完整藏文原文 · 德格版页 当前仅加载第 52 函德格 48a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་སོགས་པས་ཤེས་ཤིང་རྟོགས་པ་མ་ཡིན་ཏེ། སངས་རྒྱས་ཀྱི་ཆོས་ཀྱི་སྐུ་དང་། རྣམ་པ་སྣ་ཚོགས་ཀྱི་ཐབས་ནི་བསམ་གྱིས་མི་ཁྱབ་བོ། །རིགས་ཀྱི་བུ་གཞན་ཡང་སངས་རྒྱས་དང་། ཆོས་དང་། དགེ་འདུན་ལ་རྟག་ཏུ་དྲན་ཞིང་ནན་ཏན་
D119.052.0048a01.01བྱའོ། །ཆོས་རྣམ་པ་གསུམ་པོ་འདི་ནི་ཐ་དད་པ་མ་ཡིན་པའི་མཚན་ཉིད་མི་རྟག་པ་མ་ཡིན་པའི་མཚན་ཉིད། མི་འཕོ་བའི་མཚན་ཉིད་དོ། །གང་ཞིག་ཆོས་རྣམ་པ་གསུམ་པོ་འདི་ལ་ཐ་དད་པར་འདུ་ཤེས་ན་སྐྱེ་བོ་དེ་ནི་སྐྱབས་སུ་འགྲོ་བ་གསུམ་ལ་མི་གནས་པ། ཚུལ་
D119.052.0048a02.01ཁྲིམས་དང་མི་ལྡན་པ་ཞེས་བྱ་སྟེ། ཉན་ཐོས་དང་། རང་སངས་རྒྱས་ཀྱི་བྱང་ཆུབ་ཀྱང་ཐོབ་པར་མི་ནུས་སོ། །གང་གིས་བསམ་གྱིས་མི་ཁྱབ་པ་དེ་ལ་རྟག་པའི་འདུ་ཤེས་ཀྱིས་ནན་ཏན་བྱེད་ན་དེ་ནི་སྐྱབས་སུ་འགྲོ་བའི་གནས་ཡིན་ནོ། །རིགས་ཀྱི་བུ་དཔེར་ན་
D119.052.0048a03.01ཤིང་ཡོད་པའི་རྐྱེན་གྱིས་གྲིབ་མ་ཡོད་དོ། །དེ་བཞིན་གཤེགས་པ་ཡང་དེ་དང་འདྲ་སྟེ། རྟག་པའི་ཆོས་ཡོད་པས་སྐྱབས་སུ་འགྲོ་བའི་གནས་ཡོད་ཀྱི་མི་རྟག་པ་ནི་མ་ཡིན་ནོ། །གང་ཞིག་དེ་བཞིན་གཤེགས་པ་ལ་མི་རྟག་པའོ་ཞེས་སྨྲ་ན་དེ་བཞིན་གཤེགས་པ་ཡང་
D119.052.0048a04.01ལྷ་དང་འཇིག་རྟེན་དུ་བཅས་པའི་སྐྱབས་སུ་འགྲོ་བའི་གནས་མ་ཡིན་ནོ། །དེ་ནས་བཅོམ་ལྡན་འདས་ལ་བྱང་ཆུབ་སེམས་དཔའ་འོད་སྲུང་གིས་འདི་སྐད་ཅེས་གསོལ་ཏོ། །བཅོམ་ལྡན་འདས་དཔེར་ན་ནམ་རྨུས་ན་སྐྱེད་ཤིང་མཆིས་ཀྱང་གྲིབ་མ་ནི་མ་མཆིས་སོ། །བཀའ་
D119.052.0048a05.01སྩལ་པ། འོད་སྲུང་ཤིང་ཡོད་ལ་གྲིབ་མ་མེད་ཅེས་མི་བྱའོ། །དེ་ནི་ཤའི་མིག་གིས་མི་མཐོང་བའི་ཕྱིར་རོ། །རིགས་ཀྱི་བུ་དེ་བཞིན་གཤེགས་པ་ཡང་དེ་དང་འདྲ་སྟེ། རང་བཞིན་ཉིད་ཀྱིས་རྟག་ཏུ་གནས་ལ། མི་འགྱུར་མི་འཕོ་མོད་ཀྱི། ཤེས་རབ་ཀྱི་
D119.052.0048a06.01མིག་མེད་པས་ནི་མཐོང་བར་མི་ནུས་ཏེ། ཇི་ལྟར་ནམ་རྨུས་པའི་ཚེ་ཤིང་གི་གྲིབ་མ་མི་མཐོང་བ་བཞིན་ནོ། །སྐྱེ་བོ་མ་རབས་ཀྱང་སངས་རྒྱས་མྱ་ངན་ལས་འདས་ནས་གང་གིས་དེ་བཞིན་གཤེགས་པ་ནི་མི་རྟག་པའི་ཆོས་ཅན་ནོ་ཞེས་སྨྲ་བ་ཡང་དེ་དང་འདྲ་སྟེ། གང་གིས་
D119.052.0048a07.01