དམིགས་པ་སྟེ། མི་དམིགས་པ་ཞེས་བགྱིའོ། །
D119.052.0235b05.01བྱམས་པ་ཞེས་བགྱི་བ་ནི་དབུལ་ཕོངས་པའི་སེམས་ཅན་ལ་དམིགས་པའོ། །དེ་བཞིན་གཤེགས་པ་སྟོན་པ་ཆེན་པོ་ནི་དབུལ་ཕོངས་པ་དང་ཡོངས་སུ་བྲལ་ཏེ། རབ་ཏུ་བདེ་བ་ལགས་སོ། །ཅི་སྟེ་སེམས་ཅན་ལ་དམིགས་ན་སངས་རྒྱས་ལ་དམིགས་པ་མ་ལགས་ཏེ། ཆོས་ཀྱང་དེ་དང་འདྲའོ། །
D119.052.0235b06.01དེ་བས་ན་དེ་བཞིན་གཤེགས་པ་ལ་དམིགས་པ་ནི་མི་དམིགས་པ་ཞེས་བགྱིའོ། །བཅོམ་ལྡན་འདས་བྱམས་པས་དམིགས་པ་ནི་སེམས་ཅན་ཐམས་ཅད་དེ་དཔེར་ན་ཕ་མའམ། ཆུང་མའམ། བུའམ་གཉེན་བཤེས་ལ་དམིགས་པ་དང་འདྲ་སྟེ། དེ་བས་ན་སེམས་ཅན་ལ་དམིགས་པ་ཞེས་
D119.052.0235b07.01