完整藏文原文 · 德格版页 当前仅加载第 52 函德格 271b 版页；藏文 NFD、目录标记与异常页序保留在来源切片中，重复版页行以稳定序号区分。
བཅས་པ་ཡིན་ཏེ། དེ་བཞིན་གཤེགས་པ་ནི་ཉེས་པའི་སྐྱོན་ཐམས་ཅད་ཡོངས་སུ་བྲལ་བ་ཡིན་ན་{བརྫུན་,རྫུན་}དུ་སྨྲ་བ་ག་ལ་ཞིག་ཡོད། རིགས་ཀྱི་བུ་དེ་བཞིན་གཤེགས་པ་ལ་{བརྫུན་,རྫུན་}དུ་གསུང་བ་མེད་མོད་ཀྱི། ཇི་སྟེ་སེམས་ཅན་དག་ལ་{བརྫུན་,རྫུན་}དུ་སྨྲ་བའི་རྐྱེན་གྱི། ཆོས་ཀྱིས་ཕན་
D119.052.0271b01.01པའི་དོན་དུ་འགྱུར་ན། ཅི་རིགས་པའི་ཐབས་ཀྱིས་དེ་ལ་སྟོན་ཅིང་གསུང་ངོ་། །རིགས་ཀྱི་བུ་ཀུན་རྫོབ་ཀྱི་བདེན་པ་ཐམས་ཅད་ནི། དེ་བཞིན་གཤེགས་པའི་དོན་དམ་པའི་བདེན་པའོ། །དེ་ཅིའི་ཕྱིར་ཞེ་ན། སངས་རྒྱས་བཅོམ་ལྡན་འདས་ནི་དོན་དམ་པའི་བདེན་པ་ལས་ཀུན་
D119.052.0271b02.01རྫོབ་ཀྱི་བདེན་པ་གསུངས་ཏེ། གཞན་དུ་ན་སོ་སོའི་སྐྱེ་བོ་དག་དོན་དམ་པའི་བདེན་པ་ཐོབ་པར་བྱ་བའི་ཕྱིར་རོ། །ཇི་སྟེ་སོ་སོའི་སྐྱེ་བོ་དག་དོན་དམ་པའི་བདེན་པ་མི་ཐོབ་ན་སངས་རྒྱས་བཅོམ་ལྡན་འདས་ཀྱིས་ཀུན་རྫོབ་ཀྱི་བདེན་པ་ནམ་དུ་ཡང་མི་གསུང་ངོ་། །རིགས་ཀྱི་བུ་དེ་བཞིན་
D119.052.0271b03.01གཤེགས་པ་ནི་བར་འགའི་དུས་སུ་ཀུན་རྫོབ་ཀྱི་བདེན་པ་གསུང་བ་ན། སེམས་ཅན་གྱིས་ནི་དེ་བཞིན་གཤེགས་པས་དོན་དམ་པའི་བདེན་པ་གསུང་ངོ་སྙམ་སེམས་སོ། །སྐབས་ཁ་ཅིག་ཏུ་ནི་དོན་དམ་པའི་བདེན་པ་གསུངས་པ་ན་སེམས་ཅན་གྱིས་དེ་བཞིན་གཤེགས་པ་ནི་ཀུན་
D119.052.0271b04.01རྫོབ་ཀྱི་བདེན་པ་གསུང་ངོ་སྙམ་སེམས་ཏེ། དེ་ནི་སངས་རྒྱས་བཅོམ་ལྡན་འདས་རྣམས་ཀྱི་སྤྱོད་ཡུལ་ཟབ་མོ་ཡིན་གྱི་ཉན་ཐོས་དང་རང་སངས་རྒྱས་རྣམས་ཀྱིས་ཤེས་པ་ནི་མ་ཡིན་ནོ། །རིགས་ཀྱི་བུ་དེ་བས་ན་ཁྱོད་ཀྱིས་བྱང་ཆུབ་སེམས་དཔའ་སེམས་དཔའ་ཆེན་པོ་ལ་ཅི་ཡང་
D119.052.0271b05.01འཐོབ་པ་མེད་དོ་ཞེས་བརྒལ་བའི་མི་རིགས་སོ། །བྱང་ཆུབ་སེམས་དཔའ་ནི་རྟག་ཏུ་དོན་དམ་པའི་བདེན་པ་དང་ལྡན་པ་ཡིན་ན། ཅིའི་ཕྱིར་ཅི་ཡང་འཐོབ་པ་མེད་དོ་ཞེས་བརྒལ། འོད་སྲུང་གིས་ཡང་གསོལ་པ། བཅོམ་ལྡན་འདས་དོན་དམ་པའི་བདེན་པ་ནི་ལམ་ཞེས་ཀྱང་བགྱི།
D119.052.0271b06.01བྱང་ཆུབ་ཅེས་ཀྱང་བགྱི། མྱ་ངན་ལས་འདས་པ་ཞེས་ཀྱང་བགྱི་ན། ཇི་སྟེ་བྱང་ཆུབ་སེམས་དཔའ་ལམ་དང་བྱང་ཆུབ་དང་མྱ་ངན་ལས་འདས་པ་ཐོབ་ན་དེ་ནི་མི་རྟག་པ་ལགས་སོ། །དེ་ཅིའི་སླད་དུ་ཞེ་ན། ཇི་སྟེ་རྟག་པ་ལགས་ན་འཐོབ་པར་ཡང་མི་རུང་ངོ་། །དཔེར་ན་ནམ་མཁའ་ནི་སུས་
D119.052.0271b07.01