完整藏文原文 · 德格版页 当前仅加载第 52 函德格 277a 版页；藏文 NFD、目录标记与异常页序保留在来源切片中，重复版页行以稳定序号区分。
བ་ཞེས་བྱའོ། །མ་འདྲེས་པའི་ཆོས་འཐོབ་པ་ནི་བདེ་བ་ཞེས་བྱའོ། །ཚུལ་ཁྲིམས་ཡོངས་སུ་དག་པས་ན་ལུས་ལས་སུ་རུང་བ་དང་། ངག་རྩུབ་པོའི་སྐྱོན་མེད་དེ། བྱང་ཆུབ་སེམས་དཔའ་དེའི་ཚེ་ལྟ་བ་དང་། ཉན་པ་དང་། སྣོམ་པ་དང་། རོ་མྱོང་བར་བྱེད་པ་
D119.052.0277a01.01དང་། རེག་བྱ་དང་། ཤེས་པར་བྱེད་པ་ཐམས་ཅད་ལ་ཁ་ན་མ་ཐོ་བར་འགྱུར་བ་མེད་དོ། །ཁ་ན་མ་ཐོ་བར་འགྱུར་བ་མེད་པས་སེམས་རབ་ཏུ་བདེ་བར་འགྱུར་རོ། །སེམས་རབ་ཏུ་བདེ་བར་གྱུར་པས་ན་ཞི་བའི་ཏིང་ངེ་འཛིན་འཐོབ་བོ། །ཞི་བའི་ཏིང་ངེ་འཛིན་ཐོབ་པས་ན་
D119.052.0277a02.01ཤེས་པ་དང་ལྟ་བ་ཡང་དག་པར་འགྱུར་རོ། །ཤེས་པ་དང་ལྟ་བ་ཡང་དག་པར་གྱུར་པས་འཁོར་བ་ལ་ཡོངས་སུ་སྐྱོའོ། །འཁོར་བ་ལ་ཡོངས་སུ་སྐྱོ་བས་ན་རྣམ་པར་གྲོལ་བར་འགྱུར། རྣམ་པར་གྲོལ་བས་ན་སངས་རྒྱས་ཀྱི་རང་བཞིན་མཐོང་ངོ་། །སངས་རྒྱས་ཀྱི་རང་བཞིན་
D119.052.0277a03.01མཐོང་བས་ན་ཡོངས་སུ་མྱ་ངན་ལས་འདས་པ་ཆེན་པོ་འཐོབ་བོ། །དེ་དག་ནི་བྱང་ཆུབ་སེམས་དཔའི་ཚུལ་ཁྲིམས་ཡོངས་སུ་དག་པ་ཡིན་གྱི། འཇིག་རྟེན་གྱི་ཚུལ་ཁྲིམས་ནི་མ་ཡིན་ནོ། །དེ་ཅིའི་ཕྱིར་ཞེ་ན། རིགས་ཀྱི་བུ་བྱང་ཆུབ་སེམས་དཔའ་སེམས་དཔའ་ཆེན་པོས་ཚུལ་ཁྲིམས་
D119.052.0277a04.01ཡོངས་སུ་དག་པར་བསྲུངས་ན་ཆོས་རྣམ་པ་འདི་ལྔ་གྲོགས་སུ་འགྱུར་རོ། །ལྔ་གང་ཞེ་ན། དད་པ་དང་ལྡན་པ་ཡིན། ཁྲེལ་བ་དང་ལྡན་པ་ཡིན། འཛེམ་པ་དང་ལྡན་པ་ཡིན། དགེ་བའི་བཤེས་གཉེན་དང་ལྡན་པ་ཡིན། ཚུལ་ཁྲིམས་ལ་གུས་པར་བྱེད་པ་ཡིན་ནོ། །
D119.052.0277a05.01སྒྲིབ་པ་ལྔ་ཡོངས་སུ་སྤངས་པས་ལྟ་བ་རྣམ་པར་དག་པར་འགྱུར་བ་དང་། ལྟ་བ་ལྔ་ཡོངས་སུ་སྤངས་པས་ཐེ་ཙོམ་གྱི་སེམས་མེད་པར་འགྱུར་རོ། །གཞན་ཡང་ཐེ་ཙོམ་ལྔ་ཡོངས་སུ་སྤོང་བར་འགྱུར་ཏེ། ལྔ་གང་ཞེ་ན། སངས་རྒྱས་ལ་ཐེ་ཙོམ་ཟ་བ་དང་། ཆོས་ལ་ཐེ་ཙོམ་ཟ་
D119.052.0277a06.01བ་དང་། དགེ་འདུན་ལ་ཐེ་ཙོམ་ཟ་བ་དང་། ཚུལ་ཁྲིམས་ལ་ཐེ་ཙོམ་ཟ་བ་དང་། བག་མེད་པ་ལ་ཐེ་ཙོམ་ཟ་བའོ། །བྱང་ཆུབ་སེམས་དཔའ་དེའི་ཚེ་དབང་པོ་ལྔ་ཡང་ཐོབ་པར་འགྱུར་ཏེ། ལྔ་གང་ཞེ་ན། དད་པའི་དབང་པོ་དང་། བརྩོན་འགྲུས་ཀྱི་དབང་པོ་དང་། དྲན་པའི་
D119.052.0277a07.01