完整藏文原文 · 德格版页 当前仅加载第 52 函德格 185b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོད་པའི་རྐྱེན་གྱིས་མདའ་འོང་བ་དང་འདྲ་བར་བདག་གི་ལུས་ཀྱང་དེ་དང་འདྲ་སྟེ། ལུས་ཡོད་པས་ན་རྡེག་པ་ཡོད་དེ། གལ་ཏེ་བདག་གིས་ལུས་བཟོད་པ་མ་བྱས་ན་སེམས་འཁྲུག་པར་འགྱུར་རོ། །གལ་ཏེ་སེམས་འཁྲུགས་ན་ཡང་དག་པའི་དྲན་པ་ཉམས་པར་འགྱུར། གལ་
D119.052.0185b01.01ཏེ་ཡང་དག་པའི་དྲན་པ་ཉམས་ན། དགེ་བ་དང་མི་དགེ་བའི་དོན་མི་རྟོགས་སོ། །དགེ་བ་དང་མི་དགེ་བའི་དོན་མ་རྟོགས་ན་ཁ་ན་མ་ཐོ་བའི་ཆོས་སྤྱོད་པར་འགྱུར་རོ། །ཁ་ན་མ་ཐོ་བའི་ཆོས་བྱས་ན་སེམས་ཅན་དམྱལ་བ་དང་། བྱོལ་སོང་གི་སྐྱེ་གནས་དང་། {ཡི་དགས་,ཡི་དྭགས་}ཀྱི་ཁམས་སུ་ལྟུང་བར་
D119.052.0185b02.01འགྱུར་རོ། །བྱང་ཆུབ་སེམས་དཔའ་དེའི་ཚེ་དེ་ལྟར་རྟོགས་པས་དྲན་པ་ཉེ་བར་གཞག་པ་བཞི་ཐོབ་པར་འགྱུར་རོ། །དྲན་པ་ཉེ་བར་གཞག་པ་བཞི་ཐོབ་པས་ཤིན་ཏུ་བཟོད་པའི་ས་ལ་གནས་པར་འགྱུར་རོ། །བྱང་ཆུབ་སེམས་དཔའ་སེམས་དཔའ་ཆེན་པོ་དེ་ལྟར་ས་དེ་ལ་གནས་ན། འདོད་
D119.052.0185b03.01ཆགས་དང་། ཞེ་སྡང་དང་། གཏི་མུག་ལ་བཟོད་དོ། །གཞན་ཡང་གྲང་བ་དང་། ཚ་བ་དང་། བྲུ་བ་དང་། སྐོམ་པ་དང་། སྦྲང་མ་དང་། མཆུ་སྨྱུང་དང་། རླུང་དང་། རེག་བྱ་ཡིད་དུ་མི་འོང་བ་དང་། ནད་རྣམ་པ་སྣ་ཚོགས་དང་། ཚིག་ངན་པས་གཤེ་བ་དང་། སྤྱོ་བ་དང་། རྡེག་པ་
D119.052.0185b04.01དང་། འཚོག་པ་དང་། གཞུ་བ་དང་། མདོར་ན་ལུས་དང་སེམས་སྡུག་བསྔལ་བར་འགྱུར་བ་ཐམས་ཅད་ལ་བཟོད་དེ། དེ་བས་ན་ཤིན་ཏུ་བཟོད་པའི་ས་ལ་གནས་པ་ཞེས་བྱའོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་འོད་སྲུང་གིས་བཅོམ་ལྡན་འདས་ལ་འདི་སྐད་ཅེས་
D119.052.0185b05.01གསོལ་ཏོ། །བཅོམ་ལྡན་འདས་བྱང་ཆུབ་སེམས་དཔའ་མི་གཡོ་བའི་ས་ལ་གནས་པར་མ་གྱུར་གྱི་བར་དུ་ཚུལ་ཁྲིམས་ཡོངས་སུ་དག་པར་བསྲུང་བ་ན་རྒྱུ་དང་རྐྱེན་གང་གིས་ཚུལ་ཁྲིམས་ཉམས་པར་འགྱུར་བ་མཆིས་སམ། བཅོམ་ལྡན་འདས་ཀྱིས་བཀའ་སྩལ་པ། རིགས་ཀྱི་བུ་ཡོད་དོ། །
D119.052.0185b06.01བྱང་ཆུབ་སེམས་དཔའ་མི་གཡོ་བའི་ས་ལ་གནས་པར་མ་གྱུར་གྱི་བར་དུ་རྒྱུ་དང་རྐྱེན་གྱིས་ཚུལ་ཁྲིམས་ཉམས་པར་གྱུར་པ་ཡོད་དོ། །འོད་སྲུང་ངོ་མཚར་དུ་གྱུར་ནས་དེ་གང་ལགས་ཞེས་གསོལ་པ་དང་། བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། བྱང་ཆུབ་སེམས་དཔའ་
D119.052.0185b07.01