完整藏文原文 · 德格版页 当前仅加载第 52 函德格 312b 版页；藏文 NFD、目录标记与异常页序保留在来源切片中，重复版页行以稳定序号区分。
པ་མེད་པས་འཁོར་རྣམས་ཀྱང་ཉོན་མོངས་པ་མེད་པ་ཡིན་ན། །ཁོ་བོ་ལྟ་བུ་ཤིན་ཏུ་སྡིག་ཅན་ཁ་ན་མ་ཐོ་བའི་ལས་ཀྱིས་ཤིན་ཏུ་གླགས་པ། ཤིན་ཏུ་མནམ་ཞིང་བཙོག་པ། སེམས་ཅན་དམྱལ་བའི་ཁམས་སུ་གཏོགས་པ་འདི་ཇི་ལྟ་བུར་དེ་བཞིན་གཤེགས་པའི་སྤྱན་སྔར་འགྲོ་བར་བྱ།
D119.052.0312b01.01ཅི་སྟེ་ཕྱིན་ན་ཡང་ཁོ་བོ་ལ་མི་གཟིགས་ཤིང་བཀའ་སྩལ་པར་ཡང་མི་གནང་དུ་དོགས་ཏེ། ཁྱོད་ཀྱིས་ཁོ་བོ་ལ་སངས་རྒྱས་ཀྱི་སྤྱན་སྔར་འགྲོ་བར་བསྐུལ་ཀྱང་བདག་ནི་ཤིན་ཏུ་བཙོག་པས་འགྲོ་བའི་སེམས་འདི་ཙམ་ཡང་མེད་དོ། །དེའི་ཚེ་སྟེང་གི་ནམ་མཁའ་ལས་ཀྱང་འདི་སྐད་
D119.052.0312b02.01ཅེས་གྲག་པར་གྱུར་ཏོ། །བླ་ན་མེད་པའི་སངས་རྒྱས་ཀྱི་ཆོས་ཀྱང་ནུབ་ཏུ་ཉེ། ཤིན་ཏུ་ཟབ་པའི་ཆུ་ཀླུང་ཡང་སྐམས་ལ་ཁད། ཆོས་ཀྱི་སྒྲོན་མ་ཆེན་པོ་ཡང་རིང་པོ་མི་ཐོགས་ལ། ཆོས་ཀྱི་རི་བོ་ཡང་འགྱེལ་དུ་ཉེ། ཆོས་ཀྱི་གྲུ་ཡང་ཞིག་ལ་ཁད། ཆོས་ཀྱི་ཟམ་པ་ཡང་ཞིག་
D119.052.0312b03.01ཏུ་ཉེ། ཆོས་ཀྱི་གཞལ་མེད་ཁང་ཡང་རྡིབ་ཏུ་ཉེ། ཆོས་ཀྱི་རྒྱལ་མཚན་ཡང་འགྱེལ་དུ་ཉེ། ཆོས་ཀྱི་སྡོང་པོ་ཡང་ཆག་ལ་ཁད། དགེ་བའི་བཤེས་གཉེན་ཡང་འགྲོ་ལ་ཁད། འཇིག་པ་ཆེན་པོ་ཡང་འོང་དུ་ཉེ། ཆོས་ཀྱིས་ལྟོགས་པའི་སེམས་ཅན་ནི་རིང་པོ་མི་ཐོགས་པར་
D119.052.0312b04.01འབྱུང་། ཉོན་མོངས་པའི་རིམས་ནད་ནི་འབྱུང་ལ་ཁད། མུན་ནག་ཆེན་པོས་ནི་ནོན་པའི་དུས་ལ་བབ། ཆོས་ཀྱིས་ཕོངས་པའི་དུས་ནི་བབ་ཏུ་ཉེ་ལ། བདུད་ཀྱི་རྒྱལ་པོ་ནི་ཤིན་ཏུ་དགའ་བས་གོ་ཆ་ཡང་བོར། སངས་རྒྱས་ཀྱི་ཉི་མ་ནི་མྱ་ངན་ལས་འདས་པ་ཆེན་
D119.052.0312b05.01པོའི་རི་རྩེར་ནུབ་ལ་ཁད་དོ། །རྒྱལ་པོ་ཆེན་པོ་གལ་ཏེ་སངས་རྒྱས་གཤེགས་པར་གྱུར་ན་རྒྱལ་པོ་ཆེན་པོའི་ཁ་ན་མ་ཐོ་བའི་ལས་འདི་དག་ནི་གཞན་སུས་ཀྱང་གསོ་མི་ནུས་སོ། །རྒྱལ་པོ་ཆེན་པོ་ཁྱོད་ནི་མཚམས་མེད་པའི་སེམས་ཅན་དམྱལ་བའི་ཁ་ན་མ་ཐོ་བའི་ལས་
D119.052.0312b06.01བྱས་པས་ལས་དེའི་རྐྱེན་གྱིས་ཐེ་ཚོམ་མེད་པར་ལྟུང་དུ་ངེས་སོ། །རྒྱལ་པོ་ཆེན་པོ་ཨ་ཞེས་བྱ་བ་ནི་མེད་པའོ། །བྱི་ཞེས་བྱ་བ་ནི་མཚམས་སོ། །བདེ་བའི་མཚམས་ཅུང་ཟད་ཀྱང་མེད་པས་མཚམས་མེད་པ་ཞེས་བྱའོ། །རྒྱལ་པོ་ཆེན་པོ་གལ་ཏེ་མི་གཅིག་པུ་
D119.052.0312b07.01