完整藏文原文 · 德格版页 当前仅加载第 52 函德格 61a 版页；藏文 NFD、目录标记与异常页序保留在来源切片中，重复版页行以稳定序号区分。
འབྲུ་ཨི་ལྟ་བུ་ཐིག་ལེ་གསུམ་གྱིས་སྨྲ་བ་དང་། རྣམ་པར་གྲོལ་བ་མྱ་ངན་ལས་འདའ་བའི་ཤེས་རབ་ཆེན་པོ་དགོངས་ཏེ་གསུངས་པའི་སྙིང་པོ་མ་ཐོས་པའི་རྣམས་ངས་དེང་འདིར་ཉན་ཐོས་པ་དག་ལ་རྣམ་པར་ཕྱེ་སྟེ་བསྟན་པས་ཤེས་རབ་ཀྱི་མིག་བསྐྱེད་དོ། །གལ་ཏེ་
D119.052.0061a01.01གང་ཟག་ལ་ལ་ཞིག་འདི་སྐད་དུ་དངོས་པོ་རྣམ་པ་བཞི་པོ་འདི་གཅིག་གོ་ཞེས་སྨྲ་ན་{བརྫུན་,རྫུན་}དུ་མ་གྱུར་ཏམ་ཞེས་ཟེར་ན། དེ་ལ་འདི་སྐད་དུ་ནམ་མཁའ་ནི་ཅི་ཡང་མེད་པ་སྟེ། མི་གཡོ་མི་འཁྲུག་པ་ཡིན་ན་དངོས་པོ་བཞི་པོ་ལ་ཐ་དད་པ་ཅི་ཡོད་ན། དེ་ལ་{བརྫུན་,རྫུན་}ཞེས་བྱར་རུང་ངམ་གསོལ་པ་མ་
D119.052.0061a02.01ལགས་སོ། །བཅོམ་ལྡན་འདས་ཚིག་མང་པོ་དེ་དག་ནི་དོན་གཅིག་གོ། །འདི་ལྟ་སྟེ་སྟོང་པ་ཉིད་ཀྱི་དོན་ཏོ། །བདག་དང་གཞན་ཚུལ་བཞིན་དུ་བྱེད་པ་དང་། དྲིས་པའི་ལན་འདེབས་པ་དང་། རྟེན་ཅིང་འབྲེལ་ཏེ་འབྱུང་བའི་དོན་ཡང་དེ་འདྲ་སྟེ། མྱ་ངན་ལས་འདས་པ་ཆེན་པོ་དང་མཉམ་
D119.052.0061a03.01པར་ཐ་མི་དད་དོ། །བཅོམ་ལྡན་འདས་ཀྱིས་འོད་སྲུང་ལ་བཀའ་སྩལ་པ། རིགས་ཀྱི་བུ་འམ་རིགས་ཀྱི་བུ་མོ་གང་ཞིག་འདི་སྐད་དུ་དེ་བཞིན་གཤེགས་པ་ནི་མི་རྟག་གོ། །ཇི་ལྟ་བུར་མི་རྟག་ཅེ་ན། བཅོམ་ལྡན་འདས་ཀྱིས་གསུངས་པ་ལྟར་ཉོན་མོངས་པ། ཐམས་ཅད་འགགས་པས་མྱ་
D119.052.0061a04.01ངན་ལས་འདའ་བ་ཞེས་བྱ་སྟེ། དཔེར་ན་མེ་ཤི་ན་ཅི་ཡང་མེད་པ་བཞིན་དུ། ཉོན་མོངས་པ་ཐམས་ཅད་འགགས་པ་ཡང་དེ་དང་འདྲ་སྟེ། དེ་ལ་མྱ་ངན་ལས་འདས་པ་ཞེས་བྱ་ན། དེ་ལ་ཅིའི་ཕྱིར་དེ་བཞིན་གཤེགས་པ་རྟག་ཏུ་གནས་པའི་ཆོས་ཅན་མི་འགྱུར་མི་འཕོ་བ་ཞེས་
D119.052.0061a05.01སྨྲ་འམ། ཡང་བཅོམ་ལྡན་འདས་ཀྱིས་གསུངས་པ་ལྟར་སྲིད་པ་དང་བྲལ་བས་མྱ་ངན་ལས་འདས་པ་ཞེས་བྱ་སྟེ། མྱ་ངན་ལས་འདས་པ་དེ་ལ་ནི་སྲིད་པ་གང་ཡང་མེད་ན། དེ་ལ་ཇི་ལྟར་ན་དེ་བཞིན་གཤེགས་པ་ནི་རྟག་ཏུ་གནས་པའི་ཆོས་ཅན་མི་འགྱུར་མི་འཕོ་བ་ཞེས་བྱ།
D119.052.0061a06.01དཔེར་ན་གོས་ཟད་དེ་ཞིག་ན་དངོས་པོ་ཅི་ཡང་མེད་པ་བཞིན་དུ་མྱ་ངན་ལས་འདས་པ་ཡང་དེ་དང་འདྲ་སྟེ། ཉོན་མོངས་པ་ཐམས་ཅད་འགགས་པས་དངོས་པོ་ཞེས་བྱ་བ་ཅི་ཡང་མེད་ན། དེ་ལ་ཅིའི་ཕྱིར་དེ་བཞིན་གཤེགས་པ་ནི་རྟག་ཏུ་གནས་པའི་ཆོས་ཅན་མི་འགྱུར་མི་འཕོ་བ་ཞེས་སྨྲ་
D119.052.0061a07.01