完整藏文原文 · 德格版页 当前仅加载第 52 函德格 172b 版页；藏文 NFD、目录标记与异常页序保留在来源切片中，重复版页行以稳定序号区分。
མོའི་དོན་རྣམས་རྟོགས་པ་ནི། །ཇི་ལྟར་འཕོང་ལ་གོམས་པ་བཞིན། །དུས་གསུམ་གཤེགས་པའི་བཅོམ་ལྡན་འདས། །ཐུགས་རྗེ་ཆེན་པོའི་གཙོ་བོར་གྱུར། །དེ་ལྟར་ཐུགས་རྗེ་ཆེ་བ་དེ། །ད་ལྟར་ཇི་ལྟར་ག་ལ་མཆིས། །ཇི་སྟེ་ཐུགས་རྗེ་མི་མངའ་ན། །
D119.052.0172b01.01སངས་རྒྱས་ཞེས་ཀྱང་བགྱིར་མི་རུང་། །ཇི་སྟེ་མྱ་ངན་འདས་གྱུར་ན། །རྟག་པ་ཞེས་ཀྱང་བགྱིར་མི་རུང་། །བླ་ན་མེད་པའི་བཅོམ་ལྡན་འདས། །བདག་ཅག་གསོལ་བ་གནང་བར་མཛོད། །འགྲོ་བ་ཀུན་ལ་བདེ་བའི་ཕྱིར། །མུ་སྟེགས་ཅན་དག་
D119.052.0172b02.01གདུལ་དུ་གསོལ། །དེའི་ཚེ་བཅོམ་ལྡན་འདས་ཐུགས་རྗེ་ཆེན་པོ་ལ་གོམས་པའི་ཐུགས་ཀྱིས་སེམས་ཅན་སོ་སོའི་བསམ་པ་མཁྱེན་ནས་དེ་དག་གི་རྗེས་སུ་མཐར་ཕན་པ་དང་བདེ་བའི་དོན་མཛད་པའི་ཕྱིར་གཟིམས་པ་ལས་བཞེངས་ནས། སྐྱིལ་མོ་ཀྲུང་བཅས་ཏེ་
D119.052.0172b03.01བཞུགས་སོ། །དེའི་ཚེ་སྐུ་མདོག་ལྷང་ངེ་ལྷམ་མེར་འཚེར་བ་ནི་གསེར་བཙོ་མ་ལྟར་གསལ་བར་གྱུར་ཏོ། །ཞལ་མདོག་ཤིན་ཏུ་མཛེས་པ་ནི་ཇི་ལྟར་ཟླ་བ་རྒྱས་པ་ལྟ་བུའོ། །སྐུ་ཤིན་ཏུ་གསལ་ཞིང་དག་པས་དྲི་མའམ། རྙོག་པའི་བག་མེད་དེ་འོད་ཟེར་ཆེན་པོ་བཀྱེ་
D119.052.0172b04.01ནས་ནམ་མཁའི་དབྱིངས་ཡོངས་སུ་གང་བར་གྱུར་ཏོ། །ཉི་མ་བརྒྱ་སྟོང་བས་ཤིན་ཏུ་ལྷག་པའི་འོད་ཀྱིས་ཤར་ཕྱོགས་དང་། ལྷོ་དང་། ནུབ་དང་། བྱང་དང་། ཕྱོགས་མཚམས་བཞི་དང་། སྟེང་དང་། འོག་གི་ཕྱོགས་ཀྱི་སངས་རྒྱས་ཀྱི་འཇིག་རྟེན་གྱི་ཁམས་
D119.052.0172b05.01སུ་སེམས་ཅན་ཐམས་ཅད་ལ་ཡེ་ཤེས་ཆེན་པོའི་སྣང་བ་བྱིན་ནས་མ་རིག་པའི་མུན་པ་ཡོངས་སུ་བསལ་ཏོ། །གཞན་ཡང་སེམས་ཅན་བྱེ་བ་ཁྲག་ཁྲིག་བརྒྱ་སྟོང་སྙེད་བྱང་ཆུབ་ཀྱི་སེམས་ལས་སླར་མི་ལྡོག་པར་བཀོད་དོ། །དེའི་ཚེ་བཅོམ་ལྡན་འདས་སེང་གེའི་
D119.052.0172b06.01རྒྱལ་པོ་ལྟར་བསྙེངས་པ་མེད་བཞིན་དུ་སྐྱེས་བུ་ཆེན་པོའི་མཚན་སུམ་ཅུ་རྩ་གཉིས་དང་། དཔེ་བྱད་བཟང་པོ་བརྒྱད་ཅུས་སྐུ་ཡོངས་སུ་བརྒྱན་ཏེ། སྐུའི་བ་སྤུའི་བུ་ག་རེ་རེ་ནས་པད་མོ་རེ་རེ་བྱུང་བར་སྤྲུལ་ཏོ། །པད་མོ་དེ་དག་ཀྱང་འདབ་མ་སྟོང་སྟོང་དང་ལྡན་ཏེ།
D119.052.0172b07.01