完整藏文原文 · 德格版页 当前仅加载第 52 函德格 157a 版页；藏文 NFD、目录标记与异常页序保留在来源切片中，重复版页行以稳定序号区分。
མི་ཕྱེད་ཅིང་མི་རྟོགས་པར་འགྱུར་རོ། །སེམས་ཅན་ཐམས་ཅད་གླེན་ཞིང་གཏི་མུག་པའི་དབང་གིས་དཀོན་མཆོག་གསུམ་རྟག་པར་མི་ཤེས་ན་དེའི་ཕྱིར་ཁ་དང་མཆུ་རྟག་པར་སྐམས་པར་འགྱུར་རོ། །རིགས་ཀྱི་བུ་གཞན་ཡང་འདི་ལྟ་སྟེ། སེམས་ཅན་གང་ཞིག་དེ་
D119.052.0157a01.01བཞིན་གཤེགས་པ་ལ་རྟག་པ་ཉིད་དུ་མི་ཤེས་ན་གང་ཟག་དེ་ནི་དམུས་ལོང་དུ་རིག་པར་བྱའོ། །སེམས་ཅན་གང་ཞིག་དེ་བཞིན་གཤེགས་པ་རྟག་པ་ཉིད་དུ་ཤེས་ན་གང་ཟག་དེ་ནི་ཤའི་མིག་ཅན་ཡིན་མོད་ཀྱི། ལྷའི་མིག་དང་ལྡན་པར་ངས་བཤད་དོ། །རིགས་ཀྱི་བུ་གཞན་ཡང་འདི་ལྟ་སྟེ་གང་ཞིག་
D119.052.0157a02.01དེ་བཞིན་གཤེགས་པ་ལ་རྟག་པ་ཉིད་དུ་ཤེས་ན་གང་ཟག་དེ་ནི་ཡུན་རིང་པོ་ནས་མདོ་སྡེ་འདི་ལ་ནན་ཏན་བྱས་པ་ཡིན་ཏེ། ལྷའི་མིག་དང་ལྡན་པར་རིག་པར་བྱའོ། །གང་ཞིག་ལྷའི་མིག་དང་ལྡན་དུ་ཟིན་ཀྱང་གལ་ཏེ་དེ་བཞིན་གཤེགས་པ་ལ་རྟག་པ་ཉིད་དུ་མི་ཤེས་ན་དེ་ནི་ཤའི་མིག་ཅན་ཞེས་བྱ་
D119.052.0157a03.01སྟེ། གང་ཟག་དེ་ནི་བདག་གི་ལུས་ཀྱི་ཡན་ལག་དང་། ཉིང་ལག་ཀྱང་མི་ཤེས་ལ། གཞན་དག་ཀྱང་ཤེས་པར་བྱེད་མི་ནུས་ཏེ། དེ་བས་ན་ཤའི་མིག་ཅན་ཞེས་བྱའོ། །རིགས་ཀྱི་བུ་གཞན་ཡང་འདི་ལྟ་སྟེ་དེ་བཞིན་གཤེགས་པ་ནི་རྟག་ཏུ་སེམས་ཅན་ཐམས་ཅད་ཀྱི་ཕ་མ་མཛད་དོ། །
D119.052.0157a04.01དེ་ཅིའི་ཕྱིར་ཞེ་ན། སེམས་ཅན་རྣམ་པ་སྣ་ཚོགས་རྐང་གཉིས་དང་། རྐང་བཞི་དང་། རྐང་{མངས་,མང་}དང་། རྐང་མེད་ཐམས་ཅད་ལ་དེ་བཞིན་གཤེགས་པས་གསུང་གཅིག་གིས་ཆོས་བསྟན་ན་རྣམ་པ་ཐ་དད་པ་དེ་དང་དེ་དག་ཐམས་ཅད་ཀྱིས་སོ་སོར་གོ་སྟེ། དེ་དག་སོ་སོ་ནས་དེ་བཞིན་
D119.052.0157a05.01གཤེགས་པ་ནི་དེང་བདག་འབའ་ཞིག་ལ་ཆོས་བསྟན་ཏོ་སྙམ་སེམས་ཏེ། དེ་བས་ན་ཕ་མ་ལྟ་བུ་ཞེས་བྱའོ། །རིགས་ཀྱི་བུ་གཞན་ཡང་འདི་ལྟ་སྟེ་བུས་པ་བཙས་ནས་ནམ་ཟླ་བ་བཅུ་དྲུག་ལོན་པ་དག་སྨྲར་རྩོལ་མོད་ཀྱི། གོ་བའམ་བརྡ་ཕྲད་པ་ཉིད་དུ་མི་ལྕོགས་ཏེ། དེའི་ཕ་མས་སྐད་
D119.052.0157a06.01བསླབ་པའི་ཕྱིར་བུས་པ་ཅི་ཟེར་བ་བཞིན་དུ་སྨྲས་ཏེ། བགས་ཀྱིས་སྟོན་ན། ཅི་ཁྱེའུ་དེའི་ཕ་མ་དེ་ཡང་སྐད་མི་ལྕོགས་ཏེ་ཟུར་མ་ཕྱིན་པ་ཡིན་ནམ། གསོལ་པ་མ་ལགས་སོ། །བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་དེ་བཞིན་གཤེགས་པ་ཡང་དེ་དང་འདྲ་སྟེ། སེམས་
D119.052.0157a07.01