完整藏文原文 · 德格版页 当前仅加载第 52 函德格 306a 版页；藏文 NFD、目录标记与异常页序保留在来源切片中，重复版页行以稳定序号区分。
ཁ་ན་མ་ཐོ་བའི་ལས་སྲབ་པར་འགྱུར་རོ། །འཛེམ་པ་དང་ཁྲེལ་བས་བཤགས་ན་ཁ་ན་མ་ཐོ་བའི་ལས་ཡོངས་སུ་འབྱང་བར་འགྱུར་རོ། །རྒྱལ་པོ་ཆེན་པོ་ཆུའི་ཐིགས་པ་ཉུང་བ་ལྟར་བྱེད་ཀྱང་སྣོད་ཆེན་པོ་གང་བར་འགྱུར་ཏེ། དེ་བཞིན་དུ་དགེ་བའི་སེམས་
D119.052.0306a01.01ཀྱང་ཁ་ན་མ་ཐོ་བའི་ལས་ཆེན་པོ་བཅོམ་པར་འགྱུར་རོ། །གལ་ཏེ་ཁ་ན་མ་ཐོ་བའི་ལས་བཅབས་ན་ཁ་ན་མ་ཐོ་བའི་ལས་ཕྱིར་ཞིང་སྐྱེའོ། །གལ་ཏེ་འཛེམ་པ་དང་ཁྲེལ་བས་འགྱོད་ཅིང་འཐོལ་ན་ཁ་ན་མ་ཐོ་བའི་ལས་ཡོངས་སུ་འབྱང་བར་འགྱུར་རོ། །དེ་བས་ན་སངས་རྒྱས་བཅོམ་
D119.052.0306a02.01ལྡན་འདས་ཀྱིས་གསུངས་པ་ལས་མཁས་པ་ཤེས་རབ་ཅན་དག་ནི་ཁ་ན་མ་ཐོ་བའི་ལས་མི་འཆབ་བོ་ཞེས་གསུངས་སོ། །རྒྱལ་པོ་ཆེན་པོ་རྒྱུ་ལ་ཡིད་ཆེས་པ་དང་། འབྲས་བུ་ལ་ཡིད་ཆེས་པས་ལས་ཀྱི་རྣམ་པར་སྨིན་པ་ལ་ཡིད་ཆེས་པ་ཤིན་ཏུ་ལེགས་སོ། །རྒྱལ་པོ་ཆེན་པོ་
D119.052.0306a03.01མྱ་ངན་མ་བྱེད་ཅིག །གལ་ཏེ་སེམས་ཅན་གང་ཞིག་ཁ་ན་མ་ཐོ་བའི་ལས་བྱས་ན་བཅབས་ཏེ་མི་མཐོལ་བ་དང་། འཛེམ་པ་དང་ཁྲེལ་བའི་སེམས་མེད་པ་དང་། རྒྱུ་དང་འབྲས་བུ་དང་ལས་ཀྱི་རྣམ་པར་སྨིན་པ་མི་མཐོང་བ་དང་། མཁས་པ་ཤེས་རབ་ཅན་ལ་གསོལ་བ་མི་
D119.052.0306a04.01འདེབས་ཤིང་དགེ་བའི་བཤེས་གཉེན་ལ་མི་སྟེན་པ་དེ་ནི་སྨན་པ་མཁས་པ་ཐམས་ཅད་གང་གིས་ཀྱང་གསོ་མི་ནུས་ཏེ། དཔེར་ན་ནད་ཀམ་པ་ལ་ཞེས་བྱ་བས་བཏབ་ན། འཇིག་རྟེན་གྱི་སྨན་པ་གང་གིས་ཀྱང་གསོ་བར་མི་བྱེད་དོ། །ཁ་ན་མ་ཐོ་བའི་ལས་འཆབ་པ་ཡང་དེ་དང་
D119.052.0306a05.01འདྲ་སྟེ། ཁ་ན་མ་ཐོ་བའི་ལས་འཆབ་པ་གང་ཞེ་ན། ལོག་སྲེད་ཅན་ཡིན་ནོ། །ལོག་སྲེད་ཅན་ཞེས་བྱ་བ་ནི་རྒྱུ་དང་འབྲས་བུ་ལ་ཡིད་མི་ཆེས་པ། འཛེམ་པ་དང་ཁྲེལ་བ་མེད་པ། ལས་ཀྱི་རྣམ་པར་སྨིན་པ་ལ་ཡིད་མི་ཆེས་པ་ད་ལྟར་དང་། མ་འོངས་པའི་ལས་མི་མཐོང་བ། དགེ་
D119.052.0306a06.01བའི་བཤེས་གཉེན་ལ་མི་སྟེན་པ། སངས་རྒྱས་བཅོམ་ལྡན་འདས་ཀྱི་བསྟན་པ་ལ་མི་འཇུག་པའི་གང་ཟག་དེ་ནི་ལོག་སྲེད་ཅན་ཞེས་བྱ་སྟེ། སངས་རྒྱས་བཅོམ་ལྡན་འདས་ཀྱིས་ཀྱང་གསོ་མི་ནུས་སོ། །དེ་ཅིའི་ཕྱིར་ཞེ་ན། དཔེར་ན་འཇིག་རྟེན་ན་མི་རོ་ལ་ནི་སྨན་པ་གང་གིས་ཀྱང་
D119.052.0306a07.01