完整藏文原文 · 德格版页 当前仅加载第 52 函德格 200b 版页；藏文 NFD、目录标记与异常页序保留在来源切片中，重复版页行以稳定序号区分。
མི་འགྱུར་རམ། གལ་ཏེ་{བརྫུན་,རྫུན་}དུ་འགྱུར་ན་ལྟ། སངས་རྒྱས་བཅོམ་ལྡན་འདས་བསྐལ་པ་ཚད་མེད་གྲངས་མེད་པ་བརྒྱ་སྟོང་གི་བར་དུ་བྱང་ཆུབ་བསྒྲུབས་པ་ན་{བརྫུན་,རྫུན་}དུ་སྨྲ་བ་ཡོངས་སུ་སྤངས་ཏེ་དེ་ཡང་འདི་སྐད་དུ་གསུངས་ན་དེའི་དོན་ཇི་ལྟ་བུ་ལགས། བཅོམ་ལྡན་
D119.052.0200b01.01འདས་ཀྱིས་བཀའ་སྩལ་པ། རིགས་ཀྱི་བུ་གོང་དུ་ཚིགས་སུ་བཅད་པ་ལས་བདེ་བ་མྱོང་བར་བཤད་པ་ནི་བྱང་ཆུབ་ཀྱི་ལམ་གྱི་རྩ་བ་སྟེ། བླ་ན་མེད་པ་ཡང་དག་པར་རྫོགས་པའི་བྱང་ཆུབ་ཀྱང་སྐྱེ་བར་འགྱུར་བས་ན་དེའི་ཕྱིར་སྔར་མདོ་སྡེ་དག་ལས་བདེ་བའི་མཚན་ཉིད་
D119.052.0200b02.01དེ་སྐད་ཅེས་གསུངས་པ་ཡིན་ནོ། །རིགས་ཀྱི་བུ་དཔེར་ན་འཇིག་རྟེན་གྱི་དགོས་པའི་ལོངས་སྤྱོད་ནི་བདེ་བའི་རྒྱུར་འགྱུར་ཏེ། བདེ་བ་ཞེས་བྱའོ། །འདི་ལྟ་སྟེ་ན་ཆུང་བཟང་མོ་དང་། ཆང་ཞིམ་པོ་དང་། ཁ་ཟས་རོ་མཆོག་དང་། སྐོམ་པས་གདུངས་པ་ན་ཆུ་དང་
D119.052.0200b03.01ཕྲད་པ་དང་། གྲང་བའི་ཚེ་མེ་དང་ཕྲད་པ་དང་། གོས་དང་། ལུས་ཀྱི་རྒྱན་དང་། བལ་གླང་དང་། རྟ་དང་ཤིང་རྟ་དང་། བྲན་ཕོ་དང་བྲན་མོ་དང་། ལས་བྱེད་པའི་མི་དང་། གསེར་དང་། དངུལ་དང་། བཻ་དཱུརྱ་དང་། བྱི་རུ་དང་། མུ་ཏིག་དང་། བང་མཛོད་དང་།
D119.052.0200b04.01ནས་འབྲས་ལ་སོགས་པ་ནི་འཇིག་རྟེན་གྱི་དགོས་པ་སྟེ། བདེ་བའི་རྒྱུར་འགྱུར་བས་ན་བདེ་བ་ཞེས་བྱའོ། །རིགས་ཀྱི་བུ་དངོས་པོ་དེ་དག་ལ་སོགས་པས་སྡུག་བསྔལ་ཡང་སྐྱེ་བར་བྱེད་དོ། །འདི་ལྟ་སྟེ་བུད་མེད་ཀྱི་ཕྱིར་སྐྱེས་པ་དག་སྡུག་བསྔལ་བ་དང་། མི་དགའ་
D119.052.0200b05.01བ་དང་། མྱ་ངན་བྱེད་པ་དང་། ཆོ་ངེ་རྡུང་བ་དང་། སྲོག་གི་བར་དུ་ཡང་བར་ཆད་དུ་འགྱུར་བ་ཡོད་དོ། །ཆང་དང་ཟས་ཞིམ་པོ་ནས་བང་མཛོད་ཀྱི་བར་དུ་ཡང་སྡུག་བསྔལ་ཆེན་པོ་སྐྱེ་བར་འགྱུར་ཏེ། དེ་བས་ན་ཐམས་ཅད་སྡུག་བསྔལ་ཡིན་གྱི་བདེ་བའི་མཚན་ཉིད་མེད་
D119.052.0200b06.01དོ། །རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་ནི་སྡུག་བསྔལ་བརྒྱད་ལ་སྡུག་བསྔལ་བར་ཤེས་ཏེ་བདེ་བ་མེད་དོ། །རིགས་ཀྱི་བུ་ཉན་ཐོས་དང་། རང་སངས་རྒྱས་ལ་སོགས་པ་ནི་བདེ་བའི་རྒྱུ་མི་ཤེས་པས་ན་དེ་དག་གི་ཕྱིར་སྡུག་བསྔལ་ཐ་མ་ལ་བདེ་
D119.052.0200b07.01