完整藏文原文 · 德格版页 当前仅加载第 52 函德格 275a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དག་ཏུ་ཚུལ་ཁྲིམས་ཡོངས་སུ་དག་པར་སྲུང་ངོ་། །རིགས་ཀྱི་བུ་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཚུལ་ཁྲིམས་ཡོངས་སུ་དག་པས་ན་གང་ནས་གང་དུ་སྐྱེས་ཀྱང་རྟག་ཏུ་ང་རྒྱལ་དང་ངན་པར་ལྟ་བ་དང་ཐེ་ཙོམ་གྱིས་གླགས་པ་མེད་དེ།
D119.052.0275a01.01ནམ་དུ་ཡང་དེ་བཞིན་གཤེགས་པ་མཐར་ཡོངས་སུ་མྱ་ངན་ལས་འདས་པར་ཞུགས་སོ་ཞེས་མི་ཟེར་ཏེ། དེ་དག་ནི་བྱང་ཆུབ་སེམས་དཔའ་ཚུལ་ཁྲིམས་ཡོངས་སུ་དག་པར་བསྲུངས་པ་ཞེས་བྱའོ། །དེ་ལྟར་ཚུལ་ཁྲིམས་ཡོངས་སུ་དག་པས་ན་ཏིང་ངེ་འཛིན་ལ་ནན་ཏན་
D119.052.0275a02.01བྱེད་དོ། །ཏིང་ངེ་འཛིན་ལ་ནན་ཏན་བྱེད་པས་ན་གང་ནས་གང་དུ་སྐྱེ་བ་དེ་དང་དེ་དག་ཏུ་ཡང་དག་པའི་དྲན་པ་མི་ཉམས་སོ། །འདི་ལྟ་སྟེ་སེམས་ཅན་ཐམས་ཅད་ལ་སངས་རྒྱས་ཀྱི་རང་བཞིན་ཡོད་པ་དང་། མདོ་སྡེ་བཅུ་གཉིས་དང་། སངས་རྒྱས་བཅོམ་ལྡན་འདས་རྣམས་
D119.052.0275a03.01ཀྱི་རྟག་པ་དང་བདེ་བ་དང་བདག་དང་ཡོངས་སུ་དག་པ་དང་། བྱང་ཆུབ་སེམས་དཔའ་ཐམས་ཅད་ཤིན་ཏུ་རྒྱས་པ་ཡོངས་སུ་མྱ་ངན་ལས་འདས་པ་ཆེན་པོའི་མདོ་ལ་གནས་པས་ཐམས་ཅད་ཀྱིས། སངས་རྒྱས་ཀྱི་རང་བཞིན་མཐོང་བ་ལ་སོགས་ཏེ་དངོས་པོ་དེ་དག་མི་བརྗོད་དོ། །
D119.052.0275a04.01ཏིང་ངེ་འཛིན་ལ་ནན་ཏན་བྱས་པས་སྟོང་པ་བཅུ་གཅིག་ཀྱང་འཐོབ་པར་འགྱུར་ཏེ། དེ་ནི་བྱང་ཆུབ་སེམས་དཔའི་ཏིང་ངེ་འཛིན་ཡོངས་སུ་དག་པ་ལ་ནན་ཏན་བྱེད་པ་ཞེས་བྱའོ། །དེ་ལྟར་ཚུལ་ཁྲིམས་དང་། ཏིང་ངེ་འཛིན་དུ་ལྡན་པར་གྱུར་པས་ཡོངས་སུ་དག་པའི་ཤེས་རབ་ལ་
D119.052.0275a05.01ནན་ཏན་བྱེད་དོ། །ཤེས་རབ་ལ་ནན་ཏན་བྱས་པས་ན་ཐོག་མ་ནས་ལུས་ཀྱི་ནང་ན་བདག་ཡོད་པར་རམ། བདག་གི་ནང་ན་ལུས་ཡོད་པར་མི་འཛིན་ཏེ་ལུས་དང་། བདག་ལུས་མ་ཡིན། བདག་མ་ཡིན་པར་མི་འཛིན་ཏེ། དེ་ནི་བྱང་ཆུབ་སེམས་དཔའ་ཤེས་རབ་ཡོངས་སུ་
D119.052.0275a06.01དག་པར་ནན་ཏན་བྱེད་པའོ། །ཤེས་རབ་ལ་ནན་ཏན་བྱས་པས་ཚུལ་ཁྲིམས་བསྲུངས་པ་རྣམས་ཀྱང་ཤིན་ཏུ་བརྟན་པར་གྱུར་ཏོ། །རིགས་ཀྱི་བུ་འདི་ལྟ་སྟེ། དཔེར་ན་རི་རབ་ལྷུན་པོ་ནི་རླུང་རྣམ་པ་བཞིས་བསྐྱོད་མི་ནུས་སོ། །བྱང་ཆུབ་སེམས་དཔའ་སེམས་དཔའ་ཆེན་པོ་
D119.052.0275a07.01