完整藏文原文 · 德格版页 当前仅加载第 52 函德格 118a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཟད་པ་ན་དེའི་ཚེ་གསལ་བར་མངོན་པར་རྟོགས་པར་འགྱུར་བ་ནི་ཇི་ལྟར་གྱད་དེས་མེ་ལོང་གསལ་བའི་ནང་དུ་ནོར་བུ་རིན་པོ་ཆེ་མཐོང་བ་བཞིན་ནོ། །རིགས་ཀྱི་བུ་དེ་བཞིན་གཤེགས་པའི་སྙིང་པོ་ནི་དེ་ལྟར་ཚད་མེད་དེ་བསམ་གྱིས་མི་ཁྱབ་
D119.052.0118a01.01བོ། །རིགས་ཀྱི་བུ་གཞན་ཡང་འདི་ལྟ་སྟེ་དཔེར་ན་གངས་ཀྱི་རི་ལ་སྨན་བདེ་བ་ཞེས་བྱ་བའི་རོ་ཡོད་དོ། །དེའི་རོ་ནི་ཤིན་ཏུ་མངར་ཏེ། ནགས་སྟུག་པོའི་དྲུང་དུ་སྐྱེ་བས་མཐོང་བར་མི་ནུས་སོ། །དེ་ལ་དྲི་བྲོ་བ་ཙམ་གྱིས་གནས་དེ་ན་སྨན་དེ་ཡོད་པར་ཤེས་སོ། །སྔོན་
D119.052.0118a02.01འདས་པའི་དུས་ན་འཁོར་ལོས་སྒྱུར་བའི་རྒྱལ་པོ་ཞིག་སྨན་དེ་འདོད་པའི་ཕྱིར་གངས་ཀྱི་རི་དེ་ལ་གནས་ཀུན་ཏུ་ཤིང་གི་ཝ་བཙུགས་ནས་སྨན་ཟག་པ་བཟེད་དོ། །སྨན་དེ་ནམ་སྨིན་པ་ན་ཆུ་བཞིན་དུ་ས་ལ་ཟག་པས་ཤིང་གི་ཝ་བཟེད་པའི་ནང་དུ་ཡང་ཟགས་ཏེ་རོ་དེ་ནི་ཡང་དག་
D119.052.0118a03.01པའོ། །རྒྱལ་པོ་དེ་འདས་པའི་འོག་ཏུ་ནི་སྨན་དེའི་རོ་བར་འགའ་ནི་སྐྱུར། བར་འགའ་ནི་ལན་ཚྭ། བར་འགའ་ནི་མངར། བར་འགའ་ནི་ཁ། བར་འགའ་ནི་ཚ། བར་འགའ་ནི་བསྐའོ། །དེ་ལྟར་རོ་གཅིག་པོ་དེ་ཡང་གར་ཟག་པའི་གནས་ལས་རྣམ་པ་ཐ་དད་དུ་གྱུར་
D119.052.0118a04.01ཏེ་སྨན་དེའི་རོ་ཉིད་ནི་རི་ལ་ཡོད་དོ། །དཔེར་ན་ཟླ་བ་རྒྱས་པ་ནི་བསོད་ནམས་ཆུང་བ་དག་གིས་ཤིན་ཏུ་ཉམ་ཐག་པར་ལས་སུ་བྱས་ཏེ་གཞོར་གྱིས་བརྐོས་ཀྱང་ཐོབ་པར་མི་ནུས་སོ། །གལ་ཏེ་རྒྱལ་པོ་འཕགས་པ་དག་འཇིག་རྟེན་དུ་བྱུང་ན་བསོད་ནམས་ཀྱི་རྐྱེན་གྱིས་སྨན་དེའི་
D119.052.0118a05.01རོ་ཡང་ཡང་དག་པར་འཐོབ་པར་འགྱུར་རོ། །རིགས་ཀྱི་བུ་དེ་བཞིན་གཤེགས་པའི་སྙིང་པོའི་རོ་ཡང་དེ་དང་འདྲ་སྟེ། ཀུན་ནས་ཉོན་མོངས་པའི་ནགས་སྟུག་པོས་བསྒྲིབས་པས་སེམས་ཅན་མ་རིག་པ་དག་གིས་མཐོང་བར་མི་ནུས་སོ། །སྨན་རོ་གཅིག་པ་ཞེས་བྱ་བ་ནི་སངས་
D119.052.0118a06.01རྒྱས་ཀྱི་རང་བཞིན་གྱི་དཔེ་སྟེ། ཀུན་ནས་ཉོན་མོངས་པའི་དབང་གིས་རོ་རྣམ་པ་སྣ་ཚོགས་སུ་གྱུར་པ་ནི་འདི་ལྟ་སྟེ། སེམས་ཅན་དམྱལ་བ་དང་། {ཡི་དགས་,ཡི་དྭགས་}དང་། བྱོལ་སོང་དང་། ལྷ་དང་། མི་དང་། སྐྱེས་པ་དང་། བུད་མེད་དང་། མ་ནིང་དང་། རྒྱལ་རིགས་དང་། བྲམ་
D119.052.0118a07.01