完整藏文原文 · 德格版页 当前仅加载第 52 函德格 98b 版页；藏文 NFD、目录标记与异常页序保留在来源切片中，重复版页行以稳定序号区分。
སྨན་དེ་དང་འདྲ་བ་གཞན་གྱིས་བཙོངས་ཀྱང་ཀུན་གྱིས་མི་ཤེས་པས་ཐམས་ཅད་སྨན་ཉོ་བའི་ཕྱིར་སྨན་འཚོང་བའི་གན་དུ་འོངས་ནས་ཁྱོད་ལ་གངས་ལ་སྐྱེ་བའི་སྨན་ཡོད་དམ། ཞེས་འདྲི་ན་སྨན་འཚོང་བ་དེས་དེ་དང་འདྲ་བའི་སྨན་ཞིག་འདི་ནི་གངས་ལས་སྐྱེ་བའི་སྨན་ནོ། །ཞེས་
D119.052.0098b01.01{བརྫུན་,རྫུན་}བྱས་ཏེ་བཙོངས་ཀྱང་། ཤའི་མིག་གིས་མི་རྟོགས་པས་བདག་ནི་གངས་ལས་སྐྱེས་པའི་སྨན་བཟང་པོ་ཉོས་ཏེ་རྙེད་དོ་སྙམ་སེམས་སོ།། །།བམ་པོ་དགུ་པ། འོད་སྲུང་ཉན་ཐོས་ཀྱི་དགེ་འདུན་གྱི་ནང་ན་མིང་ཙམ་གྱི་དགེ་འདུན་དང་། ཡང་དག་པའི་
D119.052.0098b02.01དགེ་འདུན་དང་། འདུམ་པའི་དགེ་འདུན་ཞེས་བྱ་བའི་དགེ་འདུན་ཡོད་ཀྱིས་ཚུལ་ཁྲིམས་སྲུང་ངམ། ཚུལ་ཁྲིམས་ཉམས་ཀྱང་རུང་། དགེ་འདུན་དེ་ལ་ནི་མཆོད་པ་དང་། བཀུར་སྟི་དང་། ཕྱག་བྱ་བ་ལ་སོགས་པ་འདྲ་བར་བྱའོ། །དགེ་བསྙེན་གྱིས་མི་རྟོགས་པ་ནི་
D119.052.0098b03.01གང་ཟག་གིས་གངས་ལ་སྐྱེ་བའི་སྨན་བཟང་པོ་མི་རྟོགས་པ་བཞིན་ནོ། །ཚུལ་ཁྲིམས་སྲུང་བ་ནི་གང་། ཚུལ་ཁྲིམས་ཉམས་པ་ནི་གང་། གང་ནི་ཡང་དག་པའི་དགེ་འདུན། མིང་ཙམ་གྱི་དགེ་འདུན་ནི་གང་ཡིན་པ། ལྷའི་མིག་ཅན་གྱིས་ནི་ཤེས་ཤིང་རྟོགས་སོ། །
D119.052.0098b04.01འོད་སྲུང་གལ་ཏེ་དགེ་བསྙེན་གྱིས་དགེ་སློང་ཚུལ་ཁྲིམས་ཉམས་པར་ཤེས་ཡང་དག་ན་དེ་ལ་ནི་བསྙེན་བཀུར་དང་། ཕྱག་དང་། མཆོད་པ་ལ་སོགས་པ་མི་བྱའོ། །གལ་ཏེ་གང་ཟག་དེས་མ་བརྟགས་པའི་ཆོས་བརྒྱད་པོ་སྤྱོད་པར་ཤེས་ཡང་དག་ན། དེ་ལ་ནི་
D119.052.0098b05.01བསྙེན་བཀུར་དང་། མཆོད་པའི་ཡོ་བྱད་སྦྱར་བ་དང་། ཕྱག་དང་མཆོད་པ་ལ་སོགས་པ་མི་བྱའོ། །གལ་ཏེ་དགེ་འདུན་གྱི་ནང་ན་ཚུལ་ཁྲིམས་ཉམས་པ་ཡོད་ན། གོས་ངུར་སྨྲིག་གྱོན་པ་ཙམ་གྱིས། དེ་ལ་ཕྱག་དང་། མཆོད་པ་ལ་སོགས་པ་མི་བྱའོ། །དེ་ནས་
D119.052.0098b06.01ཡང་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །ལེགས་སོ་ལེགས་སོ། །བཅོམ་ལྡན་འདས་དེ་བཞིན་གཤེགས་པས་བཀའ་ཡང་དག་པར་གསུངས་ཏེ། བདག་གཟུངས་སུ་འཛིན་པར་འཚལ་ལོ། །དཔེར་ན་རྡོ་རྗེ་ནི་རིན་པོ་ཆེ་
D119.052.0098b07.01