完整藏文原文 · 德格版页 当前仅加载第 52 函德格 153a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཐམས་ཅད་ཀྱི་གནས་ཡིན་པའི་ཕྱིར་རོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་སྦྲང་བུའི་གཅིན་གྱིས་ནི་ས་ཆེན་པོ་འདི་རླན་པར་མི་ནུས་སོ། །བུད་མེད་ཅེས་བྱ་བའི་འདོད་ཆགས་ཆོག་མི་ཤེས་པ་ཡང་དེ་དང་འདྲ་སྟེ། འདི་ལྟ་སྟེ། དཔེར་ན་ས་ཆེན་པོ་
D119.052.0153a01.01འདི་ཐམས་ཅད་ཡུངས་ཀར་གྱི་འབྲུམ་བུ་ཙམ་དྲིལ་བའི་སྐྱེས་པ་དེ་སྙེད་བུད་མེད་གཅིག་ལ་མི་ཚངས་པ་སྤྱད་ཀྱང་ཆོག་པའི་སེམས་མེད་དོ། །གལ་ཏེ་ཀླུང་གང་གཱའི་བྱེ་མ་སྙེད་ཀྱི་སྐྱེས་པ་བུད་མེད་གཅིག་ལ་བྱིན་ཏེ་མི་ཚངས་པར་སྤྱོད་དུ་བཅུག་ཀྱང་ཆོག་པའམ་སྐྱོ་བ་མེད་དོ། །
D119.052.0153a02.01རིགས་ཀྱི་བུ་འདི་ལྟ་སྟེ་དཔེར་ན་རྒྱ་མཚོ་ཆེན་པོར་ནི་ཆར་པ་དང་འབབ་ཆུ་ཐམས་ཅད་འབབ་ཀྱང་རྒྱ་མཚོ་དེ་ལ་གང་བའམ་ཆོག་པ་མེད་དོ། །བུད་མེད་ཀྱང་ཆོས་ཉིད་ཀྱིས་དེ་དང་འདྲ་བས་ཅི་སྟེ་དངོས་པོ་ཐམས་ཅད་སྐྱེས་པར་གྱུར་ཏེ་བུད་མེད་གཅིག་ལ་མི་ཚངས་པར་སྤྱོད་ཀྱང་ཆོག་པར་
D119.052.0153a03.01རམ་སྐྱོ་བར་མི་འགྱུར་རོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་ཤིང་ཨ་ཤོ་ཀ་དང་། པ་ཏ་ལ་དང་། ཀ་ནི་ཀ་ལྟ་བུ་དབྱར་མེ་ཏོག་རྒྱས་པ་ན་བུང་བ་དག་དྲི་དང་བསུང་ལེན་པ་ཆོག་མི་ཤེས་སོ། །བུད་མེད་སྐྱེས་པ་ལ་ཆགས་པ་ཡང་དེ་དང་འདྲ་སྟེ། སྐྱོ་མི་ཤེས་སོ། །རིགས་
D119.052.0153a04.01ཀྱི་བུ་དེ་བས་ན་རིགས་ཀྱི་བུ་དང་རིགས་ཀྱི་བུ་མོ་དག་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་མདོ་སྡེ་འདི་ཉན་ན་རྟག་ཏུ་བུད་མེད་ལ་ཡོངས་སུ་སྨོད་དེ་སྐྱེས་པའི་ལུས་ཚོལ་ལོ། །དེ་ཅིའི་ཕྱིར་ཞེ་ན། ཐེག་པ་ཆེན་པོའི་མདོ་སྡེ་འདི་སྐྱེས་བུའི་མཚན་དང་ལྡན་ནོ། །འདི་ལྟ་སྟེ་དེ་ནི་
D119.052.0153a05.01སངས་རྒྱས་ཀྱི་རང་བཞིན་ནོ། །དེ་ལ་གང་སངས་རྒྱས་ཀྱི་རང་བཞིན་མི་ཤེས་པ་དེ་ནི་སྐྱེས་བུའི་མཚན་མེད་པ་ཡིན་ནོ། །དེ་ཅིའི་ཕྱིར་ཞེ་ན། བདག་ལ་སངས་རྒྱས་ཀྱི་རང་བཞིན་ཡོད་པར་མི་ཤེས་པའི་ཕྱིར་རོ། །གང་སངས་རྒྱས་ཀྱི་རང་བཞིན་མི་ཤེས་པ་དེ་ནི་བུད་མེད་ཅེས་ངས་
D119.052.0153a06.01བཤད་དོ། །གང་སངས་རྒྱས་ཀྱི་རང་བཞིན་ཤེས་པ་དེ་ནི་སྐྱེས་བུའི་མཚན་དང་ལྡན་པ་ཞེས་ངས་བཤད་དོ། །དེ་ལ་བུད་མེད་གང་ཞིག་གལ་ཏེ་བདག་ལ་སངས་རྒྱས་ཀྱི་རང་བཞིན་ཡོད་པར་ཤེས་ན་དེ་ནི་སྐྱེས་པ་ཞེས་བྱའོ། །རིགས་ཀྱི་བུ་ཐེག་པ་ཆེན་པོ་ཡོངས་སུ་མྱ་ངན་ལས་འདས་
D119.052.0153a07.01