完整藏文原文 · 德格版页 当前仅加载第 52 函德格 60b 版页；藏文 NFD、目录标记与异常页序保留在来源切片中，重复版页行以稳定序号区分。
དེ་དང་འདྲ་སྟེ་སེམས་ཅན་གང་མཚམས་མེད་པའི་སེམས་ཅན་དམྱལ་བར་ལྟུང་བར་འགྱུར་བའི་རྒྱུ་དང་རྐྱེན་གཅིག་གཟིགས་ན། དགེ་བའི་ཚུལ་ཁྲིམས་ཀྱིས་དེ་སྲུང་བར་བྱེད་དོ། །རིགས་ཀྱི་བུ་འདི་ལྟ་སྟེ། དཔེར་ན་འཁོར་ལོས་སྒྱུར་བའི་རྒྱལ་པོ་ཡང་སྔར་སེམས་ཅན་ལ་དགེ་བ་བཅུའི་
D119.052.0060b01.01ཆོས་ཀྱིས་འདུལ་ལོ། །ཕྱིས་མི་དགེ་བ་སྤྱོད་པ་ཡོད་ན་དེ་ལ་ཅི་རིགས་སུ་བགས་ཀྱིས་ཆད་པས་གཅོད་དོ། །ཉེས་པའི་ཆད་པས་བཅད་ནས་གདོད་འཕྲུལ་གྱི་རྒྱལ་པོའི་ཆོས་སྤྱོད་དོ། །རིགས་ཀྱི་བུ་ང་ཡང་དེ་དང་འདྲ་སྟེ། བསྟན་པ་ཡོད་ཀྱང་སྔར་མ་བཅས་པ་ནི། དགེ་སློང་དག་ཆོས་མ་ཡིན་
D119.052.0060b02.01པར་སྤྱོད་དུ་བྱེད་ན། གདོད་ཅི་རིགས་སུ་བགས་ཀྱིས་བཅས་པས་ན། གང་ཆོས་ལ་མོས་པའི་སྐྱེ་བོ་དག་ནི་སྟོན་པའི་རྗེས་སུ་མོས་པར་འགྱུར་རོ། །དེ་བས་ན་འཁོར་དེ་དག་གིས་དེ་བཞིན་གཤེགས་པའི་ཆོས་ཀྱི་སྐུ་མཐོང་བར་གྱུར་ཏོ། །འདི་ལྟ་སྟེ། འཁོར་ལོས་སྒྱུར་བའི་རྒྱལ་པོའི་
D119.052.0060b03.01འཁོར་ལོ་རིན་པོ་ཆེའི་ནི་བསམ་གྱིས་མི་ཁྱབ་བོ། །དེ་བཞིན་གཤེགས་པ་ཡང་དེ་བཞིན་དུ་བསམ་གྱིས་མི་ཁྱབ་སྟེ། ཆོས་དང་དགེ་འདུན་ཡང་བསམ་གྱིས་མི་ཁྱབ་ལ། ཆོས་སྟོན་པ་དང་། ཆོས་ཉན་པ་ཡང་བསམ་གྱིས་མི་ཁྱབ་སྟེ། འདི་ནི་རྟེན་ཅིང་འབྲེལ་ཏེ་འབྱུང་བ་ལ་
D119.052.0060b04.01མཁས་པ་ཞེས་བྱའོ། །བྱང་ཆུབ་སེམས་དཔའ་དེ་ལྟར་མཚན་ཉིད་རྣམ་པ་འདི་བཞིའི་དོན་རྣམ་པར་འབྱེད་པ་ལ་མཁས་པ་ནི་ཐེག་པ་ཆེན་པོ་ཡོངས་སུ་མྱ་ངན་ལས་འདས་པའི་ནང་ན་རྟེན་ཅིང་འབྲེལ་ཏེ་འབྱུང་བའི་དོན་ལ་མཁས་པ་ཞེས་བྱའོ། །དེ་ལ་གཞན་ཡང་བདག་ཚུལ་བཞིན་
D119.052.0060b05.01དུ་བྱེད་པ་ཞེས་བྱ་བ་ནི་ཡོངས་སུ་མྱ་ངན་ལས་འདས་པ་ཆེན་པོ་འཐོབ་པའོ། །གཞན་ཚུལ་བཞིན་དུ་འཆོས་པ་ནི་ངས་དགེ་སློང་དག་ལ་དེ་བཞིན་གཤེགས་པ་ནི་རྟག་པ་མི་འཕོ་བའོ་ཞེས་བསྟན་པའོ། །དྲིས་པའི་ལན་བཏབ་པ་ནི་འོད་སྲུང་ཁྱོད་ཀྱིས་དྲིས་པའི་ཕྱིར་བྱང་ཆུབ་སེམས་དཔའ་
D119.052.0060b06.01སེམས་དཔའ་ཆེན་པོ་དང་། དགེ་སློང་དང་། དགེ་སློང་མ་དང་། དགེ་བསྙེན་དང་། དགེ་བསྙེན་མ་ལ་ཤིན་ཏུ་ཟབ་མོའི་དོན་རྒྱས་པར་བསྟན་པའོ། །རྟེན་ཅིང་འབྲེལ་ཏེ་འབྱུང་བའི་དོན་ནི་ཉན་ཐོས་དང་། རང་སངས་རྒྱས་དག་ཤིན་ཏུ་ཟབ་མོའི་དོན་འདི་ལྟ་བུ་མི་ཤེས་ཤིང་ཡི་གེའི་
D119.052.0060b07.01