完整藏文原文 · 德格版页 当前仅加载第 52 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
པ་འཚལ། །དེ་བས་སངས་རྒྱས་བཅོམ་ལྡན་འདས། །བདག་ཅག་སྤང་བ་མི་མཛད་གསོལ། །དཔེར་ན་རྒྱལ་པོ་མི་བཞུགས་ན། །ཡུལ་མི་ཐམས་ཅད་ལྟོགས་པར་གྱུར། །བདག་ཅག་རྣམས་ཀྱང་དེ་འདྲ་སྟེ། །ཆོས་ཀྱི་རོ་དང་སྐྱབས་ཀྱང་སྟོར། །
D119.052.0029a01.01སངས་རྒྱས་མྱ་ངན་འདའ་ཐོས་པས། །བདག་ཅག་སེམས་ནི་མྱོས་པར་གྱུར། །ཇི་ལྟར་ས་ཆེན་རབ་གཡོས་ནས། །ཕྱོགས་རྣམས་ཤིན་ཏུ་བསླད་པ་བཞིན། །དྲང་སྲོང་མྱ་ངན་འདས་གཤེགས་པས། །སངས་རྒྱས་ཉི་མ་ས་ལ་ལྷུང་། །ཆོས་ཀྱི་ཆུ་ཡང་སྐམས་
D119.052.0029a02.01པར་གྱུར། །བདག་ཅག་གདོན་མི་ཟ་བར་འཆི། །བཅོམ་ལྡན་མྱ་ངན་འདས་གཤེགས་ན། །འགྲོ་བའི་སྡུག་བསྔལ་གདུང་བ་ནི། །དཔེར་ན་ཚོང་པ་ཞིག་གི་བུ། །གསར་དུ་ཕ་མ་ཤི་བ་བཞིན། །བཅོམ་ལྡན་མྱ་ངན་འདས་གཤེགས་ཏེ། །ཅི་སྟེ་མི་
D119.052.0029a03.01བཞུགས་པར་གྱུར་ན། །བདག་དང་སེམས་ཅན་ཐམས་ཅད་ནི། །མགོན་དང་སྐྱབས་མ་མཆིས་པར་འགྱུར། །བཅོམ་ལྡན་མྱ་ངན་འདས་གཤེགས་ན། །བྱོལ་སོང་སྐྱེ་གནས་བར་དུ་ཡང་། །ཐམས་ཅད་སྡུག་བསྔལ་ཡིད་བློང་ཞིང་། །གདུངས་པར་
D119.052.0029a04.01གྱུར་ཏེ་སྨྲེ་སྔགས་འདོན། །དེང་འདིར་བདག་ཅག་རྣམས་ཀྱིས་ནི། །མྱ་ངན་མི་བགྱིད་གཏོལ་མ་མཆིས། །དེ་བཞིན་གཤེགས་པས་བོར་བ་ཡང་། །ཇི་ལྟར་མཆིལ་མ་ངར་སྣབས་བཞིན། །དཔེར་ན་ཉི་མ་ཤར་བ་ན། །འོད་ཟེར་ཀུན་ཏུ་ལྷམ་མེར་སྣང་། །
D119.052.0029a05.01ཀུན་ཏུ་སྣང་བར་བྱས་པ་ན། །མུན་པ་ཐམས་ཅད་མེད་པར་གྱུར། །དེ་བཞིན་གཤེགས་པའི་རྫུ་འཕྲུལ་འོད། །བདག་ཅག་རྣམས་ཀྱི་ཉོན་མོངས་བསལ། །འཁོར་གྱི་ནང་དུ་བཞུགས་པ་ཡང་། །རི་རབ་རི་ཡི་རྒྱལ་པོ་བཞིན། །བཅོམ་ལྡན་འདས་དཔེར་ན་རྒྱལ་པོ་
D119.052.0029a06.01ཞིག་གི་སྲས་བུ་བྱད་གཟུགས་བཟང་བ་བལྟ་ན་སྡུག་པ་ཤིན་ཏུ་མཛེས་པ་དག་མཆིས་ན་ཤིན་ཏུ་བྱམས་པས་སྔར་རྩལ་སྣ་ཚོགས་བསླབས་ཏེ། ཁོང་དུ་ཆུད་པའི་འོག་ཏུ་གཤེད་མ་ལ་སོད་ཅིག་ཅེས་གཏད་དོ། །བཅོམ་ལྡན་འདས་བདག་ཅག་ཀྱང་ཆོས་ཀྱི་སྲས་སུ་གྱུར་ཏེ།
D119.052.0029a07.01