完整藏文原文 · 德格版页 当前仅加载第 52 函德格 16b 版页；藏文 NFD、目录标记与异常页序保留在来源切片中，重复版页行以稳定序号区分。
རྟེན་སྟོངས་སོ། །དེ་བཞིན་གཤེགས་པ་རིང་པོར་མི་ཐོགས་པར་ཡོངས་སུ་མྱ་ངན་ལས་འདའོ་ཞེས་སྨྲས་སོ། །དེའི་ཚེ་འཁོར་གྱི་དཀྱིལ་འཁོར་མང་པོ་ཐམས་ཅད་ཀྱིས་བྱང་ཆུབ་སེམས་དཔའ་ལུས་དཔག་ཏུ་མེད་པ་འཁོར་དང་བཅས་པ་མཐོང་བ་ནི་འདི་ལྟ་སྟེ། བྱང་ཆུབ་
D119.052.0016b01.01སེམས་དཔའ་དེའི་བ་སྤུའི་ཁུང་བུ་རེ་རེ་ནས་མེ་ཏོག་པད་མོ་ཆེན་པོ་རེ་རེ་བྱུང་ལ་པད་མོ་དེ་རེ་རེའི་སྟེང་ཡང་གྲོང་ཁྱེར་བདུན་ཁྲི་བརྒྱད་སྟོང་སྙེད་ཡོད་དོ། །གྲོང་ཁྱེར་དེ་ཡང་ཆུ་ཞེང་གབ་པར་གྲོང་ཁྱེར་ཡངས་པ་ཅན་དང་མཉམ་སྟེ། ར་བ་དང་འོབས་ཀྱང་རིན་པོ་ཆེ་སྣ་བདུན་གྱིས་
D119.052.0016b02.01སྤྲས་ལ་རིན་པོ་ཆེའི་ཤིང་ཏ་ལ་རིམ་པ་བདུན་དངར་བ། དེ་ན་གནས་པའི་མི་ཐམས་ཅད་ཀྱང་རབ་ཏུ་བདེ་ཞིང་སྐྱིད་པ། གྲོང་ཁྱེར་དེའི་ཅོག་བར་ཡང་འཛམ་བུ་ཆུ་ཀླུང་གི་གསེར་ལས་བྱས་པ། ཅོག་བར་དེ་རེ་རེའི་བར་ནི་རིན་པོ་ཆེ་སྣ་བདུན་གྱི་ཤིང་རྣམ་པ་སྣ་ཚོགས་ཡོད་དེ།
D119.052.0016b03.01མེ་ཏོག་དང་འབྲས་བུ་ཤིན་ཏུ་རྒྱས་པ། རླུང་མི་དྲག་པས་བསྐྱོད་པ་ན་སྒྲ་སྐད་ཤིན་ཏུ་སྙན་པ་ནི་ཇི་ལྟར་ལྷའི་རོལ་མོ་ཟེར་བ་ལྟ་བུ་དེ་ན་གནས་པའི་མི་དག་གིས་ཐོས་ན་ཕུལ་དུ་བྱུང་བའི་རབ་ཏུ་བདེ་བ་མྱོང་བར་འགྱུར་རོ། །འོབས་ཀྱི་ནང་ན་ཡང་ཡོངས་སུ་དག་པའི་ཆུ་བསུང་ཅན་
D119.052.0016b04.01བཻ་དཱུརྱ་དང་འདྲ་བས་ཡོངས་སུ་གང་ངོ་། །ཆུ་དེ་དག་ལ་རིན་པོ་ཆེ་སྣ་བདུན་གྱི་གྲུ་ཡོད་དོ། །གྲུ་དེའི་སྟེང་ན་མི་དག་རྩེ་ཞིང་ཁྲུས་བྱེད་དེ་གཅིག་ལ་གཅིག་དགའ་ཞིང་རབ་ཏུ་བདེ་བ་མྱོང་ངོ་། །གཞན་ཡང་ཁ་དོག་རྣམ་པ་སྣ་ཚོགས་ཀྱི་པད་མོ་སྐྱེ་བ་ནི་ཨུད་པ་ལ་དང་། ཀུ་མུ་ད་དང་། པད་མ་དང་།
D119.052.0016b05.01པུན་ད་རཱི་ཀ་ལ་སོགས་པ་ཤིང་རྟའི་འཁོར་ལོ་ཙམ་སྐྱེའོ། །འོབས་ཀྱི་གཡས་གཡོན་ན་སྐྱེད་མོས་ཚལ་མང་དུ་ཡོད་དེ། སྐྱེད་མོས་ཚལ་དེ་རེ་རེའི་ནང་དུ་ཡང་ཆུ་མིག་དང་བཅས་པའི་རྫིང་བུ་ལྔ་ལྔ་ཡོད་དོ། །རྫིང་བུ་དེ་དག་གི་ནང་ན་ཡང་མེ་ཏོག་ཨུད་པ་ལ་དང་། ཀུ་མུ་ད་དང་། པད་མ་དང་། པུན་ད་རཱི་
D119.052.0016b06.01ཀ་ཆེ་ཁྱད་ཤིང་རྟའི་འཁོར་ལོ་ཙམ་སྐྱེས་ཏེ་དྲི་བསུང་ཤིན་ཏུ་མངར་བ། རབ་ཏུ་ཡིད་དུ་འོང་བ། ཆུ་ཤིན་ཏུ་གསལ་ཞིང་འཇམ་པ། ངང་པ་དང་། ངུར་པ་ལ་སོགས་པ་རྐྱལ་ཞིང་རྩེ་བ། སྐྱེད་མོས་ཚལ་དེ་ན་གཞན་ཡང་རིན་པོ་ཆེའི་གཞལ་མེད་ཁང་ཡོད་དེ། གཞལ་མེད་ཁང་དེ་རེ་རེའི་
D119.052.0016b07.01